Actividades

Viaxe a Madrid do alumnado de Música de 4º ESO e 1° Bacharelato

Mar, 19/04/2022 - 17:43 — IES de Valga

O alumnado da materia de Música de 4º ESO e 1º Bacharelato iniciou unha viaxe a Madrid. Desde o martes 19 e ata o venres 22 de abril realizan unha visita musical a esta cidade e tamén disfrutarán dos sitios máis emblemáticos (Museo do Prado, Palacio Real,...). Esta viaxe foi organizada polo departamento de Música e están acompañados polo profesorado Beatriz Puente e Manuel Villar.

Alumnado de Música de 1º Bacharelato no Samaín

Xov, 04/11/2021 - 19:46 — IES de Valga

Na fotografía podemos ollar ao alumnado da materia de Música de 1º Bacharelato que, co seu profesor Manuel Villar, animaron coa súa música e cancións o ambiente de Samaín polo noso centro durante a semana pasada.

Actividade musical

Mar, 22/12/2020 - 19:57 — IES de Valga

Na mañá do martes 22 de decembro tivemos polos corredores do noso Centro ao alumnado de Música de 4º ESO, co seu profesor Manuel Villar, poñendo animación musical, como preludio das vacacións do Nadal.

Alumnado do IES Valga asiste ao concerto didáctico "Deriva" no Auditorio Municipal

Lun, 07/10/2019 - 21:33 — IES de Valga

Alumnado do Obradoiro de Música de 1º ESO xunto co alumnado da materia de Música de 2º e 3º ESO asistiu, no Auditorio Municipal de Valga, ao concerto didáctico "Deriva". Neste concerto catro músicos interpretaron temas das compositoras Lula Romero, Katharina Rosenberger e Victoria Cheah, Esta proposta musical "Deriva" está enmarcado dentro do ciclo de concertos “En Ruta”, incluído no programa “O teu Xacobeo”, organizado pola Xunta de Galicia para promover actividades de dinamización na antesala do Ano Santo 2021. A actividade foi organizada polo departamento de Música. Neste enlace máis información sobre este evento celebrado na mañá do luns 7 de outubro.

Alumnado de 2º ESO asiste a un concierto didáctico en Santiago

Ven, 20/01/2017 - 10:41 — IES de Valga

Alumnado de 2º ESO no concerto diáctico en Santiago

Música clásica? Que rollo”. Pero resulta que non! Mola bastante! Ou iso pensan agora moitos do alumnado de 2º ESO que acudiron o xoves, 19 de xaneiro, a un estupendo concerto didáctico no Auditorio de Galicia en Santiago, acompañados das súas profesoras, Rosa Rutherford e Isolina Salgado. Cun narrador, bailaríns e a Real Filharmonía de Galicia, o concerto mantivo o interese dos rapaces e ao final incluso os menos convencidos recoñeceron que sempre é bo adquirir novas experiencias culturais.