Skip to Content

Actividades

Alumnado de 2º Bacharelato participou na XI Olimpíada de Xeoloxía

Xov, 13/02/2020 - 12:07 — IES de Valga

Alumnado de Xeoloxía de 2º Bacharelato na XI Olimpiada de Xeoloxía

O mércores 12 de febreiro o alumnado de Xeoloxía de 2º Bacharelato participou na fase autonómica da XI Olimpíada de Xeoloxía. Foi organizada pola AEPECT (Asociación Española para la enseñanza de las Ciencias de la Tierra), a Sociedade Española de Xeoloxía e o Colexio Oficial de Xeólogos. Este evento tivo lugar en Santiago de Compostela, no Museo de Historia Natural da USC, e na Facultade de Bioloxía. O alumnado, ademais de realizar as diferentes probas, asistiu a unha conferencia sobre as turbeiras galegas.

Alumnado de Xeoloxía de 2º Bacharelato na XI Olimpiada de Xeoloxía

Alumnado de 2º Bacharelato participa na XV Olimpíada de Bioloxía en Santiago de Compostela

Sáb, 18/01/2020 - 20:17 — IES de Valga

Alumnado de 2º Bacharelato participa na XV Olimpíada de Bioloxía na USC

O venres 17 de xaneiro tivo lugar, na Facultade de Bioloxía da Universidade de Santiago de Compostela, a fase autonómica da XV  Olimpíada de Bioloxía, convocada pola Asociación Olimpíada Española de Bioloxía (OEB), na que participaron centros de toda Galicia e entre eles o noso Centro, que estivo representado polo alumnado de 2º Bacharelato: Alba Gómez, Lorena Otero, Carla Pampín e Martín Calvo. Foron acompañados pola profesora do Departamento de Bioloxía e Xeoloxía, Loli Rego.

Alumnado de Bacharelato participou nun obradoiro de rochas

Mar, 10/12/2019 - 12:50 — IES de Valga

obradoiro de rochas alumnado de bacharelato O alumnado de Xeoloxía de 1º e 2º Bacharelato asistiu, na tarde do luns 9 de decembro, a un obradoiro de rochas que tivo lugar no laboratorio de Bioloxía e Xeoloxía.

Alumnado de Xeoloxía no obradoiro de rochas

Alumnado de Bacharelato realiza un roteiro xeolóxico polo Barbanza

Mar, 05/11/2019 - 11:56 — IES de Valga

alumnado de bacharelato roteiro xeolóxico

O luns 4 de novembro, o alumnado de 1° e 2° de bacharelato realizou un roteiro xeolóxico pola zona do Barbanza. Foi guiado polo prestixioso xeólogo Fran Canosa, que lles explicou a orixe e interpretación xeolóxica dos lugares visitados, como a Pedra da Ra, Corrubedo ou a panorámica da Curota entre outros espazos naturais. Foron acompañados pola profesoras Ana Bueno e Sara Brea. A actividade foi organizada polo departamento de Bioloxía e Xeoloxía.

Alumnado de Bacharelato nun roteiro xeolóxico polo Barbanza

Alumnado de 1º ESO visita o Museo do Mar e a ría de Vigo

Lun, 03/06/2019 - 09:05 — IES de Valga

Alumnado de 1º ESO en Vigo

O venres 31 de maio, o  alumnado de 1° de ESO viaxou ata Vigo para desfrutar dun cruceiro didáctico, onde coñeceron aspectos da historia, flora, fauna e ecoloxía da ría, dun xeito moi atractivo, xa que o barco contaba cun robot submariño, que ía ilustrando as explicacións con imaxes do fondo mariño en directo. A xornada foi completada cunha visita ás instalacións do Museo do Mar, onde seguiron afondando no coñecemento mariño. Foron acompañados do profesorado Lorena Domínguez, Mar Tejero, Víctor González, Loli Omil, Mario Sosa e Ana Bueno. A actividade foi organizada polo departamento de Bioloxía-Xeoloxía.

Distribuir contido


by Dr. Radut