ANPA Milla |
ANPA do IES do Milladoiro, Anpamilla Asociación de nais e pais constituída en 2013. Contacto: Tel.: 722 38 35 46 Correo: anpadoiesdomilladoiro@gmail.com Máis datos e información na páxina web
|
|||
Baixo o título do "reto do TDAH" desenvolveuse o venres, 26 de maio, ás 18:00 h no salón de actos do IES do Milladoiro a charla protagonizada por Anxo Carracedo Álvarez, organizada pola vicedirección do centro ca colaboración da ANPA do IES do Milladoiro, Anpa Milla, Ademais de catedrático de Medicina Legal da Universidade de Santiago de Compostela, membro da Real Academia Galega de Ciencias, director da Fundación Pública Galega de Medicina Xenómica. Carracedo leva xa unha ampla andaina na posta en valor e recoñecemento da importancia do axeitado tratamento do TDAH, grazas a súa labor como presidente da Fundación Ingada. Carracedo iniciou a súa charla situándoa dende o inicio, no momento en que xunto a vida, xurde a diversidade. Para o científico galego a diversidade sempre é un elemento valioso e necesario, pero no momento en que fai sufrir a un ou ao entorno dos seres máis próximos, pasa a situarse no campo do trastorno. Este é o caso do TDAH, nos que algúns das súas compoñentes poden plantexar problemas, especialmente nuns ámbitos como os dos sistemas educativos actuais, nos que a competitividade, a aprendizaxe memorística ou a rixidez poden supoñer un obstaculo no alumnado destas características. El mesmo sitúa a súa experiencia de vida como un exemplo deste obstáculo: o seu primeiro transito na ensinanza non sufriu estas barreiras grazas a súa orixe rural e o estudo na súa casa. ata que tivo que enfrentarse a un sistema que non perdonou unha lóxica resposta da ubicación de Compostela entre o Tambre e o Ulla, baseada na súa experinecia visual dun mapa de España que ollaba a miudo, en vez de dar a resposta oficial da situación da cidade entre o Sar e o Sarela. Pero nese momento el tivo un apoio decisivo: O da súa familia que premiou o esforzo, poñendoo por encima dun valor numérico de cualificación. Para Carracedo, o TDAH, leva aparellado aspectos positivos como a creatividade ou o dinamismo, pero como trastorno pode plantexar importantes complicacións, destacando especialmente as derivadas da impulsividade. A medicación pode ser, neste sentido unha axuda e elemento moi positivo que permite unha importante mellora da calidade de vida e o benestar deste e outros trastornos, aspecto este último que el mesmo viviu no ámbito familiar máis próximo. Inflúe a xenética, pero tamén o ambente e este último aspecto pode dar resposta, por exemplo, ao por que hai unha maior prevalencia do trastorno nuns ámbitos xeográficos frente a outros. Neste punto, Carracedo destacou a importancia do sistema educativo e a necesidade de impulsar o seu cambio, apostando pola aprendizaxe significativa e a ensinanza de valores, frente as actuais esixencias memorísticas e de contidos.
Como bo TDAH, Carracedo non parou de moverse a amosar a súa inquietude a nosa comunidade educativa, respondendo a preguntas e entablando un dialogo espontaneo e cheo de emoción. A todos nos deixou abraidados co seu vitalismo e xenerosidade, compartindo con todos nos o seu coñecemento e experiencia vital de vida.
Deixamos finalmente as ligazóns aos seguintes recursos aos que podemos acceder todos, grazas á Fundación Ingada da que el é presidente e impulsor. TDAH. GUÍA DE APOYO AL ESTUDIO EL ALUMNADO CON TDAH EN LA UNIVERSIDAD GUÍA DE ASESORAMIENTO FAMILIAR MATERIAL DIDÁCTICO FUNDACIÓN INGADA ABORDAJE DEL TDAH EN EL ÁMBITO EDUCATIVO. FUNDACIÓN INGADA PARA EL IES DO MILLADOIRO
Esta charla foi obxecto de atención por parte dos medios de comunicación. Amosamos, a continuación, ligazóns a artigos de varios medios, adicados á mesma:
|
|||
Da man da ANPA do IES do Milladoiro, ANPA Milla. ca colaboración de vicedirección e o Concello de Ames, regresou ao noso centro unha actividade, detida ca chegada da pandemia da COVID 19: Construíndo o meu camiño. Nesta terceira edición contouse ca colaboración de familias, profesorado, institucións e profesionais que puxeron o mellor de eles para ensinar distintas vías profesionais e de futuro a nosa comunidade educativa,
A actividade amosouse ao alumnado de 4º ESO e Bacharelato en horario de mañá e aos restantes membros da comunidade educativa, pola tarde.
