Skip to Content

Novas

Visita de profesorado do Lycée Eric Tabarly de Francia ao noso centro

Visita de profesorado da escola profesional Eric Tabarly

O xoves 24 de marzo visitaron o noso centro dous novos membros do profesorado da escola profesional Eric Tabarly da vila francesa de Olonne sur Mer. Nesta ocasión viñeron Jean-Louis (profesor de matemáticas) e Brigitte (profesora de francés e historia) que reemprazan aos dous profesores anteriores nas tarefas de acompañamento e supervisión dos cinco alumnos que realizan prácticas en empresas de Santiago. Estarán desde o 22 de marzo ao 2 de abril, data en que remata o período de prácticas dos alumnos. Durante a súa visita e acompañados de Antonio Mirás do departamento de Fabricación Mecánica e Beni Neo do departamento de Francés, percorreron o noso Centro, visitaron varias aulas, conversaron e fixéronse fotos co alumnado, ademais de interesarse polos nosos plans de estudos.

Alumnado de Francés de 2º Bacharelato co profesorado da escola profesional Eric Tabarly

Visita de alumnado en prácticas do Lycée Eric Tabarly

Visita de alumnado en prácticas do Lycée Eric Tabarly

O venres 18 de marzo estiveron no noso centro cinco alumnos acompañado de profesorado da escola profesional Eric Tabarly da vila francesa de Olonne sur Mer. Os alumnos cursan estudos de Soldadura e Caldeiraría no seu centro e están a desenvolver un período de tres semanas de prácticas en empresas de Santiago. Acompañando aos seus alumnos están David (profesor de Caldeiraría) e Muriel (profesora de Matemáticas).
Xunto cos profesores Antonio e Javier do departamento de Fabricación Mecánica e Beni do departamento de Francés percorreron os distintos espazos do centro, especialmente os talleres e aulas dos nosos Ciclos.

Visita de alumnado en prácticas do Lycée Eric Tabarly

O profesorado de taller de Ciclos asiste a un curso de formación da nova pregadora

  O profesorado de taller de Ciclos asiste a un curso de formación da nova pregadora

O profesorado de taller dos ciclos formativos recibe no noso centro un curso de formación en técnicas de preparación e programación, para o uso da nova pregadora enviada pola Consellería de Educación.
Pregadora enviada pola Consellería de Educación

Visita de profesorado do noso Centro ao Lycée Eric Tabarly dentro do programa Erasmus+

Visita ao Lycée Eric Tabarly dentro do programa Erasmus+

Os profesores do departamento de Fabricación Mecánica, Antonio Mirás e Javier Hermida, xunto co profesor de Francés, Beni Neo realizan, entre o martes 1 e o  venres 4 de outubro, unha visita ao Lycée Eric Tabarly, que é unha escola profesional (equivalente á nosa Formación Profesional) situada na vila de Olonne-sur-Mer, na rexión de Países do Loira, pertencente ao distrito costeiro de Les Sables-d'Olonne, aproximadamente a 100 km ao sur de Nantes. A actividade enmárcase dentro do programa Erasmus+. Están acompañados dos profesores dese centro, Antoine NOËL e David POIRON, os cales estiveron visitando as nosas instalacións no pasado mes de xuño.

Neste intercambio realizan un percorrido polos diferentes espazos do centro francés (talleres, bilbioteca, aulas...), así como reunións para  levar a cabo un proxecto común dentro do programa Erasmus+, como por exemplo intercambio de alumnado para prácticas e visitas, realización de traballos en conxunto, visitas do profesorado, etc.

ViLycée Eric Tabarly dentro do programa Erasmus+sita ao

Visita de profesorado do Lycée Eric Tabarly dentro do programa Erasmus+

Profesorado de Ciclos do IES Valga e do Lycée Eric Tabarly

Estes días tivemos a visita de Antoine NOËL e David POIRON, dous profesores franceses do Lycée Eric Tabarly. Acompañados do profesorado de Ciclos visitaron as instalacións do noso Centro, sendo tamén recibidos polo alcalde do concello de Valga.

A visita enmárcase dentro do programa Erasmus+. No vindeiro mes de setembro haberá unha devolución da visita por parte de profesorado de Ciclos do noso Centro e continuará co intercambio de alumnado para prácticas e visitas.

 

Distribuir contido


by Dr. Radut