Instituto de ensinanza secundaria, bacharelato, ciclos formativos e adultos

Francés

Departamento de Francés

 

Aquí poderedes atopar información e novidades do departamento de francés do IES Parga Pondal.

Membros do departamento:

Xefe de departamento: Jesús Pensado Figueiras

Profesora con destino definitivo: Mª del Carmen Canedo Fontenla

A nosa viaxe a París comezou o domingo 7 de abril ás 4:30 da mañá diante do instituto. Aínda bastante adormilados (a excepción dalgún que explotaba da emoción e enerxía) montamos no bus con ganas de comezar a nosa aventura.
Despois de mooooito moito bus (unhas 15 horas) chegamos a Burdeos, onde ceamos nun buffet francés, o que foi toda unha aventura, e aloxámonos no hotel.
Ao día seguinte madrugamos para retomar a nosa viaxe en bus ata París. No camiño, paramos no Castelo de Chambord, que nos impresionou pola súa grandiosidade (de feito, perdémonos dentro).
Sobre as 6 da tarde, divisamos a Torre Eiffel dende o bus e este encheuse de berros de alegría e emoción e sobre as 19 chegamos por fin a París.
O martes visitamos as catacumbas de París, que nos chamaron moito a atención pola cantidade de esqueletes que alberga (e tamén nos deu un pouco de medo). Logo fomos ata o río Sena, sacamos unhas fotos ao pé da Torre Eiffel e subimos a un Bateau mouche que nos levou polo río, vendo dende el algúns dos edificios máis bonitos, impresionantes e importantes da cidade. Ao baixar, subimos á Torre Eiffel, e dende ela puidemos ver todo París dende as alturas a pesar de non poder subir ata arriba de todo.
As 5 da tarde fomos ata os Campos Elíseos para xantar/merendar e dar un paseo. A maioría dos alumnos estaban tan esfameados (con antoxo de McDonald's) que nin ao Arco do Triunfo se achegaron! Ao voltar ao hotel, sesión de discoteca improvisada e a durmir.
O mércores pola mañá fomos ata o castelo de Versalles para contemplar os seus maxestosos xardíns (e enormes, os nosos pés dan fé). Logo fomos comer a París.
Despois de comer, visitamos a Catedral de Notre Dame. Si, fomos uns dos últimos afortunados que puidemos vela enteiriña, por dentro e por fóra. Despois, fomos ata a praza do Concello, o xardin de Saint Jacques, o museo Pompidou, ao Hard Rock (parada obrigada por culpa do alumnado) e ás galerías Lafayette.
Esa noite, despois de cear, démoslle unha sorpresa ao alumnado: grazas ao noso estupendo conductor, fixemos un paseo nocturno en bus pola cidade. Que marabilla ver todos os monumentos alumeados! E na Torre Eiffel, baixamos e contemplamos como encendían as luces parpadeantes na hora punta. Houbo quen incluso chorou!!
O día seguinte, era o máis esperado por todos: Disneyland París! Pasámolo todos en grande, subindo ás atraccións, mirando o bonito que era todo, sendo, en definitiva, todos uns nenos pequenos de novo.