Skip to Content

Portal educativo

Distribuir contido
Actualizado: hace 14 horas 5 min

Instrucións para a atención educativa ao alumnado vulnerable ou alumnado con conviventes vulnerables durante o curso 2020-2021 como consecuencia da pandemia da COVID-19

Lun, 30/11/2020 - 18:32
Idioma Gallego

Resolución do 30 de novembro de 2020, da Secretaría Xeral de Educación e Formación Profesional, pola que se ditan instrucións para a atención educativa ao alumnado vulnerable ou alumnado con conviventes vulnerables durante o curso 2020-2021 como consecuencia da pandemia da COVID-19.

File: 

Resolución do 30 de novembro de 2020 (Proximamente no DOG)

Tema: 

Información xeral

Ensinanza: 

Ensinanzas de réxime xeral

Departamento: 

Servizo de Coordinación e Planificación da Inspección Educativa

Colectivo: 

Alumnado Familias
Categorías: Administración

A Xunta amplía en 1.500 prazas a oferta pública de emprego en educación, co que compromete xa un total de 5.000 ata 2022

Lun, 30/11/2020 - 13:57
Idioma Gallego

Summary: 

O conselleiro de Cultura, Educación e Universidade, Román Rodríguez, compareceu no Parlamento para presentar os orzamentos e liñas de actuación do seu departamento Os orzamentos da Consellería de Cultura, Educación e Universidade para 2021 ascenden a preto de 2700 M€, o segundo máis importante da Xunta, cun incremento do 62% nas partidas inversoras Impulsarase un plan de transformación dixital da educación tanto no referido a equipamentos como nas estratexias docentes e as técnicas pedagóxicas Reforzaranse as transferencias aos centros educativos para facer fronte aos gastos derivados da covid e as axudas para que ninguén quede atrás nesta crise O sistema universitario acada cifras récord de investimento, con 451M€, que blinda o seu financiamento e inclúe unha nova partida de 10M€ para innovación Anuncia a creación dun hub das industrias creativas galegas coa participación do sector, protexendo as estruturas empresariais e o acceso da cidadanía á cultura

O conselleiro de Cultura, Educación e Universidade, Román Rodríguez, anunciou hoxe unha nova Oferta Pública de Emprego (OPE) no eido educativo de 1.500 prazas que, sumadas ás 3.600 xa convocadas, suman máis de 5.000 prazas xa comprometidas para os anos 2021 e 2022. Así o avanzou hoxe na súa comparecencia na Comisión 3ª de Economía, Facenda e Orzamentos do Parlamento, onde presentou os orzamentos e liñas de actuación do seu departamento, que nesta lexislatura reunifica ás areas educativas e culturais. “Son os maiores da historia para a Consellería de Cultura, Educación e Universidade para abordar o urxente e planificar os retos e obxectivos desta década”, salientou.

Os presupostos da Consellería que dirixe Román Rodríguez son os segundos maiores do Goberno autonómico, co preto de 2698M€, un 6,60% máis que o pasado ano, polo que disporá de 167M€ adicionais para as súas políticas públicas cun dobre obxectivo: dar un novo impulso ao ensino galego, referente en calidade e equidade ao longo da última década, e contribuír á reactivación do sector cultural, un dos máis afectados pola pandemia e que contará cun 27,4% máis de fondos como estímulo e apoio. De feito, o apartado inversor é o máis reforzado da Consellería, cunha suba do 62,6%.

“Se a cultura forxa a nosa identidade e ser como país, e nos serve para afirmarnos como unha comunidade histórica, integradora e modelo de convivencia, o ensino repercute no presente, pero sobre todo no futuro, ao dotar aos galegos de mañá de competencias, valores, destrezas e habilidades para ser bos profesionais e boas persoas”, resumiu o representante autonómico na súa exposición no Hórreo.

O apartado de persoal ocupa unhas das principais partidas da Consellería, que neste exercicio aumenta un 5,6% como consecuencia das contratacións derivadas da covid-19 e as necesidades ordinarias. Para dar cumprimento aos principios de estabilidade no emprego, Román Rodríguez explicou que no 2021 celebrarase a OPE convocada no ano 2020, que oferta máis de 3.600 prazas e que tivo que ser adiada pola pandemia. A maiores, avanzou que no primeiro trimestre se aprobará o decreto de oferta de emprego público para o novo ano, que ofertará o número máximo de prazas que permita a normativa básica do Estado, polo que estimou en 1.500 a convocatoria entre a taxa de reposición e a promoción interna, “unha gran oportunidade para a consolidación de plantillas e para integrarse na carreira docente”, con tres convocatorias en dous anos.

Igualmente, garantiu o cumprimento do acordo de homologación salarial asinado cos sindicatos que, como afirmou, permite que as retribucións dos docentes galegos estean por riba de media dos seus compañeiros noutras comunidades autonónomas.

