Skip to Content

Portal educativo

Distribuir contido
Actualizado: hace 18 horas 40 min

Carmen Pomar reúnese cos directores de centros educativos da provincia da Coruña

Mér, 11/03/2020 - 18:36

Summary: 

Idioma Gallego

A conselleira de Educación, Universidade e Formación Profesional, Carmen Pomar, acompañada do seu equipo directivo, reuniuse esta mañá coas persoas directoras dos centros educativos da provincia da Coruña, co obxectivo de analizar o transcurso do actual curso escolar. Ademais, déuselles resposta ás dubidas arredor da xestión do coronavirus.

Neste senso, explicóuselle aos directores que desde a Consellería se están seguindo estritamente as pautas marcadas polas autoridades sanitarias; e que toda a información é pública e accesible tanto no Portal da Dirección coma no Portal das Familias do web de Educación  (http://www.edu.xunta.gal/portal/familiasealumnado/informacion-coronavirus).

A xuntanza forma parte da ronda de reunións que se está levando a cabo nas catro provincias co fin de manter informadas ás direccións dos centros sobre o actual curso e sobre as novas convocatorias de cara ao próximo curso, así como para que teñan a oportunidade de resolver todas as dúbidas que consideren.

Directores/as Ensinanzas de réxime xeral Ensinanzas de réxime especial Educación das persoas adultas Consellería de Educación, Universidade e Formación Profesional Profesorado Centros
Categorías: Administración

Resolución provisional das listas de interinidades no corpo de PES especialidade de navegación e instalacións mariñas, de sistemas electrónicos, de sistemas electrotécnicos e automáticos e no corpo de PTs, especialidade de equipos electrónicos, de ...

Mér, 11/03/2020 - 15:56
Idioma Gallego

Anuncio principal: 

Apertura das listas de interinidades no corpo de PES especialidade de navegación e instalacións mariñas, de sistemas electrónicos, de sistemas electrotécnicos e automáticos e no corpo de PTs, especialidade de equipos electrónicos, de instalacións....

Resolución do 11 de marzo de 2020 da Dirección Xeral de Centros e Recursos Humanos, pola que se aproba a relación provisional de persoas admitidas e excluídas e o baremo provisional no procedemento para a elaboración das listas de interinidades e substitucións para impartir docencia no corpo de profesores de ensino secundario (590), especialidade de navegación e instalacións mariñas (109), de sistemas electrónicos (124), de sistemas electrotécnicos e automáticos (125) e no corpo de profesores técnicos de formación profesional (591), especialidade de equipos electrónicos (202), de instalacións electrotécnicas (206), de máquinas, servizos e produción (210) e de mecanizado e mantemento de máquinas (211).

  • Prazo de reclamacións 5 días hábiles
     

Servizo relacionado: 

Listas de substitucións

Tema: 

Programas e plans Interinidades e substitucións

Ensinanza: 

Educación secundaria obrigatoria Bacharelato Formación Profesional inicial

Departamento: 

Servizo de Profesorado de Ensinanzas Secundaria, de Formación Profesional e de Réxime Especial

Colectivo: 

Profesorado

Sección: 

Boletín Portada de boletín
Categorías: Administración

Carmen Pomar salienta a importancia da colaboración entre empresas e sistema educativo para a calidade da FP

Mér, 11/03/2020 - 14:04

Summary: 

A conselleira de Educación participou na Xornada de Portas Abertas ás Empresas organizada polo CIFP Someso co gallo do seu 60º aniversario Destacou a alta inserción laboral destas ensinanzas, froito da confianza que o tecido empresarial galego ten nelas Idioma Gallego

A conselleira de Educación, Universidade e Formación Profesional, Carmen Pomar, participou hoxe na Xornada de Portas Abertas ás Empresas organizada polo CIFP Someso co gallo do seu 60 aniversario, onde salientou a importancia da colaboración entre as empresas e o sistema educativo para a calidade das ensinanzas da Formación Profesional, “que sustenta o seu éxito na confianza e no compromiso do tecido empresarial galego”.

Neste sentido a conselleira explicou que a oferta de ciclos formativos en Galicia está estreitamente vinculada coas demandas dos sectores produtivos da nosa comunidade e coa propia evolución da sociedade. “Por iso pode encargarse das demandas de cualificación media e superior na empresa, o que a dota dunha versatilidade moi valorada polos empregadores”, e o que se reflicte tamén nos altos niveis de inserción laboral destas ensinanzas. “A FP caracterízase pola súa calidade, dinamismo, innovación, empregabilidade e un amplo abano de posibilidades para a recualificación profesional e a formación ao longo da vida”, dixo.

Carmen Pomar lembrou que estas ensinanzas proporcionan, ademais, “unha oportunidade única para o crecemento do noso tecido socioeconómico, con profesionais da máis alta cualificación, preparados para dar resposta ás necesidades das empresas”. Neste sentido felicitou ao CIFP Someso por organizar esta xornada, “unha ocasión única para achegar dúas realidades que queremos que estean en permanente contacto, a da formación e a laboral.

A titular do departamento educativo da Xunta quixo tamén dar os parabéns ao CIFP Someso polo seu 60º aniversario e por ser “unha boa proba da calidade e do talento presentes na formación profesional galega”. “A comunidade educativa deste centro –indicou– representa o esforzo e o compromiso precisos para facer posible unha mellora continua no proceso ensino-aprendizaxe, orientado ao desenvolvemento integral do voso alumnado,  contribuíndo a converter a formación profesional nunha porta aberta ao emprego”.

Novas posibilidades de formación

Na xornada celebrada hoxe daranse a coñecer as diferentes experiencias e posibilidades para formar os estudantes de FP de forma transversal entre a empresa e o sistema educativo. Neste aspecto teranse en conta as necesidades tecnolóxicas en constante evolución que precisan novas posibilidades de formación específica e colaboración nos procesos formativos e produtivos das empresas.

Tras os relatorios, que serán impartidos principalmente por docentes do CIFP Someso, os asistentes poderán intercambiar información e realizarán unha visita ao centro para coñecer as súas instalacións e recursos, conducidos polo director, Juan Carlos González Purriños.

Na Xornada participan docentes, alumnado, empresariado, asociacións empresariais, e persoas directoras e orientadoras de IES.