Retomouse, en definitiva, "Construíndo o meu camiño" da man da súa terceira edición. Só nos queda esperar que a aceptación e o exito que rexistró na seu retorno, se manteña nos vindeiros cursos.
|
|||||||||
ANPA DO IES DO MILLADOIRO ANPA MILLA VICEDIRECCIÓN CONCELLO DE AMES Actividade ca presenza de asesores de universidades públicas galegas e outras universidades privadas, profesorado, centros de formación, destinada a entrevistas con profesionais e asesores e atención de dúbidas relacionadas coa vocación e opcións de futuro profesional para o alumnado XORNADA DE MAÑÁ 12:30-14:30. ALUMNADO DO IES DO MILLADOIRO DE 4º ESO E BACHARELATO XORNADA DE TARDE 16:00-18:30. ABERTA A FAMILIAS , ALUMNADO
|
|||||||||
O luns, 20 de marzo, en "espazos para a reflexión", a escola de nais e pais da ANPA do IES do Milladoiro, ANPA Milla, en colaboración co Concello de Ames, se desenvolverá un dos temas de mís actualidade e preocupación no relativo á sitaución da adolescencia: ciberseguridade. Da man do inxeñeiro de telecomunicacións, Carlos Outes Durán, se intentará orientar as familais sobre os riscos relacionados co emprego das TIC e as redes sociais, así como proporcionar instrumentos e recursos en materia de ciberseguridade. Como sinalamos antes. a actividades de desenvolverá no IES do Milladoiro, o luns, 20 de marzo, ás 19:00 h |
|||
Novamente en "espazos para a reflexión", a escola de nais e pais da Anpa do IES do Milladoiro, ANPA Milla, realizada en colaboración co Concello de Ames, volve a centrarse no tema da atención á diversidade e nesta ocasión, cun carácter xeral e da man de Inés María Quero Petit, desenvolvendo unha xornada informativa sobre alumnado con necesidades educativas especiais e as medidas de atención e intervención que requiren.. A actividade desenvolverase no IES do Milladoiro, o luns, 6 de marzo ás 19:00 h. |
|||
Apreciadas familias:
Este ano a Anpa colabora co equipo de Convivencia Positiva, Departamentos de E.F, Música, Francés, EDLG, Biblioteca, Comisión de Igualdade e o Concello para a organización do entroido intercultural que se celebrará o vindeiro venres día 17 de febreiro no centro. Pedimos a vosa colaboración aportando doces para que os alumnos degusten ese día. Poden ser orellas, filloas, biscoitos, rosquillas o que se vos pase pola mente. Os doces entregaranse na entrada principal a persoa que estará alí encargada de recollelos. Poden levalos os alumnos antes de entrar na clase ou ben traelos vos en calquera momento da mañá ata as 12:00 que será cando montemos as mesas. Tamén precisamos mans que nos axuden a montar e recoller logo as mesas é para o reparto dos doces. Non esquecedes que estamos en carnaval e a diversión está garantida polo que podedes vir disfrazados. Una vez máis agradecer a vosa colaboración porque sen vos, non sería o mesmo. Para calquera dúbida, escribirnos ao teléfono ou correo da Anpa.
