Skip to Content

Proxecto dinamización

O EDL celebra o Día de Rosalía

Día de Rosalía 24 febreiro 2021

O Equipo de Dinamización Lingüística do noso  Centro celebrou o Día de Rosalía de Castro. Durante a mañá do mércores 24 de febreiro conmemoramos unha das datas sinaladas para a Lingua e Literatura Galegas. Foi a través da lectura de poemas e a audición de cancións baseadas en textos da escritora galega. Participou alumnado dos diferentes cursos da ESO e Bacharelato.

Alumnado lendo textos de Rosalía

Alumnado 2º Bacharelato celebra o Día Rosalía de Castro 2021

 

O Equipo de Dinamización Lingüística celebra o Día de Rosalía de Castro

Día de Rosalía 24 febreiro 2021

Un ano máis e como cada 24 de febreiro, o Equipo de Dinamización Lingüística do noso centro celebra o Día de Rosalía de Castro.

VIII Concurso de Fotografía

VIII Concurso de Fotografía A Biblioteca e o Equipo de Dinamización da Lingua Galega do IES de Valga convoca o VIII Concurso de Fotografía. O tema nesta edición será “O RECUNCHO DOS AVÓS”. Enviaranse dúas fotografías cun título e cunha pequena explicación sobre estas.

Os envíos serán á seguinte dirección de correo electrónico:dinamizacionlca@gmail.com

Poderán participar alumnado, profesorado e persoal non docente do IES de Valga

Os premios consistirán en dous vales, de 30 e 20 euros respectivamente, ás dúas mellores fotos.

O prazo de presentación será ata o 15 de febreiro de 2021.

 

Calendario 2021 do EDL do IES de Valga

Calendario EDL 2021 

Xa temos o noso calendario para o 2021. Este ano o deseño dos días e meses foron completados con coñecidos refráns. Esperamos, un ano máis, que vos guste tanto coma a nós. Picando na imaxe, ou no ficheiro anexado a esta nova, pódese acceder a el. O Equipo de Dinamización da Lingua Galega deséxavos un Bo Nadal. 

Gañadores do concurso de curtas do Samaín

Dentro das actividades da conmemoración do 25N, tivo lugar a entrega de premios do concurso de vídeos de terror arredor da celebración do Samaín convocado polo Equipo de Dinamización da Lingua Galega e a Biblioteca. A curta gañadora, "Pesadelo de Samaín",  foi a realizada pola alumna Uxía  Bejo de 1º ESO B. Tamén obtiveron accésits ás curtas:  "Xiao Ying" de Ángela e Paula Costa, "Halloween Screams" de Arantxa Cerneira e Alejandra Trenco "Telexornal terrorífico" de Carol Vázquez, Sara Vila, Carla Santos e Ainhoa Sobrino, todas elas de 1º ESO; así coma a curta "A nena da curva" realizado por alumnado de 2º ESO.

                                                    primeiro premio curtas samain 2020  

Distribuir contido


by Dr. Radut