Instituto de ensinanza secundaria, bacharelato, ciclos formativos e adultos

Información

O alumando de 2ºESO A/B vai hoxe, 24 novembro, a ver a obra de teatro “Golpes” na Biblioteca Rego da Balsa, dentro do plan Proxecta+.
O Plan Proxecta é unha iniciativa da Consellería de Cultura, Educación e Ordenación Universitaria, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixo do currículo e os elementos transversais, nos que se inclúe a educación en valores.
Golpes é unha peza teatral contra a violencia machista a cargo da compañía de teatro Aantena protagonizada por Estíbaliz Veiga. Esta obra busca que os espectadores identifiquen os índices sociais de desigualdade latente entre homes e mulleres así como as diferentes formas e caras da violencia de xénero.
#proxecta+ #stopviolenciamachista

Para a conmemoración do 25 N, o día para a ELIMINACIÓN DA VIOLENCIA CONTRA A MULLER, o alumnado da materia Proxecto Competencial dos cursos 1º, 2º e 3º ESO, traballaron durante varias sesións, na análise e reflexión sobre aquela música na que claramente non había, nin hai, unha perspectiva feminista.
E por iso, van ler hoxe aos seus compañeiros un manifesto ademais de ensinarlles os traballos que estiveron a facer na que podedes consultar aquí un fragmento.
#proyectocompetencial #25n #stopbulling #noalaviolencia

O martes 12 de decembro de 18:00 a 20:00 terá lugar no noso centro escolar un obradoiro presencial gratuíto sobre TECNOLOXÍA, SAÚDE E CONVIVENCIA para familias e docentes a cargo de Antonio Rial Boubeta, Doutor en Psicoloxía Social e Profesor da USC e investigador.

O uso das TRIC (Tecnoloxías das Relacións, a Información e a Comunicación), adoita traer consigo serios problemas a nivel emocional e de convivencia, especialmente nun período vital tan crítico como é a adolescencia. A tiranía do selfie e o imperio de Instagram, o boom dos gamers, youtubers e influencers amósanos unha nova xeración de mozas e mozos sorpresivamente menos felices, con máis dificultades para relacionarse, para aceptarse a sí mesmas ou para adquirir valores e competencias básicas no seu desenvolvemento como persoas.

Neste obradorio o profesor Antonio Rial, exporá datos reveladores a este respecto e convidaranos a reflexionar como comunidade, proporcionando pautas realmente útiles para o día a día.

#obradorio #educacion #tecnologia

portada presentación

Este mércores 15 de novembro, ás 19:00h, o Pazo da Cultura de Carballo acolle unha xornada formativa para familias e profesionais do mundo do ensino sobre como as pantallas afectan ao cerebro d@s nosas crianzas. Organizada polo Centro de Formación e Recursos do Profesorado de A Coruña (CFR @cfracoruna), e coa colaboración da Asociación Vieiro (@vieiroasociacion) e o Concello carballés (@carballomola), María Couso (licenciada en Pedagoxía, analiza as consecuencias cognitivas do uso das pantallas (tv, teléfonos, tabletas…) nos primeiros anos de vida.

Couso é a creadora do Playfun Learning (@play.funlearning) e é autora do libro “Cerebro, Infancia e xogo”.

Estades todos convidados. Non se require reserva previa e é gratuíto.

formación

O alumnado de 4ºESO interesado en cursar ciclos medios de formación profesional, vai acudir hoxe ao Recinto Feria Internacional Abanca de Silleda para ver o Galicia Skills 2023.

Organizado pola Dirección Xeral de Formación Profesional, Galiciaskills 2023 pretende darlle unha maior proxección e difusión á formación profesional que se imparte en Galicia.

Así, este ano celebran o 7º Campionato Galego de Formación Profesional que é un campionato eminentemente práctico, consistente no desenvolvemento de 27 competicións relacionadas coas especialidades de formación profesional, nas que o alumnado participante porá a proba as súas destrezas a través da realización de diversas probas de habilidades e coñecementos vinculadas a súa área de formación.