Calidade e igualdade de oportunidades

As transferencias aos centros educativos para gastos de funcionamento tamén se ven incrementadas debido á necesidade de reforzar as medidas sanitarias. En concreto, contarán cun 31,4% máis de investimento ata os 84M€, máis de 20M€ de subida.

Duplicaranse así mesmo os recursos para mudar os libros do fondo solidario, coa premisa de que ninguén quede atrás, ao igual que as axudas de material escolar (5,5M€), unha partida que non existe noutras comunidades. Suben igualmente as partidas de transporte (+10,7%), clave no rural, ou ás anpas con comedores (+36%).

Para seguir avanzando nun modelo educativo próximo, baseado na igualdade de oportunidades e en valores como o esforzo, a tolerancia, a liberdade ou a inclusión, a Xunta blindará as principais partidas en marcha e desenvolverá novos proxectos que permitan que o ensino “dea o salto de calidade que merece tras unha década na que fomos quen de reducir o abandono escolar á metade e levar ao alumnado galego aos niveis dos mellores de Europa, segundo acreditan os últimos informes PISA.

Ampliación e modernización dos centros

Entre os anuncios realizados, puxo sobre a mesa un ambicioso plan de investimentos en creación, mellora e rehabilitación de centros educativos por importe de 55,4M€ “para que os nosos nenos e nenas medren e aprendan en colexios e institutos acordes aos tempos”, ademais dun plan de adecuación de espazos ao contexto covid de 7M€.

Compatibilizarase a apertura de colexios e institutos coa ampliación, reforma e as actuacións de eficiencia enerxética, ademais de rehabilitación de centros históricos nalgunhas das principais cidades galegas como o IES Valle Inclán de Pontevedra.

Pero é o eido tecnolóxico o que capitaliza boa parte das actuacións previstas por Educación, cun numerosos programas e apostas. Entre eles, un plan de transformación dixital da educación, de 43,5M€, para a posta ao día en dispositivos, equipamentos e infraestruturas e para seguir adaptando os centros ao entorno dixital. Así mesmo, o esforzo inversor en infraestruturas será de 61,4M€ en total, orientado a favorecer que os centros educativos afonden na excelencia, a modernización e a sustentabilidade.

Innovación e Formación Profesional

Programas como Edixgal, de dotación para material didáctico, aumentan un 64,5% e mantéñense todos os investimentos que dan cobertura aos proxectos claves en innovación, ensinanza de idiomas, STEM ou formación de profesorado, que con 7,8M€ volve supoñer un récord para investir no activo máis importante”. Para consolidar estas boas prácticas, crearase un Centro para a Investigación e Innovación Educativa que deseñe estratexias docentes e a introdución de novas técnicas pedagóxicas.

Tamén a Formación Profesional sae reforzada dos orzamentos o vindeiro ano, tanto a través de programas de excelencia como do novo Centro Galego de Innovación de Formación Profesional, en Ourense, con 1,7M€. Todo co obxectivo de seguir liderando desde Galicia un ámbito no que na última década se deron avances sobresaíntes.

I+D+i, atracción de talento e taxas conxeladas

O sistema universitario tamén vese mellorado nas contas da Xunta de 2021 e acada cifras récord. O orzamento de 451M€ supón un máximo histórico que blindará o seu financiamento coa prórroga do actual plan. Ademais, por décimo ano consecutivo, Galicia volve a conxelar as taxas universitarias en grao e posgrao, o que facilita o acceso ao estudantado e democratiza a posibilidade de realizar estudos superiores. Galicia é así a única Comunidade onde cursar unha carreira costa o mesmo que hai unha década e representa un aforro para as familias de 21M€ anuais. Así mesmo, apoiarase ao alumnado que, por causas sobrevividas derivadas da pandemia, poida ver comprometida economicamente a continuidade da súa formación universitaria.

Román Rodríguez anunciou unha nova partida de 10M€ -a maiores do Plan de Financiamento das Universidades- para a dixitalización e innovación do sistema universitario, co que as transferencias ás universidades chegan aos 86,8M€, unha alza do 13,2%. A isto engádese a suba do crédito asociado a resultados de investigación e transferencia de coñecemento, que medra un 8,8%, e unha mellora do 6,2% (ata 67,8M€) das partidas dedicadas ao fomento da I+D+i e a aposta en marcha dos programadas de retención e atracción de talento consolidado. Tamén o financiamento dos campus de excelencia internacional ou o inicio da acreditación dos campus de especialización do Sistema Universitario Galego.

Apoio decidido á cultura e ao tecido propio

A cultura como antídoto fronte á actual situación sanitaria foi outras das propostas da Román Rodríguez, quen comprometeu o reforzo dos fondos para a cultura galega de máis de 20M€ que atenderán todas as frontes, tanto a cultura de base a o acceso a cultura a través dos museos, bibliotecas e arquivos, como o reforzo das industrias creativas, un eido que emprega a 30.000 persoas na Comunidade e cuxo tecido é imprescindible apoiar tras o labor profesional desenvolvido nos últimos anos. A isto sumaranse, ademais, novas partidas para a programación cultural do Xacobeo 2021, procedentes da coordinación coa Vicepresidencia Primeira da Xunta.

