IES Isidro Parga Pondal

Instituto de ensinanza secundaria, bacharelato, ciclos formativos e adultos

Rúa Muiño da Pintura, nº 4, 15100 Carballo, A Coruña

Teléfono: 881 88 03 71

Email: ies.parga.pondal@edu.xunta.gal

Horario: 08:00h - 22:00h

Horario administración: 09:00h - 14:00h

Xa temos o alumnado premiado no Concurso de postais de Nadal 2021 convocado polo EDLG en colaboración coa Biblioteca e cos Departamentos de Artes Plásticas e de Lingua Galega.

  • 1º premio: REBECA GÓMEZ CUNS. 1º BACHARELATO B.
  • 2º premio: UXÍA MARROZOS LOUREIRO. 3º ESO B.
  • 3º premio: SARAY GENDE COLLAZO. 1º ESO E.

Parabéns ás tres gañadoras e graciñas a todo o alumnado que participou!

 

O Departamento de Música quere ofrecervos, para festexar este Nadal 2021 e a entrada no ano 2022, esta montaxe co traballo que o alumnado de música estivo a preparar con moito esforzo, espírito colaborador e entusiasmo

Agradecemos a dirección do I.E.S Isidro Parga Pondal, a todo o profesorado, alumnado e persoal non docente, todas as facilidades para levar a cabo este concerto.

Queremos facer unha mención especial a Xairo Campos Blanco, ao equipo de decoración, vídeo e fotagrafía pola súa profesionalidade e dedicación.

Bo Nadal e Felices Festas!!!

 

 

O pasado xoves 16 de decembro a Asociación Galega de Custodia do Territorio (AGCT) deu unha charla aos alumnos de Cultura Científica de 4º de ESO do noso centro. Nela faláronnos de que é a “custodia do territorio” e a súa importancia na conservación de especies, poñendo especial fincapé nos proxectos que teñen en marcha para protexer a flora ameazada no Courel e na Serra do Careón.

Se queredes saber máis sobre esta asociación e a importante labor que levan a cabo premede na seguinte ligazón:

https://www.custodiadoterritorio.org/

 

O xoves, 09 de decembro, o alumnado de 3º da ESO do noso centro asistiu a un encontro literario coa escritora Antía Yáñez. Tras unha breve presentación, feita polas alumnas Judith Añón Carracedo e Ánxela Palomero Agra, a escritora falounos da temática da novela Senlleiras e do proceso da súa escrita. Finalmente contestou ás preguntas que os alumnos e alumnas lle fixeron e asinou e adicou os seus libros.

Agradecemos a xestión da profesora Beatriz Corral para que esta actividade fose financiada pola Secretaría Xeral de Política Lingüística a través dos Equipos de Dinamización da Lingua Galega e do Fondo de proxectos Xacobeo 21-22.  Deixámosvos algunhas imaxes deste encontro con Antía Yáñez e esperamos que vos animedes a ler calquera dos seus libros.

 

A alumna do noso centro Uxía Marrozos Loureiro obtivo o 1º premio na categoría feminina no III Torneo de Xadrez de Nadal Xiria Carballo, celebrado o mércores 8 de decembro.

Ademáis quedou de 16 (empatada co 14) a tan só medio punto dos primeiros na clasificación xeral.

 

    • Un cento de alumnos e alumnas de 1º ESO participaron hoxe no obradoiro organizado polo  centro carballés con motivo da celebración do Mes da Ciencia en Galego
    • A iniciativa ten como obxectivo visibilizar as mulleres e a lingua propia de Galicia no ámbito da ciencia e da investigación, así como dar a coñecer e fixar referentes que animen ás alumnas a cursar as coñecidas como carreiras STEM

 

O próximo día 25 de Novembro procederase á votación dos distintos colectivos para a renovación do Consello Escolar.

  • Pais/Nais/Titores legais no horario de 12:00 a 14:00 e de 17:00 a 19:00 na entrada do Instituto.
  • Alumnado durante o seu horario lectivo na aula de referencia.
  • Profesorado de 14:15 a 15:00 na Peixeira.

Este venres día 12 tivo lugar a cerimonia de entrega das medallas GaliciaSkills 2021

Martín Cambón Recarey, alumno do IES Isidro Parga Pondal de Carballo, titorizado polo profesor Diego Terrón del Valle, resultou gañador da medalla de ouro da competición de GaliciaSkills 2021 na especialidade de Administración de sistemas en rede.