Métodos Estatísticos e Numéricos

Con Métodos Estatísticos aprenderás técnicas de recolección, reconto, presentación, descrición e análise de datos. Tamén a comprobar a validez de certas hipóteses ou investigar relacións de causalidade entre determinados fenómenos. Por este motivo o 100% das carreiras científicas inclúen unha ou varias materias relacionadas con esta optativa: Bioloxía, Física, Química. Ao igual que moitas outras da área da saúde coma Medicina ou Psicoloxía.

Os Métodos Numéricos ofreceranche unha nova visión de cómo resolver ecuacións ou como buscar a solución óptima a determinados problemas. A vantaxe destes métodos é que son facilmente implementables nun computador, polo que é habitual que se traten en graos relacionadas coas TIC coma Informática, Economía, Administración y dirección de empresas, e todas as enxeñerías.

Verás un enfoque práctico a moitos dos contidos vistos na materia de Matemáticas o cal servirá de apoio e complemento, axudándoche ademais a mellorar a nota de dita materia.

Adquirirás novos coñecementos moi útiles para comezar a estudar moitos graos universitarios. Non só os de tipo científico, técnico ou da saúde senón outros coma Antropoloxía, Criminoloxía, Turismo, ...

Cursar esta optativa, ademais de axudarche a preparar Matemáticas II, completará o temario dunha nova materia de modalidade máis: Matemáticas Aplicadas ás Ciencias Sociais II, á que te poderás presentar nas probas de acceso á Universidade, na parte voluntaria, podendo subir así a nota de acceso ata 2 puntos.

Tamén pode resultar moi útil se pensas facer un ciclo nas ramas de Administración e xestión, Informática e Comunicacións, Química, Sanidade, ...