Na mañá do venres 22 de marzo, o alumnado STEMBach de 1º participou na Facultade de Psicoloxía da USC na Xornada Europea: Unistem Day 2024, o maior evento internacional de divulgación sobre células nai e terapia celular. Co lema "A viaxe interminable da investigación en células nai", o evento incluiu actividades xunto a charlas de docentes e persoal investigador da USC, que abordou temas sobre os últimos avances no terreo das células nai e a terapia celular. Foron acompañados polas profesoras Ana Bueno e Loli Rego. A actividade foi organizada polo departamento de Bioloxía e Xeoloxía.
