Skip to Content

Actividades

Alumnado de 1º ESO visita o Museo do Mar e a ría de Vigo

Alumnado de 1º ESO en Vigo

O venres 31 de maio, o  alumnado de 1° de ESO viaxou ata Vigo para desfrutar dun cruceiro didáctico, onde coñeceron aspectos da historia, flora, fauna e ecoloxía da ría, dun xeito moi atractivo, xa que o barco contaba cun robot submariño, que ía ilustrando as explicacións con imaxes do fondo mariño en directo. A xornada foi completada cunha visita ás instalacións do Museo do Mar, onde seguiron afondando no coñecemento mariño. Foron acompañados do profesorado Lorena Domínguez, Mar Tejero, Víctor González, Loli Omil, Mario Sosa e Ana Bueno. A actividade foi organizada polo departamento de Bioloxía-Xeoloxía.

Alumnado 4º ESO no Pico Sacro e na illa Cortegada

Alumnado de 4º ESO no Pico Sacro

 

O mércores 22 de maio, o alumnado de 4º de ESO de Bioloxía-Xeoloxía estivo coñecendo a explotación de seixo que leva a cabo a empresa Ferroglobe en Vedra. Iniciaron a visita no Pico Sacro, onde o xeólogo Fran Canosa, explicoulles as características xeolóxicas duns dos filóns de seixo máis importantes a nivel mundial. Posteriormente baixaron á mina, onde puideron ver en funcionamento a diferente maquinaria que extrae, clasifica e lava o mineral.

A xornada didáctica completouse cun roteiro na illa de Cortegada, pertencente ao Parque Nacional Marítimo-Terrestre das Illas Atlánticas de Galicia, onde coñeceron aspectos de  historia, flora, fauna, e ecoloxía de tan singular espazo. Foron acompoañados do profesorado Ana Bueno, Mar Tejero e Mario Sosa. A actividade foi organizada polo departamento de Bioloxía e Xeoloxía.

Alumnado de 4º ESO na illa de Cortegada

Silvia Pérez de 2º Bacharelato na fase nacional da X Olimpíada de Xeoloxía

A alumna de 2º Bacharelato Silvia Pérez Vidal participa este fin de semana na X edición da Olimpíada de Xeoloxía que ten lugar, na súa fase nacional, no IES Universidad Laboral de Cáceres. A Olimpiada Española de Xeología é una competición académica centrada nos contidos de Ciencias da Terra e está promovida pola Asociación Española para a Ensinanza das Ciencias da Terra (AEPECT) en colaboración coa Sociedade Xeológica de España (SGE). Silvia Pérez vai participar nesta olimpíada despois de quedar 2ª Clasificada Provincial  na sede de Santiago o pasado 13 de febreiro, dentro da fase galega, e cunha participación de arredor de 330 estudantes de 4º de ESO e Bacharelato. Nesta, esperamos que exitosa, experiencia está acompañada pola profesora de Xeoloxía e Bioloxía Ana Bueno. Moita sorte e ánimos dende Valga!!!

 

Silvia Pérez de 2º Bacharelato segunda na X Olimpíada de Xeoloxía, fase galega

aAlumnado de 2º Bacharelato participante na X Olimpíada de Xeoloxía  Silvia Pérez, de 2º Bacharelato, segunda clasificada na X Olimpíada de Xeoloxía    O IES de Valga vén de participar con éxito,  hoxe mércores, 13 de febreiro, na X Olimpiada de Xeoloxía, organizada pola AEPECT de Galicia. As probas tiveron lugar na Facultade de Bioloxía. Temos que felicitar a nosa alumna de 2° de  Bacharelato Silvia Pérez Vidal por acadar o 2 ° premio individual, pasando deste xeito, á fase nacional, probas que se celebrarán en Cáceres o vindeiro 6 de abril. Parabéns!!! ao alumnado do noso centro participante nesta proba e de xeito moi especial a Silvia e tamén, por suposto, a súa profesora Ana Bueno.

 
   

Visita do alumnado de CTMA de 2º Bacharelato a Santiago

Visita do alumnado de CTMA de 2º Bacharelato a Santiago  Visita do alumnado de CTMA de 2º Bacharelato a Santiago O venres 8 de febreiro, o alumnado da materia de Ciencias da Terra e do Medio Ambiente de 2º Bacharelato foi visitar unha planta potabilizadora e unha depuradora de aguas en Santiago, completando esta saída didáctica cun percorrido polo Museo Pedagóxico de Galicia. Foron acompañados polas profesoras do departamento de Bioloxía e Xeoloxía, Ana Bueno e Loli Rego.

 
   
Distribuir contido


by Dr. Radut