Skip to Content

O Pleno do Concello aproba a cesión dunha parcela de 3.000 metros para o ciclo de Agroxardinería

terreos para o ies

A Corporación municipal do concello de Valga aprobou por unanimidade a cesión á Consellería de Educación, Formación Profesional e Universidades dunha parcela de 3.000 metros cadrados de superficie para a implantación, no noso centro, do novo ciclo de Formación Profesional Básica de Agroxardinería e Composicións florais, que comezará a impartirse no vindeiro curso 2022-2023. Este espazo permitirá habilitar as infraestruturas axeitadas para a realización dos módulos teóricos e prácticos do ciclo: unha aula polivalente, un almacén e unha superficie de xardín, invernadoiro e viveiro de 1.300 metros cadrados.
O ciclo, da rama profesional vencellada ao sector agrario, poderá contar cun máximo de 30 alumnas e alumnos, e centrarase na elaboración de composicións con flores e plantas, operacións auxiliares en cultivos, produción de planta en invernadoiros ou en centros de xardinería.

O director do IES de Valga, Eliseu Mera, agradece ao equipo de goberno e ao conxunto da corporación municipal "a súa xenerosidade e sensibilidade no fomento do aumento da oferta educativa en favor das posibilidades de inserción laboral, especialmente do alumnado máis vulnerábel".

Máis información picando neste enlace.

Matrícula para o curso 2022-2023 (ESO, Bacharelato e ciclos)

Matrícula para o curso 2022-2023 (ESO, Bacharelato e ciclos)

ESO e Bacharelato
Os sobres de matrícula van estar na Conserxaría para seren recollidos entre os días 27 e 29 de xuño, en horario ininterrompido de 9h00 a 21h00. O alumnado de 2º e de 4º ESO lévaos no día da recollida dos consellos orientadores, por tanto non é necesario vilos buscar ao centro.
O período de matrícula é o seguinte en horario de 9h00-14h00:
- 1º e 2º Bacharelato: xoves, 30 de xuño.
- 3º e 4º ESO: venres, 1 de xullo.
- 1º e 2º ESO: luns, 4 de xullo.

Ciclos formativos
Nos ficheiros anexos pódese localizar información a respecto dos prazos do proceso de admisión para a FP básica, réxime ordinario e de persoas adultas e dual, á que tamén se pode acceder premendo nas correspondentes ligazóns.
Lembramos que para este novo curso, incorpórase á oferta da FP básica o CB Agroxardinaría e composicións florais.
A petición de admisión débese realizar na aplicación Ciclos admisión nas datas indicadas.

Alumnado do 6º curso de Ed. Infantil do CEIP A Ramallosa (Teo) participaron nunha actividade dentro do proxecto Escola Verde

Alumnado de 4º ESO co alumnado de 6º Ed. Infantil do CEIP A Ramallosa

O martes 14 de xuño, o alumnado de 4º ESO B, que participa neste curso nos programas de contido e cuidado medioambiental EduSostibilidade e Escola Verde, recibiu ao alumnado de 6º de educación infantil do CEIP da Ramallosa (Teo) para explicarlles, a través dalgúns experimentos, diversos conceptos da arquitectura bioclimática, ademais de resaltar a importancia do compost. A súa labor de ensinantes leváronna a cabo no laboratorio de Ciencias e no exterior do noso centro incluído o espazo destinado ao composteiro.  Na actividade tamén participou o alcalde do concello de Teo, Rafael Sisto, que ademais é membro do noso claustro de profesorado, na materia de Física e Química.
Máis información picando neste enlace.

Alumnado de 4º ESO co alumnado de 6º Ed. Infantil do CEIP A Ramallosa

Acto de graduación da promoción de Bacharelato 2020-2022

Acto de graduación da promoción de Bacharelato 2020-2022

O venres 10 de xuño, no Auditorio Municipal de Cordeiro, tivo lugar o Acto de Graduación da promoción de Bacharelato 2020-2022. Foi un acto entrañable e emotivo, presentado polo alumnado desta promoción: Iris Barros e Arón Magán, no que en representación dela tomaron a palabra Damián Bustelo e Alexandra Bandín, que fixeron referencias ao seu paso polo noso centro. Tamén houbo discursos do Director do Centro, Eliseu Mera, do rexidor municipal, José María Bello Maneiro,  xunto cos da madriña e o padriño dos graduados: o profesorado Loli Rego e Fran Godón. O acto completouse cunha actuación musical a cargo da Banda Municipal de Música, dirixida polo mestre Manuel Villar. Ademais non podía faltar a entrega de diplomas ao alumnado graduado xunto coas mencións especiais aos mellores expedientes do Bacharelato de Ciencias, Alicia Iglesias, o que lle conlevou o premio "Ángel Carracedo", e do Bacharelato de Letras, concedido ás alumnas Iris Barros e Sara Rodríguez. Picando neste enlace podes ver máis fotografías deste acto.

 

Distribuir contido


by Dr. Radut