Ampla oferta

O CIFP Someso ofertou este curso máis dunha trintena de ciclos formativos, tanto no réxime ordinario como no modular para adultos –presencial e a distancia– en todos os niveis (FP básica, grao medio e grao superior). O centro está especializado nas familias profesionais de Edificación e obra civil, Fabricación mecánica, Transporte e mantemento de vehículos, Imaxe persoal e de Madeira, moble e cortiza.

Ademais o CIFP sumou este curso á súa oferta catro proxectos de FP Dual, en concreto nos ciclos de grao medio de Soldadura e caldeiraría e de Electromecánica de vehículos automóbiles, e nos de grao superior de Proxectos de edificación e de Estética integral e benestar.

 

Xornadas Formación Profesional inicial Consellería de Educación, Universidade e Formación Profesional Subdirección Xeral de Formación Profesional Profesorado Alumnado Centros Empresas
Categorías: Administración

Carmen Pomar celebra coa comunidade educativa o 20 aniversario do Colexio Rural Agrupado de Valga

Mar, 10/03/2020 - 14:11

Summary: 

A conselleira de Educación visitou tamén o CEIP Plurilingüe de Baño-Xanza Sinalou o centro como un exemplo de que a educación de calidade no rural é unha realidade en Galicia Idioma Gallego

A conselleira de Educación, Universidade e Formación Profesional, Carmen Pomar, celebrou hoxe coa comunidade do Colexio Rural Agrupado (CRA) de Valga o 20 aniversario deste centro, que sinalou como un claro exemplo de que a educación de calidade no rural é unha realidade en Galicia. Neste sentido a titular do departamento educativo felicitou o equipo directivo e docente do CRA polo seu traballo e implicación para facer deste un centro de excelencia.

Entre outras accións que desenvolve este centro, Carmen Pomar destacou que este mesmo curso se incorporou a PlurInfantil, polo que conta cunha auxiliar de conversa, e participa en dúas iniciativas do Plan Proxecta: Centros Activos e Saudables, de promoción destes hábitos; e Proxecto Ríos, para o fomento da conservación dos ecosistemas fluviais.

Así mesmo, o CRA de Valga desenvolve este curso dúas liñas dos contratos-programa. CON-VIVE, liña 4, ten como obxectivo identificar as incidencias relacionadas coa convivencia no seo da comunidade educativa e promover a súa solución e a creación dun bo clima nas aulas. Pola súa banda a liña 7, Mellora do nivel de coñecementos para acadar a excelencia, trata de dar resposta ao alumnado con maior motivación para aprender, á vez que supón unha medida de atención á diversidade na que se desenvolven iniciativas de afondamento nos coñecementos do alumnado.

CEIP Plurilingüe de Baño-Xanza

A conselleira de Educación aproveitou a súa visita a Valga para achegarse ao CEIP Plurilingüe de Baño-Xanza, do que destacou a súa implicación en programas educativos novidosos. Non en balde, este centro participa no proxecto de libro dixital E-Dixgal desde o curso 2014/15 (primeiro ano de funcionamento desta iniciativa), a través do que o alumnado de 5º e 6º de Primaria dispón de manuais electrónicos de balde.

Ademais o centro introduciu o plurilingüismo en Primaria no ano 2014 e está integrado no Plan de Mellora de Bibliotecas Escolares (PLAMBE).

Información xeral Educación infantil Educación primaria Consellería de Educación, Universidade e Formación Profesional Profesorado Alumnado Centros
Categorías: Administración

Educación presenta aos sindicatos a proposta de prazas para catedráticos da oferta pública de emprego docente de 2020

Mar, 10/03/2020 - 13:49

Summary: 

O resto das prazas, ata o total de 3.654, presentáronse nunha mesa sectorial en febreiro Idioma Gallego

A Consellería de Educación, Universidade e Formación Profesional presentoulles hoxe na mesa sectorial do ensino non universitario ás organizacións sindicais a proposta de prazas de catedráticos da oferta pública de emprego (OPE) de 2020, un total de 1.300. Cómpre lembrar que as especialidades do resto das prazas, ata as 3.654 prazas que se convocarán en total, abordáronse na mesa sectorial desenvolvida o pasado mes de febreiro.

En total presentouse unha oferta de 40 especialidades para o acceso ao corpo de catedráticos de Ensino Secundario, de 7 especialidades no corpo de catedráticos de Escolas Oficiais de Idiomas e de 13 do de Artes Plásticas e Deseño. A convocatoria publicarase no Diario Oficial de Galicia nas vindeiras semanas.

Por corpos e especialidades, o número de prazas propostas hoxe aos sindicatos na mesa sectorial distribúese do seguinte xeito:

Catedráticos de Ensino Secundario: 1.232 prazas

 

Corpo de catedráticos de Ensino Secundario

 

Código/especialidade

Acceso reserva persoas con discapacidade

Acceso

xeral

Total

001

Filosofía

3

36

39

002

Grego

---

5

5

003

Latín

1

9

10

004

Lingua Castelá e Literatura

8

103

111

005

Xeografía e Historia

7

90

97

006

Matemáticas

9

123

132

007

Física e Química

4

60

64

008

Bioloxía e Xeoloxía

4

53

57

009

Debuxo

3

38

41

010

Francés

4

48

52

011

Inglés

6

87

93

012

Alemán

---

2

2

016

Música

3

42

45

017

Educación Física

4

61

65

018

Orientación Educativa

3

36

39

019

Tecnoloxía

5

67

72

053

Lingua Galega e Literatura

6

85

91

061

Economía

2

21

23

101

Administración de Empresas

2

22

24

102

Análise e Química Industrial

---

4

4

103

Asesoría e Procesos de Imaxe Persoal

---

4

4

104

Construcións Civís e Edificación

---

3

3

105

Formación e Orientación Laboral

3

33

36

106

Hostalaría e Turismo

1

7

8

107

Informática

2

20

22

108

Intervención Sociocomunitaria

1

9

10

109

Navegacións e Instalacións Mariñas

---

1

1

110

Organización e Xestión Comercial

1

9

10

111

Organización e Procesos de Mantemento de Vehículos

1

9

10

112

Organización e Proxectos de Fabricación Mecánica

1

10

11

113

Organización e Proxectos de Sistemas Enerxéticos

---

5

5

115

Procesos de Produción Agraria

---

4

4

116

Procesos na Industria Alimentaria

---

3

3

117

Procesos Diagnósticos Clínicos e Produtos Ortoprotésicos

---

6

6

118

Procesos Sanitarios

---

6

6

119

Procesos e Medios de Comunicación

---

3

3

122

Procesos e Produtos en Artes Gráficas

---

1

1

123

Procesos e Produtos en Madeira e Moble

---

3

3

124

Sistemas Electrónicos

1

9

10

125

Sistemas Electrotécnicos e Automáticos

1

9

10

TOTAL

86

1.146

1.232

 