Todos os sectores (editorial, audiovisual, música, artes escénicas, plásticas, etc) beneficiaranse das políticas da Xunta, con reforzos en aspectos como a promoción da lectura e do libro, unha nova liña para cines, adquisición pública de obra de arte ou un 27% máis de fondos para asociacións, fundacións e outras entidades sen ánimo de lucro e o reforzo das unidades de produción e as redes propias e municipais.

A Axencia Galega das Industrias Culturais (Agadic) duplicará o seu orzamento para apoiar as estruturas empresariais máis afectadas pola covid e poñer en marcha iniciativas de reactivación e fortalecemento das puxantes industrias culturais. Isto permitirá impulsar un dos grandes proxectos da lexislatura que anunciou o conselleiro, a creación dun hub das industrias creativas e culturais galegas. “Esta iniciativa, que se financiará a través dos fondos REACT-UE, se desenvolverá en plena colaboración e coa participación do sector cultural galego, establecendo xuntos prioridades co fin -dixo- de potenciar e incrementar a competitividade do noso talento de xeito profesional”.

Igualmente, anuncio os proxectos para apertura de dúas sede do CGAC (Centro Galego de Arte Contemporánea), actualmente en Santiago, nas cidades de Vigo e Lugo. Do mesmo xeito, finalizarase a Cidade da Cultura, coa culminación do esperado Edificio Fontán, que entrará en funcionamento no propio 2021, incorporando ao Gaias ás universidades e ao Centro de Investigaciones Científicas (CSIC). “Polo tanto, non só se pecha o proxecto construtivo, senón que se consolida como proxecto de vangarda do coñecemento vinculado ás ciencias sociais e o patrimonio cultural”, remarcou.

Compromiso co patrimonio e a lingua

O conselleiro detallou tamén as contas alcistas en materia de política lingüística e de protección do patrimonio cultural. No primeiro caso, o orzamento increméntase un 53%, con melloras en campañas de normalización (+11%), programas de promoción (+35,7%), actividades de formación (+77%) ou apoio a empresas editoras para proxectos en lingua galega, que experimentarán un incremento do 50%. Do mesmo xeito, créase unha nova partida de 3,5M€ para reactivación cultural en galego.

Pola súa parte, a conservación e rehabilitación verase reforzada en todos as frontes cun 19% máis de investimento que abrangue bens senlleiros como as catedrais de Lugo, Ourense, Mondoñedo e Tui, xacementos arqueolóxicos, a Ribeira Sacra no ano da súa posible declaración como Patrimonio Mundial ou o Plan PIBC dos Camiños.

Información xeral Consellería de Cultura, Educación e Universidade
Categorías: Administración

Relación provisional de persoas admitidas e excluídas e baremo provisional na elaboración das listas de interinidades e substitucións no corpo de profesores de música e artes escénicas, especialidade de contrabaixo

Lun, 30/11/2020 - 13:35
Idioma Gallego

Anuncio principal: 

Publicación da resolución pola que se convocan procedementos para a elaboración de listas de interinidades e substitucións para impartir docencia en determinadas especialidades do corpo de profesores de música e artes escénicas

Resolución do 30 de novembro de 2020 da Dirección Xeral de Centros e Recursos Humanos, pola que se aproba a relación provisional de persoas admitidas e excluídas e o baremo provisional no procedemento para a elaboración das listas de interinidades e substitucións para impartir docencia no corpo de profesores de música e artes escénicas, especialidade de contrabaixo (594406).

Achégase resolución, o baremo provisional  e a relación provisional de persoas excluídas.

 

Servizo relacionado: 

Listas de substitucións

Tema: 

Interinidades e substitucións

Ensinanza: 

Ensinanzas de réxime especial

Departamento: 

Dirección Xeral de Centros e Recursos Humanos Servizo de Profesorado de Ensinanzas Secundaria, de Formación Profesional e de Réxime Especial

Colectivo: 

Profesorado
Categorías: Administración

Resolución provisional dos centros e docentes premiados na convocatoria dos premios educativos Innovagal

Lun, 30/11/2020 - 13:22
Idioma Gallego

Anuncio principal: 

Convocados os premios educativos Innovagal para centros e docentes do ensino público da comunidade autónoma de Galicia durante o curso escolar 2020/2021

Achégase a resolución provisional pola que se fai pública a relación de centros e docentes premiados conforme o disposto no apartado 10.1 da Resolución do 1 de setembro de 2020, da Dirección Xeral de Educación, Formación Profesional e Innovación Educativa, pola que se convocan os premios educativos Innovagal para o profesorado e os centros docentes públicos da comunidade autónoma de Galicia durante o curso escolar 2020/2021.