Ademais das competicións oficiais, desenvolveranse simultaneamente 8 competicións en formato exhibición para alumnado de ciclos formativos e 4 competicións destinadas a alumnado de programas formativos básicos.

No noso caso acudimos participando có alumno Gonzalo Cancela Mariño de 2º do Ciclo Superior de Administración de Sistemas Informáticos en Rede, acompañado do seu profesor Diego Terrón na competición de “TI Administración de sistemas en rede”. Participarán todo o mércores e o xoves pola mañá sendo o venres a entrega de premios. Queremos desexarlle desde aquí moita sorte!!

#galiciaskills #fp #formacionprofesional #asir

Gonzalo

Gonzalo participando

Aquí tedes unha pequena escolma con algunha foto dos participantes dos obradoiros de batería que facemos todos os mércores no recreo na aula de música para conseguir facer patios máis inclusivos.

Podedes ver o vídeo-presentación na nosa páxina de facebook ou no instagram

#patiosinclusivos #convivencia  #ninguenquedafora

Queremos amosarvos algunhas das fotos da presentación de onte do programa de alumnado axudante á 1º ESO.

Contamos coa colaboración dos nosos alumnos e alumnas axudantes de 3° e 4° da ESO, que expuxeron dunha forma moi dinámica as funcións do alumnado axudante e tamén contaron as súas experiencias nestes anos e o seu enriquecemento persoal.

#alumnadoaxudante #ninguenquedafora

primer cartel alumnado axudante

segundo cartel alumnado axudante

No noso centro, buscamos que todo o mundo teña o seu espazo compartindo experiencias enriquecedoras durante os recreos, desenvolvendo unha serie de talleres para darlles unha nova visión aos tempos de lecer, favorecendo a inclusión e mellorando a convivencia.

Os talleres son flexibles e varían en función dos intereses do noso alumnado. Ao comezo do curso o propio alumnado fixo diferentes propostas de actividades para os talleres. A intención é a participación de toda a comunidade educativa (alumnado, familias, profesorado) no proceso de deseño e xestión das actividades.

Deste xeito, temos unha ampla oferta para cubrir todos os recreos da semana grazas á implicación e colaboración do profesorado do centro.

Así, contamos cun calendario semanal onde figuran os diferentes talleres propostos, a ubicación e as persoas responsables de cada un. Este calendario está elaborado con pictogramas para que a súa información sexa accesible para todos.

Podedes consultar un víde informativo na nosa páxina de Facebook

#patiosinclusivos #convivencia  #ninguenquedafora

 

En colaboración coa Asociación Visibles (@asociacion.visibles), imos ter no noso centro, o martes 17 de outubro ás 18:00 un obradoiro GRATUÍTO dirixido ás familias e profesorado, impartido pola recoñecida sexóloga e xinecóloga Carol Strate @alumbramujer.

Nel a través de dinámicas de grupos, aprenderase a abordar a educación sexual integral proporcionando ferramentas necesarias para medrar con confianza e seguridade nunha sociedade que nos bombardea con mensaxes confusas sobre a sexualidade.

Carol ensinará a previr o maltrato e a violencia sexual, a promover a igualdade de xénero, a tolerancia e o respecto, e a tomar as mellores decisións no ámbito sexual.

Estas actividades e intervencións enmárcanse dentro do programa FOIO0A/2023: PROGRAMA DE SUBVENCIÓNS A ENTIDADES SEN ÁNIMO DE LUCRO PARA O MANTEMENTO DE PROGRAMAS EN POLÍTICAS DE XÉNERO NO ANO 2023 da Deputación Provincial da Coruña.

#EducaciónSexual #CarolStrate #Familias #Profesorado #SexualidadeIntegral #alumbramujer

 

obradoiro sexualidade