O xoves 8 de abril, terá lugar unha nova xuntanza do Club de Lectura de adultos do noso Centro. Será a partir das 16:30 horas, e debido ás actuais circunstancias sanitarias, farase de xeito online. Será este un encontro para conversar sobre a novela Un señor elegante de Suso de Toro, o cal estará connosco nesta xuntanza.
En palabras do responsable do Club de Lectura de adultos do noso Centro, Víctor González:
"Non haberá café, nin doces, nin canapés; non haberá cansazo, tampouco aburrimento... . Non, non se trata dun "after hours" na Ibiza da xente guai, nin moito menos..., nin falta que fai. estamos en Valga, no IES, no club de lectura, e o lecer, a alegría, a ledicia e o sorriso están garantizados.
O 8 de abril, xoves, ás catro e media visítanos, ben certo que dun xeito virtual, Suso de Toro. Para que queremos máis! Falaremos amigablemente sobre o seu libro Un señor elegante. Eu de vós non o perdería.
Non haberá café, nin doces, non pode habelos, pero seguro que pasaredes un anaco agradable e entretido, un bo momento, que, para os tempos que corren, tampouco parece pouca cousa. O enlace é a chave para entrar na sala persoal do Club... ata a cociña. Gardade, por favor, a distancia de seguridade".
Aquí deixamos o enlace para poder asisitir a esta máis que interesante sesión do noso Club de Lectura. Agardamos vosa presenza.
https://eduxunta.webex.com/meet/gonzalezzunigavictor