Catedráticos de Escolas Oficias de Idiomas: 50 prazas

 

Corpo de catedráticos de Escolas Oficiais de Idiomas

 

Código/especialidade

Acceso reserva persoas con discapacidade

Acceso xeral

Total

001

Alemán

1

6

7

006

Español

---

1

1

008

Francés

1

6

7

009

Galego

---

2

2

011

Inglés

2

24

26

012

Italiano

---

4

4

015

Portugués

---

3

3

TOTAL

4

46

50

 

Catedráticos de Artes Plásticas e Deseño: 18 prazas

 

Corpo de catedráticos de Artes Plásticas e Deseño

Código/especialidade

Acceso reserva persoas con discapacidade

Acceso xeral

Total

502

Conservación e Restauración de Materiais Arqueolóxicos

---

1

1

503

Conservación e Restauración de Obras Escultóricas

---

1

1

504

Conservación e Restauración de Obras Pictóricas

---

 

1

1

507

Debuxo Artístico e Cor

1

1

2

508

Debuxo Técnico

---

1

1

509

Deseño de Interiores

---

2

2

511

Deseño de Produto

---

1

1

512

Deseño Gráfico

---

2

2

515

Fotografía

---

2

2

516

Historia da Arte

---

1

1

521

Medios Audiovisuais

---

1

1

522

Medios Informáticos

---

1

1

525

Volume

---

2

2

TOTAL

1

17

18

 

Oposicións Ensinanzas de réxime xeral Ensinanzas de réxime especial Consellería de Educación, Universidade e Formación Profesional Subdirección Xeral de Recursos Humanos Profesorado
Categorías: Administración

Adxudicación definitiva do concurso de traslados específico para cubrir prazas de xefatura de Departamento de Orientación nos colexios públicos de educación infantil e primaria, de educación primaria e de educación especial

Mar, 10/03/2020 - 12:45
Idioma Gallego

Publicación da adxudicación definitiva do concurso de traslados específico para cubrir prazas de xefatura de departamento de Orientación nos colexios públicos de educación infantil e primaria, de educación primaria e de educación especial.

O persoal funcionario docente do corpo de mestres que acade destino definitivo neste concurso e que estea participando simultaneamente no concurso xeral de traslados publicado pola Orde do 8 de outubro de 2019 ou no concurso de traslados específico para cubrir prazas nos centros específicos de educación e promoción de adultos convocado pola Orde do 13 de novembro de 2019, enténdese que renuncia á participación nos ditos concursos.

Contra a resolución definitiva o persoal interesado poderá interpoñer recurso de reposición no prazo dun mes, contado a partir do día seguinte ao da súa publicación no DOG, segundo o disposto na Lei 39/2015, do procedemento administrativo común.
 

Anuncio principal: 

Concurso de traslados específico entre persoal funcionario docente do corpo de mestres para cubrir prazas de xefatura do departamento de orientación nos colexios públicos de educación infantil e primaria e de educación especial para o ano 2020

Tema: 

Concurso de traslados

Ensinanza: 

Educación infantil Educación primaria

Departamento: 

Servizo de Profesorado de Educación Infantil e Primaria

Colectivo: 

Profesorado
Categorías: Administración

Carmen Pomar asiste á mesa redonda Universitarias, Científicas e Emprendedoras

Lun, 09/03/2020 - 21:30
Idioma Gallego

A conselleira de Educación, Universidade e Formación Profesional, Carmen Pomar, asistiu esta tarde á mesa redonda Universitarias, Científicas e Emprendoras, organizada polo Ateneo de Santiago co gallo do Día Internacional da Muller, e que xirou arredor da situación das mulleres na sociedade e do fomento da igualdade. Neste sentido, e dado o perfil das participantes, afondouse no papel das mulleres como científicas, emprendedoras e investigadoras. 

Moderada pola vicerreitora de Comunicación, Cultura e Servizos da Universidade de Santiago de Compostela (USC), María Mar Lorenzo Moledo, na mesa participaron a catedrática en Farmacoloxía Mabel Loza, a doutora en Química Carme Pampín Casal e Eva López Barrio, técnica de transferencia do coñecemento do Programa Woman Emprende da USC e coordinadora do Proxecto Innovatia 8.3 do Instituto da Muller e para a Igualdade de Oportunidades.

Información xeral Consellería de Educación, Universidade e Formación Profesional
Categorías: Administración

Relación definitiva de persoas admitidas e excluídas e o baremo provisional de interinidades e substitucións para docencia no corpo de PES, especialidade de debuxo, alemán e organización e proxectos de sistemas enerxéticos

Lun, 09/03/2020 - 14:33
Idioma Gallego

Anuncio principal: 

Apertura das listas de interinidades e substitucións no corpo de PES, especialidade de debuxo, alemán e organización e proxectos sistemas enerxéticos; no corpo de PTs de formación profesional, especialidade de cociña e pastelaría e soldadura

Resolución do 9 de marzo de 2020 da Dirección Xeral de Centros e Recursos Humanos, pola que se aproba a relación definitiva de persoas admitidas e excluídas e o baremo definitivo no procedemento para a elaboración das listas de interinidades e substitucións para impartir docencia no corpo de profesores de ensino secundario, especialidadesde debuxo (590009), alemán (590012) e organización e proxectos sistemas enerxéticos (590113).
 

