IES de Valga

O luns 11 de novembro foi día de celebracións no IES Valga. Con motivo de conmemorar os vinte anos de existencia do noso Centro, iniciáronse os actos en lembranza desta efeméride. O primeiro deles foi unha comida de confraternidade que reuniu na cafetería do IES ao alcalde, José María Bello Maneiro, e a concelleira de Educación, Carmen Gómez, representando ao Concello na comida, xunto ao profesorado e exprofesorado do instituto así como representantes dos demais centros educativos de Valga e outros membros da comunidade educativa.

Pola tarde houbo un acto institucional coa asistencia do alumnado do centro e con intervencións por parte do alcalde, da directora do noso Centro, Dolores Rego, dunha das profesoras fundadoras do centro, Pilar Buela, do exalumno Javier Carballo e dun dos actuais alumnos, Samuel Rial. O acto tamén contou coa actuación dun grupo de alumnos e exalumnos do IES que forman parte da Escola Municipal de Música, que dirixidos polo seu director, Manuel Villar Touceda á batuta, interpretaron varios temas, pechando a celebración co Himno Galego. A tarde finalizou cun magosto do que disfrutaron alumnado, profesorado e autoridades presentes.

Máis información picando neste enlace.

O alumnado da materia de Economía de 2º Bacharelato visitou, na mañá do mércores 6 de novembro, as instalacións da empresa FINSA en Padrón. Foi un percorrido guiado polas diferentes instalacións desta industria do sector de transformación da madeira. Foron acompañados polas profesoras Evangelina Vidal e Ana Paula Rodríguez. A actividade foi organizada polo departamento de Economía.