Instituto de ensinanza secundaria, bacharelato, ciclos formativos e adultos
Extraescolares
O pasado 10 de maio visitounos Víctor Tilve nunha actividade organizada polo departamento de Matemáticas.
Víctor estudou matemáticas na USC e foi, xustamente durante a carreira, cando se atopou coa Astronomía ao realizar un traballo sobre astrofotografía. Tras esta experiencia, o noso poñente mudou os seus intereses cara a contaminación luminosa, ao comprobar que na súa cidade, Vigo, as estrelas non eran visibles pese a ter unhas condicións climáticas favorables.
A afición de Víctor pola Astronomía foi medrando ata o punto de convertirse tamén na súa profesión. Na actualidade traballa como operador de telescopios no observatorio de Javalambre (Teruel), traballo que combina coa divulgación científica e coa investigación.
Na súa visita Víctor fíxonos unha breve introdución á Astronomía, falounos dos telescopios que emprega no seu traballo (os cales sorprendentemente empregan logaritmos no seu funcionamento) e fíxonos partícipes da problemática que amosa a contaminación luminosa.
Sen dúbida foi unha charla entretida, con imaxes impactantes das estrelas e do universo que nos rodea que nos motivaron para saír nas noites de verán a observar o fermoso ceo que temo sen Carballo.
No presente curso, tocoulle ao noso centro organizar o Torneo de Xadrez Intercentros. Recibimos a visita do IES Urbano Lugrís, da Coruña. Con eles asistimos a charla dada por Óscar de Prada, profesor de xadrez máis que coñecido de por nós. Durante este coloquio, Óscar foi retado por internet a xogar unha partida que, en realidade, xogamos entre todos /as os/as asistentes.
A continuación tivo lugar na Biblioteca a final do torneo e as partidas simultáneas, gañadas todas por Óscar. Celebramos o triunfo do Lugrís cunha chocolatada con biscoito.
Cara ás 13:00 despedimos aos xogadores e xogadoras coruñeses, esperando xa o desquite o curso que ven.
Só un pequeno apuntamento: aínda que a noticia só fala dos nosos compañeiros de Zalaeta, a maior parte do vídeo a monopoliza o noso alumnado.
O martes 30 de Abril, o alumnado de música de 1 de bacharelato e de 4 da ESO representamos ao noso IES no "VIII Encontro de Asomúsica" en Santiago de Compostela.
As nosas actuacións foron moi aplaudidos polo resto dos centros de toda Galicia que participaron no festival connosco.
Asistimos a diferentes obradoiros musicais, e despois de xantar todos xuntos, voltamos a Carballo encantados de compartir un día tan musical.
O día 7 de maio de 2018 celebrouse o sorteo dunha Tarxeta-Agasallo valorada en 200 euros, coa presenza do director do centro e de parte do alumnado de 3º de ESO.
Como resultado deste sorteo, o número gañador do sorteo resultou ser o
1240
vendido por Lucía Torres González.
A persoa agrazada co boleto gañador deberá presentarse na dirección do IES Isidro Parga Pondal, en Carballo nun prazo de 15 días, rematando este prazo o 22 de maio de 2018.
En caso de non aparecer o boleto agrazado, o premio irá para a alumna que vendeu esta rifa e entregaráselle o día 23 de maio de 2018.
Os alumnos de 2º de ESO participaron o pasado 20 de marzo na XIV edición de Imatxina da Fundación Escola Rosalía.
Nestes obradoiros experimentaron a cara máis lúdica das Matemáticas.
Visita organizada polo Departamento de Matemáticas.
O pasado día 7 de febreiro os alumnos de 2º de Bacharelato da materia "Métodos Estatísticos e Numéricos" visitaron o Instituto Galego de Estatística. Onde lles explicaron as súas funcións e puideron coñecer algunhas das aplicacións da materia vista ao longo do curso.
Con motivo da financiación dunha actividade extraescolar de bacharelato.
Sudaderas a 20€ nesos modelos, tallas desde a XS á XL.
Interesados enviar un correo a sudaderaslk@gmail.com co nome, teléfono de contacto, talla e o modelo.
CONCURSO FOTOGRAFÍA E MATEMÁTICAS 2017
Departamento de Matemáticas
1º Premio
"Limitados por rombos"
Riotorto. Carballo
PAULA POSE ANDRADE. 2º BAC A
Premio dos alumnos:
"Cifras e Letras"
Xoane da estrada
AINOA ÁLVAREZ CASÁS. 2º ESO A