Saudos.
|
|||
"Espazos para a reflexión", a escola de nais e pais de ANPA Milla, en colaboración co Concello de Ames, continua a súa actividade no mes de febreiro de 2023 co desenvolvemento de dous interesantísmos temas: a xestión de conflitos (luns, 14 de febreiro, a partir das 17:00 h) e os camiños da sexualidade (luns, 27 de febreiro, a partir das 17:00 h) a cargo da educadora social, Rebeca González. Non os perdades estas actividades que se desenvolverán no IES do Milladoiro. |
|||
"Espazos para a reflexión", a escola de nais e pais da Anpa do IES do Milladoiro, Anpa Milla, en colaboración co Concello de Ames, inicia a súa andaina no 2023 cunha primeira actividade adicada ao TDAH, un dos temas de máis trascendencia na atención a diversidade no ámbito educativo. Para contarase ca presenza dunha das institucións de máis prestixio e recoñecemento no país no relativo a este tema. Trátase da Fundación Ingada (Instituto Galego do TDAH e trastornos asociados) que desenvolverá o mércores, 8 de febreiro, a partir das 19:00 h unha xornada informativa no IES do Milladoiro |
|||
Baixo o nome de "espazos para a reflexión" a ANPA do IES do Milladoiro, Anpa Milla, coa colaboración do Concello de Ames, inicia neste curso unha escola de nais e pais na que se tratarán distintos aspectos e temas de interese para a comunidade educativa e as familias. As primeiras actividades, para desenvolver no mes de febreiro no IES do Milladoiro son: Mércores, 8 de febreiro, a partir das 19.00 h. Xornada informativa sobre o TDAH. Realizada polas psicólogas da fundación Ingada, Sara Martín e Carmen Tomas. Luns, 13 de febreiro, a partir das 17.00 h. Xestión de conflitos. Realizada pola Educadora Social Rebeca González. Luns, 27 de febreiro, a partir das 17.00 h. Os camiños da sexualidade. Realizada pola Educadora Social Rebeca González.
|
|||
A ANPA informa que dende o Concello invitan a participar ao alumnado do IES do Milladoiro na cabalgata de reis do 5 de xaneiro. Os representantes acompañarán aos reis nas carrozas dende as 16:15 ata o remate no Pavillón municipal. Escolleranse 2 representantes por nivel ao chou , quedando o segundo como reserva. PARTICIPANTES: En todas as aulas hai una folla para anotarse que será retirada o martes 20 no primeiro recreo. O sorteo será público o 21 de decembro no salón de actos ás 10:45. A ANPA do IES do Milladoiro agradece de antemán a colaboración do alumnado e espera que eses rapaces e rapazas desfruten da xornada. |
|||
O día 8 de novembro pola tarde a Anpa organiza un magosto no IES dirixido a todo o alumnado do centro. Pedimos a colaboración das familias para quen poida achegar ese día algún doce. Ademais disto, os nenos desfrutarán de castañas e bebidas. Rógase que as familias que poidan aportar algún doce manden unha mensaxe ao teléfono da Anpa 722 38 35 46, co fin de organizar todo. Os doces entregaranse o mesmo día no horario de 15:00 a 16:00 no centro.
Tamén precisamos de mans voluntarias que nos axuden na montaxe dos taboeiros e na distribución dos alimentos nos lugares correspondentes, así como para despois axudar na súa retirada. Moitas grazas pola vosa colaboración. |
|||
A Anpa do IES do Milladoiro pon en marcha unha actividade de inglés para todo o alumnado do centro. A actividade dará comezo o día 5 de outubro e será impartida todos os mércores en horario de 16:30 a 17:30 no centro. En caso de necesidade por aumento de peticións, poderíase abrir unha segunda clase en horario de 17:30 a 18:30, e serían agrupados os alumnos segundo o curso. Prazo de matriculación, do 19 ao 30 de setembro. Recoméndase para o alumnado que solicitou a participación nas probas oficiais de idiomas convocadas pola Xunta de Galicia. Para máis información contáctese no teléfono 722383546 ou no correo anpadoiesdomilladoiro@gmail.com. |
