Actividades

Silvia Pérez de 2º Bacharelato na fase nacional da X Olimpíada de Xeoloxía

Ven, 05/04/2019 - 10:15 — IES de Valga

A alumna de 2º Bacharelato Silvia Pérez Vidal participa este fin de semana na X edición da Olimpíada de Xeoloxía que ten lugar, na súa fase nacional, no IES Universidad Laboral de Cáceres. A Olimpiada Española de Xeología é una competición académica centrada nos contidos de Ciencias da Terra e está promovida pola Asociación Española para a Ensinanza das Ciencias da Terra (AEPECT) en colaboración coa Sociedade Xeológica de España (SGE). Silvia Pérez vai participar nesta olimpíada despois de quedar 2ª Clasificada Provincial na sede de Santiago o pasado 13 de febreiro, dentro da fase galega, e cunha participación de arredor de 330 estudantes de 4º de ESO e Bacharelato. Nesta, esperamos que exitosa, experiencia está acompañada pola profesora de Xeoloxía e Bioloxía Ana Bueno. Moita sorte e ánimos dende Valga!!!

Silvia Pérez de 2º Bacharelato segunda na X Olimpíada de Xeoloxía, fase galega

Mér, 13/02/2019 - 21:07 — IES de Valga

a O IES de Valga vén de participar con éxito, hoxe mércores, 13 de febreiro, na X Olimpiada de Xeoloxía, organizada pola AEPECT de Galicia. As probas tiveron lugar na Facultade de Bioloxía. Temos que felicitar a nosa alumna de 2° de Bacharelato Silvia Pérez Vidal por acadar o 2 ° premio individual, pasando deste xeito, á fase nacional, probas que se celebrarán en Cáceres o vindeiro 6 de abril. Parabéns!!! ao alumnado do noso centro participante nesta proba e de xeito moi especial a Silvia e tamén, por suposto, a súa profesora Ana Bueno.

Visita do alumnado de CTMA de 2º Bacharelato a Santiago

Sáb, 09/02/2019 - 00:49 — IES de Valga

O venres 8 de febreiro, o alumnado da materia de Ciencias da Terra e do Medio Ambiente de 2º Bacharelato foi visitar unha planta potabilizadora e unha depuradora de aguas en Santiago, completando esta saída didáctica cun percorrido polo Museo Pedagóxico de Galicia. Foron acompañados polas profesoras do departamento de Bioloxía e Xeoloxía, Ana Bueno e Loli Rego.

Alumnado de 2º Bacharelato participa na XIV Olimpíada de Bioloxía en A Coruña

Dom, 20/01/2019 - 23:40 — IES de Valga

O venres 18 de xaneiro tivo lugar na Facultade de Ciencias da Universidad de A Coruña a fase autonómica da XIV Olimpíada de Bioloxía na que participaron 33 centros de toda Galicia e entre eles o noso Centro, que estivo representado polo alumnado de 2º Bacharelato: Silvia Pérez, Brais Martínez e Santiago Esperón. Foron acompañados polo profesor do Departamento de Bioloxía e Xeoloxía do noso centro, Mario Sosa.

Alumnado de Bacharelato realiza un roteiro xeolóxico polo Salnés e O Grove

Mar, 23/10/2018 - 19:06 — IES de Valga

Alumnado de Bacharelato nun roteiro xeolóxico polo Salnés e O Grove

O martes 23 de outubro o alumnado de 1° e 2° de bacharelato realizou un roteiro xeolóxico polo Salnés e O Grove. Contaron coa guía do afamado xeólogo Fran Canosa. Despois de percorrer pola mañá as praias de Montalvo, Bascuas e Pociñas, á tarde visitaron o mirador de Siradella, no Grove, e as praias de Foxos e A Lanzada. Con esta visita descubriron a orixe e evolución das rochas desta comarca, e gozaron dun día de sol na paisaxe costeira. Foron acompañados pola profesora Ana Bueno e o profesor Mario Sosa. A actividade foi organizada polo departamento de Bioloxía e Xeoloxía.