Servizo relacionado: 

Listas de substitucións

Tema: 

Interinidades e substitucións

Ensinanza: 

Educación secundaria obrigatoria Bacharelato Formación Profesional inicial

Departamento: 

Servizo de Profesorado de Ensinanzas Secundaria, de Formación Profesional e de Réxime Especial

Colectivo: 

Profesorado
Categorías: Administración

Carmen Pomar destaca a educación inclusiva como garante da igualdade de oportunidades e da atención á diversidade

Lun, 09/03/2020 - 13:19

Summary: 

A conselleira de Educación presidiu a entrega da primeira edición dos Premios ás Boas Prácticas de Educación Inclusiva Oito centros escolares de toda Galicia foron recoñecidos con estes galardóns, que buscan difundir as boas prácticas de inclusión que levan a cabo nas súas aulas O CEIP Luís Seoane de Oleiros acadou o primeiro premio na modalidade de Infantil e Primaria, mentres que na modalidade de Secundaria recaeu no IES Manuel Murguía de Arteixo Idioma Gallego

A conselleira de Educación, Universidade e Formación Profesional, Carmen Pomar, puxo en valor o modelo galego de educación inclusiva como unha fórmula que garante a igualdade de oportunidades e a atención á diversidade nas aulas, independentemente das condicións e circunstancias de cada alumna e cada alumno.

Así o manifestou esta mañá no CIFP Compostela, durante o acto de entrega dos primeiros Premios ás Boas Prácticas de Educación Inclusiva co que se recoñece o traballo neste eido de oito centros educativos de toda Galicia nas dúas modalidades convocadas, a modalidade A, dirixida a centros de Infantil e Primaria; e a modalidade B dirixida a centros de ESO, Bacharelato e FP Básica.

Ademais de darlle a en hora boa aos galardoados, Carmen Pomar amosou o seu agradecemento ao total de 74 centros presentados a esta convocatoria que foi creada co obxectivo de difundir as boas prácticas de inclusión educativa que se realizan nos centros docentes, e recoñecer o labor, esforzo e compromiso persoal e profesional que, neste sentido, están a realizar os equipos docentes.

A titular de Educación do Goberno galego subliñou que unha das prioridades do seu departamento é “a formación de persoas con valores, capaces de respectar a diversidade e de sacarlle o máximo partido”. Nesta liña, desde a Consellería de Educación estase facendo especial fincapé na formación do profesorado e tamén na implantación dunha práctica educativa “encamiñada a que todo o alumnado acade as metas no seu proceso de aprendizaxe”. “Nesta tarefa é preciso escoitar as familias, o alumnado e os profesionais”, engadiu a conselleira, que avogou por “unir esforzos” no camiño “a unha excelencia na educación a través da diversidade”. 

Centros premiados

Nesta primeira edición dos Premios ás Boas Prácticas Inclusivas, na categoría de centros de Infantil e Primaria (modalidade A), dotado con 5.000 euros, o primeiro premio foi para o CEIP Luís Seoane de Oleiros (A Coruña).

Nesta modalidade de Infantil e Primaria o resto dos galardóns recaeron no CEP Pilar Maestú Sierra da Pobra do Caramiñal (A Coruña), que obtivo o 2º premio (2.500 euros); no CEP de Quiroga (Lugo), co terceiro premio (1.000 euros); e cun accésit (de 500 euros) para o CEIP Gregorio Sanz de Ribadeo (Lugo).

Na categoría de ESO, Bacharelato e FP Básica o primeiro premio -dotado tamén con 5.000 euros- foi para o IES Manuel Murguía de Arteixo (A Coruña).O resto dos galardóns nesta categoría foron para o IES Montecelo (Pontevedra), co 2º premio (2.500 euros); para a EPAPU de Monterroso (Lugo) co 3º premio (1.000 euros); e o accésit (500 euros) para o IES Miguel Ángel González Estévez de Vilagarcía de Arousa (Pontevedra).

Descrición dos proxectos premiados

- CEIP Luís Seoane (Oleiros-A Coruña): O seu proxecto ten como obxectivo a inclusión de todo o alumnado e en especial do alumnado con necesidades educativas especiais, xa que observaron que a súa participación na vida do centro era moi limitada. O desenvolvemento deste proxecto no centro implicou a participación activa e voluntaria do alumnado de 5º e 6º de primaria.

-CEP Pilar Maestu Sierra (A Pobra do Caramiñal-A Coruña): Baixo o título “ A escola que soñamos e soñaremos” basearon o seu bo facer na participación activa das familias, querendo nenos e nenas “felices”. É dicir, unha escola que acolle á diferenza, na que todas as capacidades son benvidas, e que constrúe contornas seguras e acolledoras.

-CEIP de Quiroga (Quiroga-Lugo): O seu proxecto fai fincapé no diálogo e a axuda entre todos os membros que forman parte da súa comunidade educativa como instrumentos favorecedores da inclusión e da convivencia.

-CEIP Gregorio Sanz (Ribadeo-Lugo): O proxecto desenvolve accións que fomentan que todo o alumnado xogue nos tempos de lecer, favorecendo a igualdade de oportunidades e incrementando a responsabilidade e tolerancia a través da figura dos superdinamizadores e das superdinamizadoras (que é o propio alumnado) e con outras accións que teñen por finalidade sensibilizar, visibilizar e normalizar a realidade do centro. Entre elas figura que o alumnado aprenda a lingua de signos española.

-IES Manuel Murguía (Arteixo-A Coruña): Proxecto que ten a música e o cine como fío condutor para a inclusión; desenvolven un proxecto social que fomenta a igualdade e a non discriminación e que sirve para compensar as desigualdades persoais, culturais, económicas e sociais presentes na realidade do centro.

-IES Montecelo (Pontevedra): A ensinanza de formación profesional  básica é a que máis influencia ten sobre a vida do centro, polo que puxeron en práctica un modelo educativo que ten en conta as potencialidades e o benestar emocional do alumnado para favorecer o acceso a novas oportunidades de aprendizaxe que lle permita e facilite o camiño para o acceso ao mundo laboral.

-EPAPU de Monterroso (Monterroso-Lugo): Partindo da súa realidade como centro penal, o seu proxecto céntrase en crear unha contorna de aceptación na que se xeren condutas sociais responsables, solidarias e respectuosas, promovendo a tolerancia, a liberdade, a xustiza, a igualdade entre homes e mulleres e o respecto polos dereitos de todos e todas; colaborando con asociacións sen ánimo de lucro, centros de formación e outros.

