Instituto de ensinanza secundaria, bacharelato, ciclos formativos e adultos
Extraescolares
Visita do musicólogo e compositor Abraham Cupeiro á IV Semana da Música
A nosa exalumna Ana Cambón, controladora da Axencia Espacial Europea, impartiu unha charla aos alumnos de bacharelato o pasado mércores 6 de abril.
Ana Cambón: «Na Axencia Espacial Europea nada temos que envexarlle aos americanos»
Este ano o FIOT presentou o FIOTEEN, unha canle para sair á procura de novo público nos centros educativos. A través desa canle mantiveron informado ao alumnado de todo o que acontecía no FIOT, graciñas á interpretación de Alba Bermúdez e Tone Martínez, da compañía carballesa Galeatro, que visitaron os centros con píldoras informativas presentando os diferentes espectáculos. Tamén se representou no centro educativo a obra “Por unha peseta” da compañía Apatacón.
Ademais do anterior ofrecéronse de xeito gratuíto ao alumnado diversas representacións no Pazo da Cultura, podendo dese xeito acudir á preestrea de algunhas das obras do FIOT. Así, o alumnado de 3º de ESO puido disfrutar da obra “Medida x medida”, de PT Excéntricas, o alumnado de 4º de ESO da obra “O electo” de Contraproducións e Focus e o alumnado de bacharelato da obra “Dados” de Ventrículo Veloz.
Agradecemos ao FIOT a colaboración cos centros educativos.
Podedes consultar unha galería cos imaxes das saídas premendo aquí.
O alumnado de 1º de ESO e 2º de Bacharelato do noso centro participou na actividade programada polo FIOT (Festival Internacional de Outono de Carballo) coas seguintes obras :
- 1º ESO
- Título da obra: Saltimbanqui
- Grupo: Xa era hora!
- Integrantes: Xulia, Fran, Kiara, Miguel Alejandro e Mario
- 2º Bacharelato
- Título da obra: Un berro na escuridade.
- Grupo: Espartanas
- Integrantes: Juan, Andrea, Aida, Uxía, Saray, Irene e Elena.
A actividade foi organizada polo EDLG e o Departamento de Lingua galega. Todos eles fixérono xenial. Tiveron a oportunidade de visitar as instalacións de Radio Voz onde se realizaron as gravacións que escoitaremos o día 10 de decembro. Contamos coa axuda inestimable da nosa compañeira Leticia Riestra, profesora de Informática.
PARABÉNS e moita SORTE!!!!!!!!!!!! Agora só falta o veredicto do xurado. Moitas grazas pola vosa colaboración!!!!!!!!
O pasado 10 de maio visitounos Víctor Tilve nunha actividade organizada polo departamento de Matemáticas.
Víctor estudou matemáticas na USC e foi, xustamente durante a carreira, cando se atopou coa Astronomía ao realizar un traballo sobre astrofotografía. Tras esta experiencia, o noso poñente mudou os seus intereses cara a contaminación luminosa, ao comprobar que na súa cidade, Vigo, as estrelas non eran visibles pese a ter unhas condicións climáticas favorables.
A afición de Víctor pola Astronomía foi medrando ata o punto de convertirse tamén na súa profesión. Na actualidade traballa como operador de telescopios no observatorio de Javalambre (Teruel), traballo que combina coa divulgación científica e coa investigación.
Na súa visita Víctor fíxonos unha breve introdución á Astronomía, falounos dos telescopios que emprega no seu traballo (os cales sorprendentemente empregan logaritmos no seu funcionamento) e fíxonos partícipes da problemática que amosa a contaminación luminosa.
Sen dúbida foi unha charla entretida, con imaxes impactantes das estrelas e do universo que nos rodea que nos motivaron para saír nas noites de verán a observar o fermoso ceo que temo sen Carballo.
No presente curso, tocoulle ao noso centro organizar o Torneo de Xadrez Intercentros. Recibimos a visita do IES Urbano Lugrís, da Coruña. Con eles asistimos a charla dada por Óscar de Prada, profesor de xadrez máis que coñecido de por nós. Durante este coloquio, Óscar foi retado por internet a xogar unha partida que, en realidade, xogamos entre todos /as os/as asistentes.
A continuación tivo lugar na Biblioteca a final do torneo e as partidas simultáneas, gañadas todas por Óscar. Celebramos o triunfo do Lugrís cunha chocolatada con biscoito.
Cara ás 13:00 despedimos aos xogadores e xogadoras coruñeses, esperando xa o desquite o curso que ven.
Só un pequeno apuntamento: aínda que a noticia só fala dos nosos compañeiros de Zalaeta, a maior parte do vídeo a monopoliza o noso alumnado.
O martes 30 de Abril, o alumnado de música de 1 de bacharelato e de 4 da ESO representamos ao noso IES no "VIII Encontro de Asomúsica" en Santiago de Compostela.
As nosas actuacións foron moi aplaudidos polo resto dos centros de toda Galicia que participaron no festival connosco.
Asistimos a diferentes obradoiros musicais, e despois de xantar todos xuntos, voltamos a Carballo encantados de compartir un día tan musical.