Tema: 

Plans e actuacións en innovación educativa

Ensinanza: 

Educación infantil Educación primaria Educación secundaria obrigatoria Bacharelato

Departamento: 

Dirección Xeral de Educación, Formación Profesional e Innovación Educativa

Colectivo: 

Profesorado Centros

Sección: 

Boletín
Categorías: Administración

Resolución definitiva de centros admitidos no programa Introdución á robótica educativa en primaria 2020/21

Lun, 30/11/2020 - 12:59
Idioma Gallego

Achégase a Resolución definitiva de centros docentes admitidos para participar no programa de innovación educativa "Introdución á robótica educativa en primaria" para centros docentes públicos da Consellería de Cultura, Educación e Universidade durante o curso 2020/21.

Anuncio principal: 

Convocatoria para participar no programa de innovación educativa "Introdución á robótica educativa en primaria" para centros docentes públicos durante o curso 2020/21

Tema: 

Plans e actuacións en innovación educativa

Ensinanza: 

Educación primaria

Departamento: 

Subdirección Xeral de Ordenación e Innovación Educativa e Formación do Profesorado

Colectivo: 

Centros

Sección: 

Boletín
Categorías: Administración

Resolución definitiva de centros admitidos no Club de Ciencia 2020/21

Lun, 30/11/2020 - 12:48
Idioma Gallego

Achégase a Resolución definitiva de centros docentes admitidos para participar no programa de innovación educativa "Club de Ciencia" para centros docentes públicos da Consellería de Cultura, Educación e Universidade durante o curso 2020/21.

Anuncio principal: 

Convocatoria para participar no programa de innovación educativa "Club de Ciencia" para centros docentes públicos durante o curso 2020/21

Tema: 

Plans e actuacións en innovación educativa

Ensinanza: 

Ensinanzas de réxime xeral

Departamento: 

Subdirección Xeral de Ordenación e Innovación Educativa e Formación do Profesorado

Colectivo: 

Centros

Sección: 

Boletín
Categorías: Administración

Relación definitiva de persoas admitidas e excluídas e baremo definitivo das listas de interinidades e substitucións para impartir docencia no corpo de profesores técnicos de FP, instalacións electrotécnicas

Ven, 27/11/2020 - 15:31
Idioma Gallego

Anuncio principal: 

Publicación das resolucións pola que se convocan procedementos para a elaboración de listas de interinidades e substitucións para impartir docencia en determinadas especialidades dos corpos de mestres, PES e profesores técnicos FP

Resolución do 27 de novembro de 2020 da Dirección Xeral de Centros e Recursos Humanos, pola que se aproba a relación definitiva de persoas admitidas e excluídas e o baremo definitivo no procedemento para a elaboración das listas de interinidades e substitucións para impartir docencia no corpo de profesores técnicos de formación profesional, especialidade de instalacións electrotécnicas (591206).

Achégase resolución, o baremo definitivo e a relación definitiva de persoas excluídas.

 

Servizo relacionado: 

Listas de substitucións

Tema: 

Interinidades e substitucións

Ensinanza: 

Ensinanzas de réxime xeral

Departamento: 

Dirección Xeral de Centros e Recursos Humanos

Colectivo: 

Profesorado
Categorías: Administración

Relación definitiva de persoas admitidas e excluídas e baremo definitivo das listas de interinidades e substitucións para impartir docencia no corpo de profesores técnicos de FP, equipamentos electrónicos

Ven, 27/11/2020 - 15:26
Idioma Gallego

Anuncio principal: 

Publicación das resolucións pola que se convocan procedementos para a elaboración de listas de interinidades e substitucións para impartir docencia en determinadas especialidades dos corpos de mestres, PES e profesores técnicos FP

Resolución do 27 de novembro de 2020 da Dirección Xeral de Centros e Recursos Humanos, pola que se aproba a relación definitiva de persoas admitidas e excluídas e o baremo definitivo no procedemento para a elaboración das listas de interinidades e substitucións para impartir docencia no corpo de profesores técnicos de formación profesional, especialidade de equipamentos electrónicos (591202).

Achégase resolución, o baremo definitivo e a relación definitiva de persoas excluídas.

 

Servizo relacionado: 

Listas de substitucións

Tema: 

Interinidades e substitucións

Ensinanza: 

Ensinanzas de réxime xeral

Departamento: 

Dirección Xeral de Centros e Recursos Humanos

Colectivo: 

Profesorado
Categorías: Administración

Relación definitiva de persoas admitidas e excluídas e baremo definitivo das listas de interinidades e substitucións para impartir docencia no corpo de PES, sistemas electrotécnicos e automáticos

Ven, 27/11/2020 - 15:22
Idioma Gallego

Anuncio principal: 

Publicación das resolucións pola que se convocan procedementos para a elaboración de listas de interinidades e substitucións para impartir docencia en determinadas especialidades dos corpos de mestres, PES e profesores técnicos FP

Resolución do 27 de novembro de 2020 da Dirección Xeral de Centros e Recursos Humanos, pola que se aproba a relación definitiva de persoas admitidas e excluídas e o baremo definitivo no procedemento para a elaboración das listas de interinidades e substitucións para impartir docencia no corpo de profesores de ensino secundario, especialidade de sistemas electrotécnicos e automáticos (590125).