-IES Miguel Ángel González Estévez (Vilagarcía de Arousa-Pontevedra): “Marzo sen fronteiras” é un proxecto que se vén desenvolvendo dende o curso 2014-2015 dentro do marco curricular dalgún dos módulos do ciclo superior en Animación de Actividades Físicas e Deportivas e en colaboración co profesorado e alumnado da ESO. Este pretende fomentar a participación na actividade física e o deporte das persoas con discapacidade, favorecendo deste xeito a inclusión social.

Atención á diversidade Premios autonómicos Ensinanzas de réxime xeral Consellería de Educación, Universidade e Formación Profesional Servizo de Inclusión e Orientación Educativa Profesorado Alumnado Centros
Categorías: Administración

Educación convoca o programa EnCANtame ler, a través do que se empregan os cans adestrados para estimular a lectura

Lun, 09/03/2020 - 11:00

Summary: 

Diríxese ao alumnado con necesidades específicas de apoio educativo, polo que tamén se contará coa asistencia dunha persoa psicoterapeuta O prazo de presentación de solicitudes remata o vindeiro día 12 de marzo Idioma Gallego

A Consellería de Educación, Universidade e Formación Profesional acaba de convocar o proxecto EnCANtame Ler, de lectura apoiada por cans, unha iniciativa enmarcada no Plan LÍA 2016/2020 de Bibliotecas Escolares.  O obxectivo é estimular a lectura entre o alumnado con necesidades específicas de apoio educativo, para o que, ademais de cans adestrados, se contará coa asistencia apoio dunha persoa psicoterapeuta especializada.

Poderán participar nesta iniciativa tanto Centros de Educación Especial (CEE) como Centros de Educación Infantil e Primaria Todos eles deberán estar integrados no Plan de Mellora de Bibliotecas Escolares (PLAMBE). Nesta primeira edición do proxecto seleccionaranse 10 centros educativos, que desenvolverán un total de 10 sesións de lectura apoiadas por cans durante este curso 2019/2020.

Os centros interesados deberán presentar a súa solicitude, xunto cun breve proxecto arredor da actividade, a través do correo electrónico asesoria.bibliotecas@edu.xunta.gal. O prazo remata o próximo 12 de marzo.

Cómpre sinalar que a lectura apoiada con cans se emprega en moitos países como método de apoio á aprendizaxe e consolidación da lectura. A través dela procúrase converter o acto de ler nunha actividade lúdica, nun ambiente cálido, onde todo vai a acontecer arredor do can e o alumnado pode estar relaxado e cómodo por non ser o centro de atención. A presenza do can actúa ademais como un elemento motivador, xa que crea un ambiente diferente da clase tradicional e transforma a metodoloxía de ensino, ademais de constituír un “acompañante” que non vai xulgar ao neno e que, polo tanto, lle vai dar maior seguridade. Deste xeito esta experiencia piloto pretende ser unha ferramenta diante das dificultades de aprendizaxe a través do apoio que supón o can.

Coa asistencia da persoa psicoterapeuta, o programa permite ademais mellorar a comunicación verbal e non verbal do alumnado, a súa comprensión lectora e  promover a aprendizaxe cooperativa e a interacción entre os alumnos, co que iso implica ao nivel do manexo emocional.

Atención á diversidade Plan LÍA Bibliotecas escolares Ensinanzas de réxime xeral Consellería de Educación, Universidade e Formación Profesional Subdirección Xeral de Centros Profesorado Alumnado Centros
Categorías: Administración

Regulación das situacións persoais especiais por motivos de saúde da adscrición de forma temporal, en comisión de servizos e por petición da persoa interesada, do persoal dos corpos docentes e do persoal laboral docente

Lun, 09/03/2020 - 10:32
Idioma Gallego

Orde do 28 de febreiro de 2020 pola que se regula a adscrición de forma temporal, en comisión de servizos e por petición da persoa interesada, do persoal funcionario dos corpos docentes e do persoal laboral docente que imparte as ensinanzas reguladas na Lei orgánica 2/2006, do 3 de maio, de educación en centros dependentes desta consellería en atención a situacións persoais especiais por motivos de saúde (código de procedemento ED010B).

  • O prazo de presentación de solicitudes será de dez días hábiles contados a partir do día seguinte ao da publicación da resolución do concurso xeral de traslados no Diario Oficial de Galicia.

 

File: 

Orde do 28 de febreiro de 2020 (DOG)

Tema: 

Comisións de servizo

Ensinanza: 

Ensinanzas de réxime xeral Ensinanzas de réxime especial Educación das persoas adultas

Departamento: 

Servizo de Profesorado de Educación Infantil e Primaria Servizo de Profesorado de Ensinanzas Secundaria, de Formación Profesional e de Réxime Especial

Colectivo: 

Profesorado
Categorías: Administración

Carmen Pomar reúnese cos directores de centros educativos da provincia de Lugo

Ven, 06/03/2020 - 19:33

Summary: 

Idioma Gallego

A conselleira de Educación, Universidade e Formación Profesional, Carmen Pomar, acompañada do seu equipo directivo, reuniuse esta mañá coas persoas directoras dos centros educativos da provincia de Lugo, co obxectivo de analizar o transcurso do actual curso escolar.

Un dos temas abordados na xuntanza foi a xestión do coronavirus. Neste senso, explicóuselle aos directores que desde a Consellería estanse seguindo estritamente as pautas marcadas polas autoridades sanitarias; e que toda a información é pública e accesible tanto no Portal da Dirección coma no Portal das Familias do web de Educación  (http://www.edu.xunta.gal/portal/familiasealumnado/informacion-coronavirus). Ademais, toda esta información manterase permanentemente actualizada segundo se reciban novas indicacións por parte das autoridades sanitarias.

A xuntanza forma parte da ronda de reunións que se está levando a cabo nas catro provincias co fin de manter informadas ás direccións dos centros sobre o actual curso e sobre as novas convocatorias de cara ao próximo curso, así como para que teñan a oportunidade de resolver todas as dúbidas que consideren.

Directores/as Ensinanzas de réxime xeral Ensinanzas de réxime especial Educación das persoas adultas Consellería de Educación, Universidade e Formación Profesional Profesorado Centros
Categorías: Administración

Carmen Pomar participa nun taller interactivo sobre os estereotipos de xénero que organiza o CEIP Paradai (Lugo) con motivo do Día da Muller

Ven, 06/03/2020 - 16:21

Summary: 

A conselleira de Educación compartiu actividade coa actriz Benedita Sánchez, e cun elenco de mulleres profesionais vinculadas a distintos eidos profesionais historicamente masculinos Idioma Gallego

A conselleira de Educación, Universidade e Formación Profesional, Carmen Pomar, participou esta mañá nos actos programados polo CEIP Paradai (Lugo) para conmemorar o Día Internacional da Muller.

