Actividades

Exposición de cartaces sobre Luísa Villalta polo alumnado de Literatura Universal de 1º Bacharelato

Mar, 14/05/2024 - 23:57 — IES de Valga

O alumnado de Literatura Universal de 1°de Bacharelato B, coa súa profesora Paula A. Rey, realizou unha pequena exposición de cartaces para conmemorar o Día das Letras Galegas. Xa que este ano celebramos a obra de Luísa Villalta, quixemos contextualizala na historia da literatura galega, en concreto, entre as mulleres poetas dos anos 90. Elas cuestionaron a produción literaria anterior poñendo, en primeiro plano do discurso, a súa experiencia vital como muller e, quebrando os modelos sociais que se lle presupuñan. A exposición pode ollarse no corredor da planta baixa.

Alumnado de 4º ESO e 1º Bacharelato asiste á representación teatral de "La Casa de Bernarda Alba" e visita o CGAC

Mar, 09/04/2024 - 23:50 — IES de Valga

Alumnado de 4º ESO e 1º Bacharelato realizou unha saída didáctica a Santiago de Compostela na mañá do martes 9 de abril. Nesta actividade asistiron á representación teatral de “La casa de Bernarda Alba” de Federico García Lorca, representada por TransEduca espectáculos para centros educativos no auditorio do Colexio La Salle. Completaron a saída coa visita guiada ao Centro Galego de Arte Contemporánea (CGAC), onde puideron ollar a exposición "Lamazares. Inda é día", que lles permitiu coñecer a produción artística do pintor lalinense Antón Lamazares. Foron acompañados polo profesorado Hilda Gulias, Paula Rey, Iris Cochón e Modesto Fontán. A actividade foi organizada polo departamento de Lingua e Literatura Castelá.

Antía Yañez presentou o libro "Be water" co alumnado de Oratoria de 1º ESO

Mar, 14/12/2021 - 13:04 — IES de Valga

O alumnado de Oratoria de 1º ESO asistiu, na tarde do luns 13 de decembro, á presentación do libro "Be water" de Antía Yañez. A escritora estivo na Biblioteca do noso centro para conversar co alumnado sobre o seu novo libro, finalista do I Premio María Victoria Moreno de Literatura Xuvenil e publicado pola editorial Cuarto de Inverno; nel reflexiona sobre a auga como un ben preciado ademais de pensar na necesidade do ecoloxismo e das relacións interpersoais. A actividade foi organizada polo departamento de Lingua Castelá.

Premiados no concurso literario "Rompe el silencio"

Xov, 26/11/2020 - 19:33 — IES de Valga

E tamén dentro das actividades da conmemoración do 25 de Novembro, o departamento de Lingua Castelá e Literatura entregou os premios do concurso literario contra a violencia machista, "Rompe el silencio".

Os premidos foron:

- na categoría de FP Básica, 1º e 2º ESO: Carla Herrero de 2º ESO co 1º premio e Ana Castroagudín, de 1º ESO, co 2º premio

- na categoría de de FP Ciclo Medio, 3º e 4º ESO: Ximena Guerra de 3º ESO co 1º premio e Laura Calvo, de 3º ESO, co 2º premio

- na categoría de FP Ciclo Superior, 1º e 2º Bacharelato: Alfonso Álvarez de 2º Bacharelato co 1º premio e Andrea Torres, tamén de 2º Bacharelato, co 2º premio

Concurso para conmemorar o Día Internacional pola eliminación da violencia de xénero

Lun, 02/11/2020 - 22:00 — IES de Valga

O vindeiro 25 de novembro é o "Día Internacional pola eliminación da violencia de xénero" e o departamento de Lingua Castelá e Literatura convoca un CONCURSO LITERARIO CONTRA A VIOLENCIA MACHISTA: "Rompe el silencio", dirixido a todo o alumnado do noso centro (ESO,Bacharelato e FP), coa finalidade de crear conciencia en valores de igualdade e contra a violencia. Na imaxe que acompaña esta nova ou no ficheiro anexado podes consultar as bases e premios deste concurso.