Achégase resolución, o baremo definitivo e a relación definitiva de persoas excluídas.

Servizo relacionado: 

Listas de substitucións

Tema: 

Interinidades e substitucións

Ensinanza: 

Ensinanzas de réxime xeral

Departamento: 

Dirección Xeral de Centros e Recursos Humanos

Colectivo: 

Profesorado
Categorías: Administración

Relación definitiva de persoas admitidas e excluídas e baremo definitivo das listas de interinidades e substitucións para impartir docencia no corpo de PES, Sistemas electrónicos

Ven, 27/11/2020 - 15:17
Idioma Gallego

Anuncio principal: 

Publicación das resolucións pola que se convocan procedementos para a elaboración de listas de interinidades e substitucións para impartir docencia en determinadas especialidades dos corpos de mestres, PES e profesores técnicos FP

Resolución do 27 de novembro de 2020 da Dirección Xeral de Centros e Recursos Humanos, pola que se aproba a relación definitiva de persoas admitidas e excluídas e o baremo definitivo no procedemento para a elaboración das listas de interinidades e substitucións para impartir docencia no corpo de profesores de ensino secundario, especialidade de sistemas electrónicos (590124).

Achégase resolución, o baremo definitivo e a relación definitiva de persoas excluídas.

Servizo relacionado: 

Listas de substitucións

Tema: 

Interinidades e substitucións

Ensinanza: 

Ensinanzas de réxime xeral

Departamento: 

Dirección Xeral de Centros e Recursos Humanos

Colectivo: 

Profesorado
Categorías: Administración

O Comité Educativo avala a actualización do protocolo de atención domiciliaria para adaptalo ás situacións do contexto covid

Ven, 27/11/2020 - 14:34

Summary: 

O conselleiro Román Rodríguez presidiu a reunión deste grupo de expertos Refórzanse os procesos de seguimento na atención ao alumnado, mellórase a coordinación entre centros educativos e autoridades sanitarias e flexibilízanse as condicións de ensino en canto a horarios e modos de atención Créanse os Equipos de Atención Virtual ao Alumnado, cun equipo específico para Infantil e Primaria e outro para Educación Secundaria por provincia A Consellería traballa nunha orde de desenvolvemento do Decreto 229/2011 de atención á diversidade que dotará de seguridade xurídica todas as iniciativas de atención domiciliaria e hospitalaria Idioma Gallego

O Comité Educativo, na súa reunión de hoxe, someteu a debate e aprobación a mellora do actual Protocolo de Atención Educativa domiciliaria co fin de adaptalo ás situacións derivadas do contexto actual de pandemia, reforzar os procesos de seguimento na atención ao alumnado, mellorar a coordinación coas autoridades sanitarias e as canles de comunicación entre as familias e os centros educativos.

O conselleiro de Cultura, Educación e Universidade, Román Rodríguez agradeceu as aportacións do grupo de traballo encargado da actualización deste protocolo co obxectivo de adaptalo á realidade derivada da crise sanitaria, ao tempo que dotalo de seguridade normativa, xa que se trata dun asunto “moi sensible para as familias” e “hai que ofrecer novas opcións para dar unha mellor resposta educativa posible tendo en conta as necesidades do alumnado”, subliñou.

A maiores, desde o departamento de Educación da Xunta estase traballando nunha orde que desenvolverá o Decreto 229/2011, de Atención á Diversidade en Galicia, e na que se recollerán todos os aspectos relacionados coa atención domiciliaria e hospitalaria, como as condicións desta atención, a dotación de medios para levala a cabo e a planificación do proceso de ensino. Deste xeito, moitos dos aspectos do protocolo sometido a debate xa serán incorporados nesta norma.

Reforzo e flexibilización

O protocolo actualizado inclúe entre os supostos de atención domiciliaria situacións de especial vulnerabilidade persoal do alumnado ou do seu núcleo de convivencia. En todo caso, de forma xeral, a atención domiciliaria deberá establecerse por prescrición médica.

O texto fai fincapé no necesario reforzo dos procesos de seguimento, a través da xefatura de estudos dos centros en colaboración co profesorado. Introduce tamén unha maior flexibilización nas condicións atención domiciliaria á hora de ponderar alternativas complementarias relacionadas coa distribución horaria, coa seguridade e o apoio domiciliario, co apoio telemático ou o ensino mixto.

Así mesmo, as decisións de atención domiciliaria serán revisadas cunha periodicidade prefixada para permitir a paulatina incorporación do alumno ao centro en canto sexa posible, tendo en conta que os beneficios do proceso de ensino-aprendizaxe non se circunscriben unicamente ao ámbito de adquisición de coñecementos, senón que o colexio exerce unha importante función socializadora e de desenvolvemento emocional.