Nun taller interactivo co alumnado, Pomar explicou a súa experiencia persoal e profesional desde o cargo que ocupa así como desde a súa traxectoria académica e laboral previa, nun taller interactivo co alumnado do centro enfocado a poñer en valor referentes femininos de distintos campos.

A conselleira compartiu actividade no grupo dirixido ás rapazas e rapaces de 3º, 4º, 5º e 6º de Primaria, no que tamén participaron a actriz Benedicta Sánchez; a subdelegada do Goberno en Lugo, María Isabel Rodríguez; a campiona paraolímpica de atletismo Adiatarou Iglesias; e Irene Cortiñas, a segunda muller de étnia xitana en acadar unha carreira universitaria.

No grupo dirixido a alumnado de Infantil e de 1º e 2º de Primaria participaron Silvia Ribeira (policía), Tania Fente (árbitra de fútbol), Yolanda Álvarez (arqueóloga) e Mercedes Álvarez (mecánica).

Cómpre salientar que ao abeiro da Estratexia Galega para a Educación Dixital (Edudixital) 2020, a Consellería de Educación ten en marcha unha serie de programas que teñen como obxectivo fomentar as competencias STEM (Ciencias, Tecnoloxía, Enxeñaría e Matemáticas) entre o alumnado e, en particular, entre as rapazas, e rachar así coma fenda de xénero que se da nas vocacións tecnolóxicas. Neste ámbito englóbanse iniciativas coma  programas como a implantación do Bacharelato de Excelencia en Ciencias e Tecnoloxía (STEMBach), os Club de Ciencia; a introdución da Robótica en Primaria e ESO ou a Semana STEM.

Información xeral Ensinanzas de réxime xeral Consellería de Educación, Universidade e Formación Profesional Profesorado Alumnado Centros
Categorías: Administración

DigiTalent – Amplíase o prazo de inscricións das Charlas educativas ata o 15 de marzo

Ven, 06/03/2020 - 15:54
Idioma Gallego

Os centros educativos poderán solicitar a inscrición no programa de Charlas educativas ata o próximo 15 de marzo.

As Charlas DigiTalent impartiranse nos centros educativos co obxectivo de mellorar a visión e percepción que o alumnado ten do mundo TIC.  A través da colaboración de grandes empresas do sector, achegarase aos centros educativos a experiencia e proxectos dos profesionais que as conforman, baixo temáticas vinculadas ás novas tendencias dixitais como a Intelixencia Artificial, Blockchain, Ciencia do dato ou a Ciberseguridade, entre outras.

Os centros educativos poderán inscribirse ás charlas nas que estean interesados consultando a listaxe de charlas ofertadas polas empresas colaboradoras e a temática das mesmas, coa finalidade de promover no seu centro o atractivo vocacional das carreiras STEM.

O formulario de inscrición e máis información sobre o programa están dispoñibles na web DigiTalent:

Tema: Ligazóns de intereseColectivo: ProfesoradoAlumnadoCentrosSección: BoletínPortada de boletín
Categorías: Administración

A Consellería de Educación convoca 90 prazas en estadías en empresas para o profesorado de FP, Artes Plásticas e Deseño

Ven, 06/03/2020 - 11:25
Summary: O obxectivo é que os docentes manteñan actualizadas as súas competencias ao tempo que adquiren un coñecemento directo dos procesos produtivos Idioma Gallego

A Consellería de Educación, Universidade e Formación Profesional acaba de convocar 90 prazas para que o profesorado dos corpos e das especialidades vinculadas ás ensinanzas de FP e das Artes Plásticas e o Deseño realicen estadías formativas en empresas ou institucións neste ano 2020. O obxectivo é que os docentes manteñan actualizadas as súas competencias ao tempo que adquiren un coñecemento directo dos procesos produtivos. Toda a información pode consultarse no portal educativo.

A convocatoria contempla dúas modalidades. a primeira delas, a A (20 prazas) correspóndese con estadías formativas nas empresas acollidas a este programa, que se relacionan na propia convocatoria.

A modalidade B, (70 prazas) será para estadías formativas noutras empresas ou institucións con base en tres liñas: B-1 (25 prazas), para Galicia; B-2 (15 prazas), no resto do Estado ou en países da Unión Europea; e B-3 (30 prazas), para as que se realicen en países da Unión Europea e que combinen un período formativo en empresa con formación lingüística nun dos idiomas oficiais do país onde se desenvolvan, favorecendo a mellora da competencia lingüística e comunicativa na linguaxe técnica. Neste último caso, durante a estadía, o profesorado compatibilizará o horario de formación na empresa coa formación lingüística, que terá unha duración mínima de 20 horas e non poderá superar o 50 % da duración total da estadía.

Con carácter xeral, a duración total de cada estadía será como mínimo de 40 horas e como máximo de 160; e poderán realizarse desde o 27 de abril ata o 11 de setembro de 2020 – agás durante o mes de agosto no caso das modalidades A e B-1–.

Solicitudes

O procedemento de solicitude desenvolverase en dúas fases. Na primeira a persoa solicitante iniciará o procedemento de solicitude accedendo, ata o 13 de marzo, á pestana “Convocatorias”da aplicación informática FProfe, indicando a modalidade e a liña de estadía solicitada, e cubrindo os datos requiridos.

Na segunda fase o asesor ou a asesora de formación profesional do centro de formación e recursos (CFR) ou do Centro Autonómico de Formación e Innovación (CAFI) correspondente porase en contacto coa persoa solicitante, co fin de ofrecer orientación e asesoramento na elaboración do proxecto para a realización da estadía así como na formalización da documentación requirida. Para finalizar o procedemento de solicitude, a persoa solicitante disporá ata o 27 de marzo para realizar o proxecto en FProfe  e para presentar unha solicitude na sede electrónica da Xunta de Galicia coa documentación correspondente.

