Encontro do alumnado de 2º Bacharelato coa escritora Montse Fajardo

Charla memoria histórica Montese Fajardo co alumnado de 2º Bacharelato O pasado martes, 20 de marzo, estivo con nós a autora de “Matriarcas”, “Un cesto de mazás” ou a máis recente "Invisibles. Relatos do maltrato": a escritora e xornalista vilagarciá Montse Fajardo. Nun encontro co alumnado de 2º de Bacharelato deulles a coñecer as historias dalgunhas das persoas que protagonizan os seus libros "Matriarcas" e "Un cesto de mazás" e que nunca deben ser esquecidas, elas e as situacións que viviron. A actividade foi organizada polo departamento de Xeografía e Historia.  
   

Enquisa sobre a reciclaxe e o coidado do medio ambiente no IES Valga

   O alumnado de Xeografía de 2º Bacharelato realizaron durante este curso unha enquisa  sobre a situación da reciclaxe e o coidado do medio ambiente no concello de Valga. O profesorado e o alumnado de ESO, Bacharelato e Ciclos contestaron a 13 preguntas relacionadas sobre cuestión relacionadas sobre este campo social. O reconto e valoración das respostas foi realizada polo alumnado da materia de Métodos Estatísticos e Numéricos de 2º Bacharelato, que ademais fixeron as gráficas cos resultados finais do cuestionario, dirixidos polo profesor de Matemáticas, José María Barca.

 
   

Charla-coloquio sobre "Acoso Escolar" dentro da Rede Municipal de Convivencia

Charla sobre Ciberacoso 15 marzo 2018    A "Rede Municipal de Convivencia" organizou unha nova actividade o xoves 15 de marzo. Co título "Acoso escolar" tivo lugar, na Biblioteca do IES Valga, unha interesante charla-coloquio coa participación do responsable da Garda Civil da Comandancia de O Grove e a asistencia dunha trintena de membros da comunidade educativa do concello de Valga.

Lembrar que a "Rede Municipal de Convivencia de Valga" é unha organización da que forman parte o IES de Valga, a ANPA "Bella Otero", o CEIP de Baño-Xanza e a ANPA, o CEIP "Xesús Ferro Couselo" e a súa ANPA ademais dos Servizos Sociais do Concello de Valga.

 
   

Charla sobre Ciberacoso no IES Valga

   A "Rede Municipal de Convivencia" organiza unha nova actividade o xoves 15 de marzo, ás 20:00 horas. Co título "Acoso escolar" terá lugar, na Aula de Audiovisuais do IES Valga, unha charla-coloquio coa participación do responsable da Garda Civil da Comandancia de O Grove. Será unha nova oportunidade de fomentar unha maior coordinación e interrrelación entre os centros participantes e as familias nesta rede de convivencia. Convidamos a todos a asistir a esta actividade.

Lembrar que a "Rede Municipal de Convivencia de Valga" é unha organización da que forman parte o IES de Valga, a ANPA "Bella Otero", o CEIP de Baño-Xanza e a ANPA, o CEIP "Xesús Ferro Couselo" e a súa ANPA ademais dos Servizos Sociais do Concello de Valga.

 
   

Torneo de Xadrez 2017-2018

Torneo de Xadrez 2017-2018 O Torneo de Xadrez deste curso chegou ao seu final coas partidas da última ronda celebradas a pasada semana. Despois de cinco rondas, o vencedor do Torneo foi o alumno de 3º ESO, Alejandro Rodríguez Serramito. O torneo celebrouse durante os recreos do martes e xoves deste trimestre na Biblioteca do noso Centro. Foi organizado polo Departamento de Matemáticas en colaboración coa Biblioteca. En vindeiras datas celebrarase a entrega de permios.  
   

Powered by Drupal - Design by artinet