Skip to Content

Actividades

Alumnado de 1º Bacharelato de Ciencias visitou a X Feira de Minerais en Santiago de Compostela

Alumnado de 1º Bacharelato A na X edición da Feira de Minerais en Santiago

O alumnado de 1º Bacharelato A realizou unha visita á X edición da Feira de Minerais, a máis grande de España e Portugal, onde puido ollar minerais de diferentes partes do mundo, como amatistas, azabaches ou fósiles. Nesta feira instalada no recinto de Área Central, en Santiago de Compostela, tamén puideron aisitir á charla “Cobalto, la fiebre del oro azul”, impartida polo xornalista de La Vanguardia, Xavier Aldekoa. O xornalista explicoulles como no surleste do Congo, as grandes firmas internacionais e os mineiros artesanais disputan unha batalla desigual polo cobalto, mineral clave para a fabricación das baterías dos coches eléctricos. Foron acompañados polas profesoras Ana Bueno e Bibiana Lorenzo. A actividade foi organizada polo departamento de Bioloxía e Xeoloxía.

Alumnado de 1º Bacharelato A na X edición da Feira de Minerais en Santiago

Alumnado de 1º Bacharelato participou na XV Olimpíada de Xeoloxía: fase galega

Alumnado de 1º Bacharelato Ciencias na XV Olimpíada de Xeoloxía en Santiago

O mércores 7 de febreiro, o alumnado de 1º Bacharelato Ciencias participou na fase autonómica da XV Olimpíada de Xeoloxía. Foi organizada pola AEPECT (Asociación Española para la enseñanza de las Ciencias de la Tierra), a Sociedade Española de Xeoloxía e o Colexio Oficial de Xeólogos. Este evento tivo lugar en Santiago de Compostela, na Facultade de Bioloxía e consistiu nunha proba teórica de 40 preguntas tipo test e unha proba práctica, por equipos. As alumnas participantes foron acompañadas pola profesora de Bioloxía e Xeoloxía, Ana Bueno.

Alumnado de 1º Bacharelato Ciencias na XV Olimpíada de Xeoloxía en Santiago

 

Alumnado de 1º e 2º Bacharelato de Bioloxía asiste a unha conferencia-coloquio sobre Xenética en Mosteiro

Conferencia-coloquio sobre Xenética en Mosteiro a cargo do catedrático Antonio Salas

O alumnado de Bioloxía do 1º e 2º curso de Bacharelato acudiu, o pasado venres 26 de xaneiro, ao Auditorio de Mosteiro (Meis) para asistir a unha interesante conferencia-coloquio "Investigacións en Xenética XEN-COVID, sensoxenoma e outors proxectos", organizada polo Club da Ciencia do CEIP de Mosteiro. A charla foi impartida polo catedrático da Facultade de Medicina da USC e especialista en xenética, Antonio Salas Ellacuriaga, O alumnado aprendeu aspectos relacionados coas investigacións en xenética relacionadas coa covid e o sensoxenoma, entre outras cuestiones. A continuación abriuse un coloquio entre todo o profesorado e alumnado presente. Máis información picando neste enlace.

Conferencia-coloquio arredor da Xenética para alumnado de 1º e 2º Bacharelato Bioloxía

                         Conferencia-coloquio arredor da Xenética para alumnado de 1º e 2º Bacharelato STEMBach

O alumnado de 1º e 2º Bacharelato do STEMBACH realiza unha saída didáctica a INTECMAR

O alumnado de 1º e 2º Bacharelato do STEMBACH realiza unha saída didáctica a INTECMAR

O alumnado de 1º e 2º Bacharelato do STEMBACH realizou o mércores 20 de decembro unha visita ao Instituto Tecnolóxico para o Control do Medio Mariño de Galicia, INTECMAR, en Vilaxoán, Vilagarcia de Arousa. Mesta saída puideron coñecer as actividades que realiza este centro investigador mariño así como algúns dos aparellos que utilizan nos seus análises e investigacións. Foron acompañados polas profesoras Lara García e Ana Bueno.

Distribuir contido


by Dr. Radut