Orzamento

O profesorado seleccionado nas modalidades A e B-1 terá dereito, sempre que a estadía teña lugar fóra do termo municipal da súa residencia habitual ou do seu centro de destino, a unha bolsa de estudos. A contía da bolsa que percibirá por día laboral de asistencia á empresa oscilará en función da distancia á empresa ou institución na que realice a estadía, sen superar a cantidade de 1.300 euros.

No caso das modalidades B-2 e B-3 a bolsa incluirá os gastos de manutención, aloxamento e desprazamento de ida e volta ao lugar de realización da estadía formativa, sen superar os 2.200 euros para a modalidade B-2 e os 3.000 euros para a B-3. Nesta última modalidade poderanse incluír os gastos de matrícula ou inscrición nas actividades lingüísticas.

FormaciónFormación Profesional inicialEnsinanzas profesionais de artes plásticas e deseñoConsellería de Educación, Universidade e Formación ProfesionalServizo de Ordenación e Formación ProfesionalProfesoradoCentros
Categorías: Administración

Probas de acceso a ciclos formativos de grao superior. Listaxes provisionais de inscrición e exencións. Convocatoria 2020

Ven, 06/03/2020 - 10:04
Idioma GallegoPublicadas as listaxes provisionais de persoas admitidas e excluídas e as listaxes de exención para as probas de acceso a ciclos formativos de grao superior.

Período de reclamación: do 9 ao 13 de marzo, ambos os dous incluídos, no centro onde se presentou a solicitude de inscrición.
 

Tema: EscolarizaciónEnsinanza: Formación Profesional inicialDepartamento: Dirección Xeral de Educación, Formación Profesional e Innovación EducativaSubdirección Xeral de Formación ProfesionalServizo de Ordenación e Formación ProfesionalColectivo: AlumnadoFamilias
Categorías: Administración

Carmen Pomar salienta a calidade da formación dos centros galegos de FP de Hostalaría

Xov, 05/03/2020 - 19:56
Summary: A conselleira de Educación participou na entrega de premios do XXI Certame de Cociña e Coctalería José Rodríguez-Moldes Rey, do IES Fraga do EumeDestacou a importancia da colaboración coas empresas para impulsar a innovación e a empregabilidade Idioma Gallego

A conselleira de Educación, Universidade e Formación Profesional, Carmen Pomar, participou hoxe na entrega de premios do XXI Certame de Cociña e Coctalería José Rodríguez-Moldes Rey, do IES Fraga do Eume, un concurso que homenaxea ao profesor do centro que lle dá nome, xa falecido.

Durante a súa intervención a conselleira sinalou este certame como “unha referencia obrigada para os Centros de Hostalaría de Galicia”, que “ pon en valor o traballo excepcional que se leva a cabo nos nosos centros, onde se imparte unha formación de calidade que entre todas e todos traballamos para mellorar”. “Os restauradores que saen dos nosos centros educativos son recoñecidos e solicitados dentro e fóra das nosas fronteiras”, destacou, facendo fincapé na importancia da colaboración con empresas e entidades empresariais, “aproveitando sinerxías para desenvolver proxectos de innovación que desembocan nunha mellora na calidade da formación e na empregabilidade e inserción laboral do alumnado”.

Carmen Pomar valorou tamén a participación neste certame de centros de hostalaría de toda Galicia e norte de Portugal, “coa que se afonda na capacidade de desenvolver proxectos compartidos”; e felicitou o IES Fraga do Eume “polo seu interese por estimular iniciativas como esta, onde os alumnos poden amosar a súa creatividade e os coñecementos adquiridos na súa etapa de formación”.

Na edición deste ano, o alumnado de cociña debeu preparar croquetas de xamón (prato tradicional) e outro con ás de polo como ingrediente principal (prato creativo). No caso da coctelaría, as persoas participantes prepararon un cóctel (receta clásico) e un combinado utilizando Pisco Barsol, de uva Quebranta e zume de laranxa (modalidade creativa).

No concurso participaron alumnas e alumnos de toda Galicia, tanto do propio IES como do CIFP Paseo das Pontes (A Coruña), do CPR Belarmino Fernández Iglesias (Sober), do IES de Foz (Foz), do IES Sanxillao (Lugo), do IES Vilamarín (Ourense), do CIFP Carlos Oroza (Pontevedra), do CIFP Manuel Antonio (Vigo), do CIFP Compostela (Santiago de Compostela), e da Escola de Especialidades Fundamentais da Estación Naval da Graña (Ferrol). Así mesmo, tomaron parte estudantes de Portugal, en concreto da Escola de Hotelaría e Turismo do Douro, da EHT de Coímbra, e da EHT de Viana do Castelo.

Dende hai anos celébrase tamén un concurso de creación de carteis anunciadores do evento, no cal se convida a participar aos centros con ensinanzas de artes gráficas e artísticas. O gañador deste ano foi Jonathan Nogueira Aragunde do IES Leixa.

Un centro de referencia

O IES Fraga do Eume é un referente na impartición das familias de Hostalaría e turismo e Industrias alimentarias, dos que oferta sete ciclos diferentes nos réximes ordinario e modular para adultos.

O centro forma parte, ademais, da Rede galega de Formación Profesional de Hostalaría de Galicia, un espazo para a innovación e o intercambio de experiencias que favorece o impulso dun sector clave para a economía de Galicia. A Rede busca, neste sentido, dotar o sector de capital humano cualificado, como estratexia para acadar o liderado nacional e internacional.

A Rede integra os oito centros públicos dependentes da Consellería de Educación, Universidade e Formación Profesional desta especialidade formativa, en concreto os CIFPs Paseo das Pontes (A Coruña), Compostela (Santiago de Compostela), Carlos Oroza (Pontevedra) e Manuel Antonio (Vigo); ademais dos IES Fraga do Eume (Pontedeume), de Foz (Foz), Sanxillao (Lugo), e de Vilamarín (Vilamarín)

O traballo da Rede busca un maior achegamento da formación e unha maior transferencia de coñecemento desde o centro á empresa, o que redundará nunha mellor resposta ás demandas do sector; impulsar os proxectos de innovación e o intercambios de experiencias empresariais e profesionais.