Equipos de Atención Virtual ao Alumnado

De xeito paralelo, avanzouse na posta en marcha dos Equipos de Atención Virtual ao Alumnado −cuxa instrución se publicará nos próximos días−, cos que se reforzará e completará a atención domiciliaria para aqueles alumnos que, por padecer unha determinada patoloxía ou por calquera outra causa xustificada, non poidan acudir a clase por un período prolongado de tempo.

Trátase, polo tanto, de adaptar e mellorar o proceso de seguimento do alumnado en atención domiciliaria aos tempos e necesidades actuais, tendo en conta as especificidades
de alumnado con especial vulnerabilidade ou con familiares con especial vulnerabilidade que non pode acudir ao centro nin tampouco recibir no seu domicilio ningún docente.

Estes Equipos de Atención Virtual estarán ao servizo do alumnado que non acude ao centro educativo por ter familiares vulnerables convivintes e para o que as comisións provinciais de seguimento ante as posibles situacións de absentismo con orixe na covid −que quedaron constituídas hoxe− determinan como xustificada a súa ausencia; así como para aquel alumnado que deba permanecer convalecente no seu domicilio por un período superior a un mes.

Haberá dous equipos de Atención Virtual por cada provincia, un integrado por docentes do corpo de mestres para atender as etapas de Infantil e Primaria, e outro para atender ao alumnado de Educación Secundaria, que estará integrado por profesionais docentes do corpo de profesores de Ensino Secundario.

Información xeral Ensinanzas de réxime xeral Consellería de Cultura, Educación e Universidade
Categorías: Administración

Relación provisional de persoas admitidas e excluídas e baremo provisional das listas de interinidades e substitucións para o corpo de profesores de música e artes escénicas, Clave

Ven, 27/11/2020 - 09:35
Idioma Gallego

Anuncio principal: 

Publicación da resolución pola que se convocan procedementos para a elaboración de listas de interinidades e substitucións para impartir docencia en determinadas especialidades do corpo de profesores de música e artes escénicas

Resolución do 26 de novembro de 2020 da Dirección Xeral de Centros e Recursos Humanos, pola que se aproba a relación provisional de persoas admitidas e excluídas e o baremo provisional no procedemento para a elaboración das listas de interinidades e substitucións para impartir docencia no corpo de profesores de música e artes escénicas, especialidade de clave (594405).

Achégase resolución, o baremo provisional  e a relación provisional de persoas excluídas.

 

Servizo relacionado: 

Listas de substitucións

Tema: 

Interinidades e substitucións

Ensinanza: 

Ensinanzas de réxime especial

Departamento: 

Dirección Xeral de Centros e Recursos Humanos Servizo de Profesorado de Ensinanzas Secundaria, de Formación Profesional e de Réxime Especial

Colectivo: 

Profesorado
Categorías: Administración

A Xunta investirá 30.000 € na mellora das fiestras do Conservatorio de música Manuel Quiroga, en Pontevedra

Xov, 26/11/2020 - 15:00
Idioma Gallego

Summary: 

O xefe territorial da Consellería de Educación mantivo hoxe unha reunión co equipo directivo do centro, ao que lle trasladou que as obras se executarán de inmediato

A Xunta investirá 30.000 euros na primeira fase da mellora das fiestras do Conservatorio de Música Manuel Quiroga, na cidade de Pontevedra. O xefe territorial da Consellería de Cultura, Educación e Universidade, César Pérez Ares, reuniuse hoxe co equipo directivo do centro para informalos das actuacións que a Unidade Técnica valorou realizar, así como para trasladarlles que as obras se iniciarán nos próximos días para as arredor de 30 fiestras que precisan desta intervención dunha forma máis inmediata. A segunda fase ata completar toda a carpintería exterior do centro acometeranse o vindeiro ano.

A actuación consistirá na transformación da parte fixa das fiestras en proxectante, de tal forma que se poidan abrir e mellorar así a ventilación das estancias. A Unidade Técnica, de acordo co equipo directivo do centro educativo, optou por esta solución tras a elaboración dun informe técnico especializado (para realizar o estudo oportuno sobre as características das aulas, o volume do aire, a ocupación, etc), autorizado en coordinación coas directrices da autoridade sanitaria.

As melloras contribuirán a mellorar a ventilación das aulas, ao tempo que se mantén o illamento acústico que é necesario nun centro destas características. Esta actuación súmase á reforma das ventás deste centro acometida en 2016 por importe superior aos 5.200 euros, que se centrou en cambiar algúns panos fixos a oscilobatentes.

Información xeral Consellería de Cultura, Educación e Universidade
Categorías: Administración

Premios a proxectos de innovación na FP. Convocatoria 2021

Xov, 26/11/2020 - 12:07
Idioma Gallego

Convócanse premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da formación profesional en centros públicos dependentes da Consellería de Cultura, Educación e Universidade.

