Skip to Content

Actividades

Alumnado de 3º ESO tivo un encontro co escritor Nee Barros

Nee Barros co alumnado de 3º ESO

O mércores 9 de marzo, o escritor Nee Barros visitou o noso centro para ter un encontro co alumnado de 3º ESO. Durante unha hora o autor de "Identidade" conversou co alumnado sobre cuestións como identidade de xénero e a realidade trans. Os alumnos e alumnas tiveron oportunidade, nunha charla moi dinámica, de facer preguntas tanto sobre estas cuestións como sobre a obra de teatro que leron neste trimestre. A actividade tivo lugar na Biblioteca e foi organizada polo departamento de Lingua Galega e Literatura.

Alumnado de 2º ESO asisitiu a unha charla-coloquio co escritor Héctor Cajaraville

Alumnado de 2º ESO co escritor Héctor Cajaraville

O martes 3 de marzo, o alumnado de 2º ESO asistiu, na aula de Audiovisuais, a unha charla-coloquio co escritor Héctor Cajaraville. O alumnado tivo unha explicación do libro "Denébola a Roxa", ademais de coñecer aspectos da súa labor literaria. O acto concluiu coa sinatura de exemplares do libro por parte do escritor. A actividade foi organizada polo departamento de Lingua Galega e Literatura.

Alumnado de 2º ESO co escritor Héctor Cajaraville

Alumnado de 4º ESO asiste a unha charla sobre neuromarketing

Alumnado de 4º ESO na charla de Juan Graña sobre neuromarketing

O alumnado de 4º ESO asistiu nas dúas últimas horas da mañá do pasado venres 3 de maio a unha charla sobre neuromarketing. Na Bilbioteca do noso centro estivo o especialista nesta materia e fundador da empresa Neurologyca, Juan Graña. Durante dúas horas achegounos ao coñecemento do neuromarketing, unha disciplina centrada na explicación da toma de decisións no proceso de compra por parte dos consumidores. A actividade foi organizada polo departamento de Lingua e Literatura Galega.

 Alumnado de 4º ESO na charla de Juan Graña sobre neuromarketing

Alumnado de 2º ESO regueifa con Pinto de Herbón

                              Alumnado 2º ESO regueifando con Pinto de Herbón

O pasado xoves 7 de marzo na Biblioteca do noso Centro, o alumnado de 2º ESO que participa no Certame Provincial de Regueifa impulsado pola Deputación de Pontevedra, tivo ocasión de asisitir a un segundo obradoiro desta modalidade de cantiga improvisada, ofrecido pola Asociación Oral de Galiza. A sesión contou coa presenza do regueifeiro Pinto de Herbón e serviu para complementar ao primeiro obradoiro do mes de febreiro. A actividade foi organizada polo departamento de Lingua e Literatura Galegas.

Alumnado de 4º ESO asiste á obra de teatro "Language Planning" no Auditorio Municipal de Valga

                            Alumnado de 4º ESO asiste á obra de teatro "Language Planning" no Auditorio Municipal de Valga 

O alumnado de 4º ESO asisitiu xunto con compañeiros do mesmo nivel educativo doutros centros da contorna á representación da obra de teatro "Language Planning", a cargo da compañía "Os Quinquilláns". Esta obra está inspirada no libro "Made in Galiza" do escritor Sechu Sende. A representación tivo lugar no Auditorio Municipal de Valga e foi organizada polo departamento de Lingua Galega e Literatura. Neste enlace podes ollar máis información sobre este evento.   

 
   
Distribuir contido


by Dr. Radut