IES Isidro Parga Pondal

O vindeiro luns 14 de outubro ás 18:30 no patio cuberto haberá unha reunión para falar da posibilidade dunha viaxe a París na primavera. Esta viaxe é para 3º de ESO.

Estes días os estudantes de 2º e 4º da ESO tiveron a oportunidade de trasladar a súa experiencia persoal ós seus compañeiros máis xoves, recen chegados ó centro, explicándolles as funcións que realizan como alumnado axudante do noso centro educativo.

A través de esta iniciativa, compartiron como colaboran na mellora da convivencia, no apoio entre iguais e na creación de un entorno máis inclusivo e participativo.

Un gran exemplo de compromiso e responsabilidade !!!

Graciñas ó alumnado axudante deste centro polo seu esforzo e dedicación!!!

Temos o orgullo de informar que dúas alumnas de 1º de bacharelato do curso pasado (Uxía Marrozos Loureiro e Paula Varela Pose, actualmente cursando 2º), foron nomeadas finalistas coa súa curta “Misión fallida” na IV edición dos Premios Fouciño (@premiosfoucino) do Concello De Zas (@concellozas).

Esta curta foi feita dentro da optativa de “Tecnoloxías da información e a comunicación I” e coordinada pola profesora Leticia Riestra. 

Na súa curta, contan a historia dunha alumna que por querer integrarse dentro dun grupo do instituto e non sentirse tan soa, tenta facer una misión que non resulta como ela esperaba... e ata aquí podemos contar.

Dar as grazas ao centro pola axuda prestada na gravación así como ao profesorado e alumnado que se animou a saír na corta .

Moita sorte o 2 de novembro na entrega de premios!!

Hoxe, 3 de outubro, o alumnado de 1º de bacharelato do noso centro acude ao Pazo da Cultura de Carballo para ver a función “Mulleres que viven soas” dentro de 33 Festival Internacional Outono de Teatro (@fiotcarballo).

Este espectáculo teatral (#MQVS), corre a cargo da compañía Berrobambán (@berrobamban) e ten o seu xerme no ano 2019 cando Paula Carballeira realizou unha sesión especial para o Maratón de Cuentos de Guadalajara baixo o título de Mulleres que viven soas. Posteriormente, a compañía, no ano 2023 decidiu ir máis aló e facer medrar ese proxecto cunha serie de podcast para recoller entrevistas a mulleres que vivisen soas. Agora, no 2024, propón este espectáculo para plasmar estas dúas experiencias.

En resumo, #MQVS é espectáculo híbrido entre o teatro documental, a standup comedy e o teatro isabelino interpretado por tres das contadoras de historias máis relevantes do país: Paula Carballeira, María da Pontragha e Vero Rilo.

O pasado mércores día 25 de setembro, o alumnado de 3º ESO acudiu a Razo para practicar surf dentro dunha actividade promovida polo departamento de educación física do noso centro.
Esta actividade está apoiada polo Concello de Carballo (@carballomola), coordinada pola Federación Galega de Surf (@fgsurf), impartida por Art Surfcamp (@artsurfcamp) e se enmarca dentro do proxecto "Rede de pobos do surf".
Case 40 alumnas e alumnos do centro ocuparon a mañá gozando do mar, as ondas e tamén tomando conciencia do coidado da contorna. Foi unha xornada de convivencia acompañada dunhas condicións ideais para iniciarse nesta disciplina.
Queremos dar un agradecemento especial aos monitores da escola Art Surf Camp que nos brindaron un trato espléndido e deixáronnos con ganas de repetir experiencia

Queremos informar que o departamento de educación física, organiza de novo, o torneo de fútbol sala. O prazo de inscrición está xa aberto así que podedes anotarvos na conserxería.

Tedes as bases tanto na páxina web do centro como nesta publicación

Pódese consultar no arquivo adxunto a listaxe dos grupos e as materias correspondentes para o curso 2024-2025.

As clases comezan o día 11 ás 8:30h. O alumnado de 1º da ESO a esa hora terá un acto de presentación no ximnasio. O resto do alumnado debe ir directamente á aula do seu grupo, onde será recibido pola titora ou o titor. Despois da presentación haberá clase normal.

O alumnado que ten o domicilio a menos de 2 Km do centro educativo ten a consideración de "usuario excepcional" por parte do servizo de Mobilidade, podéndoselle asignar praza de transporte escolar só no caso de que existan prazas libres. Neste centro recibíronse máis solicitudes que prazas dispoñibles en varias rutas que pasan polo casco urbano. Asignáronse as prazas dando prioridade ás paradas máis lonxanas ao instituto e ao alumnado de cursos máis baixos. O resultado diso é que para o curso 2024-2025 non ten praza de bus escolar o alumnado de 4º da ESO na parada CEIP Bergantiños e tampouco o alumnado de 3º e 4º da ESO na parada R/ Luis Calvo.

ESPA (módulos 1 e 3): 11 de setembro, 17:00h

Bacharelato (1º e 2º): 11 de setembro, 18:30h