O prazo de presentación de solicitudes remata o día 31 de xaneiro de 2021.

Tema: 

Premios autonómicos

Ensinanza: 

Formación Profesional inicial

Departamento: 

Dirección Xeral de Educación, Formación Profesional e Innovación Educativa Subdirección Xeral de Formación Profesional Servizo de Orientación Profesional e Relación con Empresas

Colectivo: 

Profesorado Centros Empresas

Sección: 

Boletín Portada de boletín
Categorías: Administración

Relación provisional de persoas admitidas e excluídas e baremo provisional das listas de interinidades e substitucións para o corpo de profesores de música e artes escénicas, fundamentos de composición

Xov, 26/11/2020 - 11:17
Idioma Gallego

Anuncio principal: 

Apertura das listas de interinidades e substitucións para impartir docencia en determinadas especialidades do corpo de profesores de música e artes escénicas (594)

Resolución do 26 de novembro de 2020 da Dirección Xeral de Centros e Recursos Humanos, pola que se aproba a relación provisional de persoas admitidas e excluídas e o baremo provisional no procedemento para a elaboración das listas de interinidades e substitucións para impartir docencia no corpo de profesores de música e artes escénicas, a especialidade de fundamentos de composición (594412).

 

Achégase resolución e relación provisional de persoas excluídas.

 

Servizo relacionado: 

Listas de substitucións

Tema: 

Interinidades e substitucións

Ensinanza: 

Ensinanzas superiores de música

Departamento: 

Servizo de Profesorado de Ensinanzas Secundaria, de Formación Profesional e de Réxime Especial

Colectivo: 

Profesorado
Categorías: Administración

Listaxes provisionais de solicitudes admitidas e excluídas da convocatoria de axudas destinadas a persoas en situación de desemprego para a matrícula nun máster universitario

Mér, 25/11/2020 - 20:00
Idioma Gallego

De conformidade co artigo 10 da Orde do 16 de setembro de 2020 pola que se establecen as bases reguladoras e se procede á convocatoria de axudas destinadas a persoas tituladas universitarias en situación de desemprego para a matrícula nun máster universitario oficial ofertado polas universidades do Sistema Universitario de Galicia no curso académico 2020/21 (DOG do 28 de setembro), procédese á exposición das Listaxes provisionais de solicitudes admitidas e excluídas, e os motivos de exclusión.

As persoas interesadas disporán dun prazo de reclamación de dez días. Durante ese prazo, poderán emendar erros e a falta de documentación ante a Secretaría Xeral de Universidades, achegando electronicamente, a documentación necesaria accedendo á Carpeta do cidadán da persoa interesada (emenda ao requirimento) dispoñible na sede electrónica da Xunta de Galicia, https://sede.xunta.gal/portada.

Información nos teléfonos 981 54 54 33/31 do Servizo de Apoio e Orientación aos Estudantes Universitarios.

Anuncio principal: 

Convocatoria de axudas destinadas a persoas tituladas universitarias en situación de desemprego para a matrícula nun máster universitario oficial ofertado polas universidades do SUG no curso académico 2020/21

Tema: 

Bolsas Máster

Ensinanza: 

Universidade

Departamento: 

Secretaría Xeral de Universidades Subdirección Xeral de Universidades

Colectivo: 

Alumnado
Categorías: Administración

Proxectos de formación para o profesorado de FP para o curso 2020-2021. Resolución provisional

Mér, 25/11/2020 - 14:50
Idioma Gallego

Publicada a resolución provisional de proxectos de formación presentados á convocatoria do 14 de outubro do 2020, da Secretaría Xeral de Educación e Formación Profesional, de proxectos de formación profesional que se van a implantar no curso 2020-2021 en centros públicos dependentes da Consellería de Cultura, Educación e Universidade.

O prazo de presentación de reclamacións remata o 30 de novembro de 2020.

 

Tema: 

Información xeral Proxectos de formación do profesorado de formación profesional

Ensinanza: 

Formación Profesional inicial

Departamento: 

Dirección Xeral de Educación, Formación Profesional e Innovación Educativa Subdirección Xeral de Formación Profesional Servizo de Ordenación e Formación Profesional

Colectivo: 

Profesorado Centros
Categorías: Administración

Román Rodríguez advirte que a nova Lei educativa racha coa imparcialidade na designación dos inspectores educativos

Mér, 25/11/2020 - 13:33

Summary: 

O conselleiro de Cultura, Educación e Universidade reuniuse cos colectivos de inspectores para analizar os efectos do texto normativo neste corpo Sinala que o texto abre a porta a que “poidan ser elixidos polo dirixente de turno” de xeito arbitrario en lugar de valorarse os coñecementos pedagóxicos demostrados a través dunha proba obxectiva vixente ata o de agora Idioma Gallego

O conselleiro de Cultura, Educación e Universidade, Román Rodríguez, mantivo esta mañá unha reunión cos colectivos dos inspectores educativos para avaliar o impacto da nova lei de Educación coñecida como Lei Celaá, neste colectivo, así como para escoitar as súas demandas nun contexto onde a súa carga de traballo se veu incrementada de xeito considerable por mor da covid-19.

