IES de Valga | unha porta aberta ao teu presente para preparares o futuro

Alumnado do "Obradoiro de Teatro" asiste á función teatral "Shakespeare en Roma" do CDG

Mér, 29/03/2023 - 23:57 — IES de Valga

Un grupo de alumnado deste curso académico 2022/23 está a participar nun obradoiro de teatro dirixido polo profesor de Lingua e Literatura Galega Fran Godón. O alumnado está ensaiando na Biblioteca do noso centro nas tardes dos xoves. Como actividade complementaria deste obradoiro, na tarde do venres 24 de marzo, asistiron á función da obra teatral “Shakespeare en Roma”, representanda polo Centro Dramático Galego no Salón Nobre de Fonseca da Universidade de Santiago de Compostela. Tamén tiveron ocasión de conversar, despois da función, coa actriz protagonista do espectáculo, Toni Salgado que lles comentou aspectos relacionados co mundo do teatro así como respondeu ás preguntas que lles fixo o alumnado. Foron acompañados polo profesorado Vanessa Fernández e Fran Godón.

Alumnado de 4º ESO e 1º Bacharelato realizan viaxes culturais a París e Londres respectivamente

Mar, 28/03/2023 - 21:43 — IES de Valga

Alumnado de 4º ESO e alumnado de 1º Bacharelato realizan do 26 ao 29 de marzo sendas viaxes con carácter didáctico ás cidades de París e Londres respectivamente.

O alumnado de 4º ESO disfruta estes días dunha visita cultural á capital francesa. Durante catro días visitan os lugares máis emblemáticos da capital francesa (Montmartre, Torre Eiffel, Arco de Triunfo,Louvre, Orsay,..) así como Versalles. O profesorado Nieves Gómez, Vanessa Fernández Beni Neo, acompáñanos nesta viaxe.

Pola súa banda, o alumnado de 1º Bacharelato visitan á capital británica nunha viaxe científica e cultural. Fan un percorrido polos lugares máis emblemáticos de Londres, así como asistiron á representación da obra "Cinderella" no Royal Albert Hall ou visitaron o Museo de Historia Natural entre outras actividades. Son acompañados polo profesorado Lara García, Ana Staton, Fran Godón e Manuel Villar.

Picando nestes enlaces: París e Londres, pódese ollar outras imaxes destas viaxes.