Premios autonómicosFormación Profesional inicialHostalaría e turismoConsellería de Educación, Universidade e Formación ProfesionalProfesoradoAlumnadoCentros
Categorías: Administración

Representantes de 8 Comunidades Autónomas afondan en Santiago sobre a aplicación do programa Educación Responsable

Xov, 05/03/2020 - 17:45
Summary: Trátase dun proxecto de aplicación didáctica de recursos de educación emocional, social e creativa dirixida a alumnado de entre 3 e 16 anos, que en Galicia chega a 8.800 escolares e uns 700 docentes Idioma Gallego

Os coordinadores do programa Educación Responsable de 8 comunidades autónomas, entre elas Galicia, reúnense estes días en Santiago de Compostela para afondar na implantación desta acción educativa de desenvolvemento da educación emocional, social e da creatividade impulsada pola Consellería de Educación, Universidade e Formación Profesional en colaboración coa Fundación Botín.

Deste xeito, entre hoxe e mañá os asistentes -coordinadores do programa nas distintas CCAA- compartirán experiencias sobre o desenvolvemento e debaterán propostas de mellora desta iniciativa.

A conselleira de Educación, Universidade e Formación Profesional, Carmen Pomar, achegouse ao encontro para saudar aos asistentes a quen agradeceu a colaboración e coordinación mutua que están levando a cabo nun programa que axuda ao alumnado “a tomar decisións, a enfrontar obstáculos e a ser resiliente”. Pomar subliñou que no actual panorama onde a esixencia de coñecementos e destrezas está en permanente cambio, é necesario facilitarlles aos rapaces ferramentas que lles permitan desenvolver habilidades como “a flexibilidade, a capacidade de comunicación ou a creatividade”.

Galicia incorporouse por primeira vez a Educación Responsable: programa para o desenvolvemento da educación emocional, social e da creatividade, no curso 2014-15 coa participación inicial de 7 centros educativos; e no actual curso escolar son xa 52 os centros participantes (18 deles de nova incorporación este ano).

Por tanto, a día de hoxe o programa chega a 8.800 alumnos das etapas de Infantil, Primaria, educación secundaria obrigatoria (ESO) e formación profesional básica (FP básica) e a arredor de 700 profesores formados ou en formación.

Esta iniciativa consiste en incorporar á aula -traballando nas distintas áreas curriculares- unha serie de recursos de educación emocional, social e creativa co obxectivo de promover o desenvolvemento saudable do alumnado, a partir do traballo co profesorado, co alumnado e coas familias; e contribuír á mellora do clima de convivencia no centro docente e ao éxito escolar.

Ademais de Galicia, forman parte deste proxecto as CCAA de Cantabria, Madrid, A Rioxa, Navarra, Murcia, Castela e León, Valencia e Aragón; e outros países coma Uruguai, Chile e México.

Información xeralConsellería de Educación, Universidade e Formación ProfesionalProfesoradoAlumnadoCentros
Categorías: Administración

Resolución da convocatoria do concurso para elaborar a exposición sobre o autor homenaxeado o Día das Letras Galegas 2020, Ricardo Carvalho Calero

Xov, 05/03/2020 - 11:00
Idioma GallegoAnuncio principal: Convocatoria do concurso para elaborar a exposición sobre o autor homenaxeado o Día das Letras Galegas 2020

A Secretaría Xeral de Política Lingüística e a Dirección Xeral de Educación, Formación Profesional e Innovación Educativa convocaron un concurso para elaborar unha exposición sobre a obra, a época e a lingua do autor homenaxeado no Día das Letras Galegas 2020 –Ricardo Carvalho Calero– e/ou sobre a situación sociolingüística da etapa histórica na que este viviu.

Logo de finalizar o prazo de presentación de orixinais e de se reunir a Comisión de Selección, publícase a resolución cos centros gañadores do concurso-exposición.

O traballo gañador do concurso na categoría A (educación infantil e primaria) foi a exposición Recordando Carvalho Calero, elaborada polo CEIP Xesús San Luís Romero de Carballo (A Coruña), que recibirá o premio establecido na base 4.

O traballo gañador do concurso na categoría B (educación secundaria obrigatoria, bacharelato, formación profesional e ensinanzas de réxime especial) foi a exposición Unha vida polo galego, elaborada polo IES Ferrol Vello, de Ferrol (A Coruña), que recibirá o premio establecido na base 4.

O xurado acordou concederlle o premio da categoría A ao traballo co lema Recordando Carvalho Calero, do CEIP Xesús San Luís Romero de Carballo (A Coruña), por combinar da forma máis axeitada a beleza estética, a calidade da lingua e o recurso ás tecnoloxías da información e da comunicación máis innovadoras (como a realidade aumentada), coa finalidade de difundir a figura do autor homenaxeado entre o público máis novo, incluído o que presenta necesidades específicas de apoio educativo, e por estar pensado ata nos menores detalles para dar a coñecer a súa vida, obra e época.

Así mesmo, determinou concederlle o premio da categoría B ao traballo co lema Unha vida polo galego por conseguir plasmar a vida, obra e época de don Ricardo Carvalho Calero nun conxunto harmonioso de carteis nos que son de salientar a modernidade e a acertada selección da información, alén da súa unidade, acadada mediante a recorrencia de imaxes do autor, do seu barrio natal, o Ferrol Vello, e do veleiro como símbolo da súa singradura vital.

Tema: Premios autonómicosLingua galegaEnsinanza: Ensinanzas de réxime xeralDepartamento: Dirección Xeral de Educación, Formación Profesional e Innovación EducativaColectivo: ProfesoradoAlumnadoCentros
Categorías: Administración

Premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da formación profesional. Relación de proxectos presentados. Convocatoria 2020

Mér, 04/03/2020 - 17:00
Idioma GallegoPublicada a listaxe de proxectos de innovación presentados á convocatoria da Resolución do 20 de novembro de 2019 da Dirección Xeral de Educación, Formación Profesional e Innovación Educativa pola que se convocan premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da formación profesional en centros públicos dependentes da Consellería de Educación, Universidade e Formación Profesional.

O prazo de presentación da documentación requirida será do 5 ao 9 de marzo de 2020, ambos os dous incluídos.

Tema: Premios autonómicosEnsinanza: Formación Profesional inicialDepartamento: Dirección Xeral de Educación, Formación Profesional e Innovación EducativaSubdirección Xeral de Formación ProfesionalServizo de Orientación Profesional e Relación con EmpresasColectivo: ProfesoradoCentros
Categorías: Administración


by Dr. Radut