Román Rodríguez amosou a súa preocupación por un texto que considera que racha coa imparcialidade na designación dos inspectores educativos e, deste xeito, pretende exercer a conseguinte inxerencia e intromisión na toma de decisións do colectivo dos inspectores educativos, que son o nexo de comunicación entre os centros e a administración.

O conselleiro advirte que esta nova lei, que foi elaborada sen ter en conta ás comunidades autónomas, “sementa arbitrariedade e discrecionalidade” no nomeamento dos inspectores xa que elimina a fase de oposición no acceso ao corpo de inspectores e cambia as regras obxectivas por un sistema de “elección a dedo” que o que busca é “controlar, dirixir e manipular” o corpo dos inspectores, que exerce unha función fundamental no sistema educativo.

Segundo o texto que acaba de ser aprobado no Congreso, substitúese a proba obxectiva na que se valoraban os coñecementos pedagóxicos, da administración e sobre lexislación educativa que son determinantes para o desempeño da función inspectora, por unha simple valoración da capacidade de liderado e competencias que, en palabras de Román Rodríguez, “abre a porta á discrecionalidade e á subxectividade”. Ademais, introdúcese como novidade que as administracións poidan reservar ata un terzo das prazas para provisión mediante concurso de méritos, “dando lugar a que poida ser elixido polo dirixente de turno, algo inadmisible”.

Preservar a calidade do sistema

O titular de Educación subliñou que o Goberno galego vai seguir traballando para que, dentro da legalidade, o sistema educativo galego non se vexa afectado pola aplicación desta lei que, segundo reiterou, “ataca os piares básicos do noso sistema como son a calidade, a equidade, a igualdade de oportunidades e a cultura do esforzo”.

Precisamente a este respecto lembrou que a Xunta de Galicia xa puxo en marcha unha serie de mecanismos para preservar a calidade da educación, avalada por informes internacionais como Pisa. Así, a Consellería vén de aprobar unhas instrucións para corrixir en Galicia o decreto do aprobado xeral, así como o deseño dunha formación unha formación específica para os docentes que sexa necesario contratar sen máster, fronte á proposta do Ministerio, que decidiu non esixirlles nin unha mínima formación pedagóxica.

Información xeral Ensinanzas de réxime xeral Ensinanzas de réxime especial Educación das persoas adultas Consellería de Cultura, Educación e Universidade
Categorías: Administración

Anulación da convocatoria da iniciativa "EnCANTame Ler" para o ano 2020

Mér, 25/11/2020 - 09:10
Idioma Gallego

Achégase a Resolución da Dirección Xeral de Centros e Recursos Humanos do 23 de novembro de 2020 pola que se anula a convocatoria do 2 de marzo relativa ao proxecto "EnCANtame Ler", de lectura apoiada por cans, destinada a centros públicos de educación infantil e primaria ou centros específicos de educación especial de titularidade da consellería para o presente ano 2020. Considérase que no contexto actual dos centros, provocado pola covid19, non é posible desenvolver en toda a súa extensión a actividade de lectura apoiada por cans prevista, no formato e co deseño para o que foi concibida.

File: 

Resolución do 23 de novembro de 2020: Anulación convocatoria

Tema: 

Plan LÍA Bibliotecas escolares

Ensinanza: 

Educación infantil Educación primaria

Departamento: 

Dirección Xeral de Centros e Recursos Humanos Subdirección Xeral de Centros

Colectivo: 

Centros
Categorías: Administración

Relación definitiva de persoas admitidas e excluídas e baremo definitivo das listas de interinidades e substitucións para impartir docencia no corpo de profesores técnicos de FP, Servizos de restauración

Mar, 24/11/2020 - 11:15
Idioma Gallego

Anuncio principal: 

Apertura das listas de interinidades e substitucións para impartir docencia en determinadas especialidades do corpo PES (590) e do corpo de profesores técnicos de formación profesional (591)

Resolución do 24 de novembro de 2020 da Dirección Xeral de Centros e Recursos Humanos, pola que se aproba a relación definitiva de persoas admitidas e excluídas e o baremo definitivo no procedemento para a elaboración das listas de interinidades e substitucións para impartir docencia no corpo de profesores técnicos de formación profesional, especialidade de servizos de restauración (591226).

Achégase resolución e relación definitiva de persoas excluídas.  

Servizo relacionado: 

Listas de substitucións

Tema: 

Interinidades e substitucións

Ensinanza: 

Educación secundaria obrigatoria Bacharelato Formación Profesional inicial

Departamento: 

Servizo de Profesorado de Ensinanzas Secundaria, de Formación Profesional e de Réxime Especial

Colectivo: 

Profesorado
Categorías: Administración


by Dr. Radut