Skip to Content

Clubes de lectura

Xuntanza do Clube de Lectura este xoves 5 de marzo

Clube de Lectura xoves 5 marzo

O xoves 30 de xaneiro tivemos o Clube de Lectura de adultos

Clube lectura adultos 2019-2020

 O xoves 30 de xaneiro tivemos unha nova sesión do noso Clube de Lectura de adultos. Clube de lectura... de amigos falando arredor dun libro. Sete mulleres, e o coordinador. Mulleres amantes do coñecemento, da cultura. Unha marabilla.

Xuntanza do Clube de Lectura este xoves 30 de xaneiro

Clube de Lectura 30 xaneiro 2020 Ola a todas; este xoves, 30 de xaneiro, na Biblioteca do noso centro, ás catro e media, coma sempre, reanudamos o Clube de Lectura. "Ébano", de Kapuscinski, e "Instrucciones para convertirse en fascista", centrarán a charla. Boa tarde. Boa lectura... haberá pastas, de chocolate...

Xuntanza do Clube de Lectura este xoves 28 de novembro

Infamia. Ledicia Costas O vindeiro xoves 28 de novembro, terá lugar unha nova xuntanza do Clube de Lectura de adultos do noso Centro. Será a partir das 16:30 horas na Biblioteca, un encontro para conversar sobre a novela "Infamia" de Ledicia Costas.

En palabras do responsable do Clube de Lectura de adultos do noso Centro, Víctor González:

"o xoves 28, arredor de Infamia, a obra de Ledicia Costas, imos ter a coñecida tertulia do club de lectura na biblioteca do IES de Valga. Non esperedes, os que teñades a ben vir, atopar alí xente ilustre ou maiúscula, non son necesarias, pero si virá xente importante, xente sabia, xente que terá moito que dicir e que convén escoitar con atención, xente curiosa, que sabe escoitar. Non son, logo, tertulianos ao uso, deses que saen pola televisión e que presumen de saber de todo, deses que todo saben e todo entenden; eses non os atoparedes, máis ben son xente amiga a que acude á tertulia do club de lectura, que máis imitan ao gran Sócrates, o filósofo que aos fanfarróns de turno tanto cansa escoitar. Alí estaremos, esperándovos cos brazos abertos. Saúde"

Agardamos a vosa asistencia. 

Alumnado de 1º e 2º ESO do Clube de Lectura da Biblioteca visita A Coruña

Alumnado de 1º e 2º ESO Clube de Lectura en A Coruña

O pasado 20 de xuño, alumnado de 1º e 2º de ESO dos diferentes clubes de lectura da Biblioteca do noso Centro, realizou unha saída extraescolar á cidade de A Coruña. Visitaron a Torre de Hércules e a Casa dos Peixes; despois de xantar no Centro Comercial Marineda, tiveron ocasión de disfrutar dun tempo libre na praia de Riazor. Foi o lúdico final a un ano de intercambio de praceres sobre diferentes libros que estes rapaces e rapazas foron lendo ao longo deste curso académico e que coordinou un ano máis con acerto o profesor Miguel Fernández. A actividade foi organizada pola Biblioteca e o alumnado estivo acompañado polos profesores Miguel Fernández e Bienvenido Neo.

 

Distribuir contido


by Dr. Radut