|||
As datas de recollida dos libros prestados pola ANPA do IES do Milladoiro, ANPAMILLA, serán as seguintes:
O horario, en todos os casos, será de 16:30 a 18:30 horas, no corredor do piso intermedio do centro, situado xunto ó local da ANPA. |
|||
A ANPA do IES do Milladoiro quere ofrecer a todo o alumnado a posibilidade de asistir á actividade extraescolar de INGLÉS. O prazo para formalizar a incrición nesta actividade remata o 11 de febreiro. Débese presentar o impreso debidamente cuberto, e pódese enviar por correo electrónico a anpadoiesdomilladoiro@gmail.com ou deixalo na caixa de correos da Anpa no IES. As clases serán os mércores de 16:30 a 17:30 e de 17:35 a 18:35 (este último horario dependerá do nivel/alumnos que se presenten), e comenzarán o 16 de febreiro para rematar o 25 de maio (1 hora semanal). Para máis información: Tel. 722383546, correo electrónico anpadoiesdomilladoiro@gmail.com ou páxina web da ANPA Aínda que o curso escolar está xa moi avanzado esperamos que esta información sexa de interese. |
|||
A ANPA organiza durante este trimestre un obradoiro sobre habilidades comunicativas destinado de forma preferente ao alumnado de ESO. Terá lugar os luns de 16.30 a 18 h. e dará comenzo o día 13 de xaneiro. |
|||
A ANPAMilla, en colaboración co centro, organiza uns obradoiros para o alumnado de 4º ESO e Bacharelato. O alumnado interesado debe anotarse ata o xoves 16 de maio en Vicedirección. |
|||
|
|||
Anpa IES do Milladoiro "Anpa Milla" organiza a segunda sesión da reunión faladoiro "Adolescencia... A sexualidade como proceso integrado no crecer". Será ás 17:30 do mércores 16 de xaneiro no IES do Milladoiro. |
|||
A ANPA Milla invita as familias do alumnado de 4º de ESO e 1º de Bacharelato a unha reunión informativa sobre o "Protocolo educativo para garantir a igualdade, a non discriminación e a liberdade de identidade de xénero" o martes 18 de decembro ás 19:30 no salón de actos do IES do Milladoiro. |
|||
|
|||
No mes de outubro comezamos coas actividades extraescolares, oferta que completamos coa actividade de DESEÑO DE CÓMIC, que presentamos agora e que comenzará en novembro. Tamén podedes inscribiros aínda na actividade de baile moderno, na que quedan prazas dispoñibles.
|
|||
Na asemblea xeral ordinaria do 25 de setembro do 2018 nomeouse á seguinte xunta directiva:
Presidenta: Beatriz Martínez Domínguez
Vicepresidenta: M.ª Ángeles Domínguez Diéguez
Secretaria: María Caldelas Valdés
Tesoreira: Marina Castro Cerceda
Vogais:
Mar Marful Formoso
Montserrat Montes Núñez
Ana González Couto
Cristina Viña Rey
Laura Marina Castro Inostroza
Carmen Calviño Miramontes
Begoña Chico Pallas
Natalia Gómez Bayón
|
|||
A xunta directva da Anpa do IES do Milladoiro-"Anpamilla", convoca a asemblea xeral ordinaria, cos seguintes puntos na orde do día:
1.- Lectura e aprobación, se procede, da acta da sesión anterior.
2.- Informe da presidenta.
3.- Estado de contas.
4.- Rogos e preguntas.
5.- Renovación da xunta directiva.
DÍA: Martes 25 de setembro.
LUGAR: Salón de actos do IES.
HORA: 19:00h en primeira convocatoria, 19:30h en segunda convocatoria.
A asemblea e aberta a todas as familias.
Agardamos a vosa presenza.
|
|||
Información da Anpa do IES do Milladoiro-AnpaMilla:
O 14/9/18 saen publicadas as listas de libros da Xunta onde se indican os libros das materias que lle corresponden a cada alumno.
Os días 17 e 18 de setembro en horario de 17:00h a 19:00h estaremos no IES para que poidades entregar libros e solicitar libros para o vindeiro curso.
|
|||
A recollida de libros prestados pola Anpa Milla será nas seguintes datas: RECOLLIDA XUÑO:
26/6/18 desde as 17:00 ata 19:00
27/6/18 desde as 17:00 ata 19:00.
RECOLLIDA SETEMBRO: POR DETERMINAR.
ENTREGA DE LIBROS PARA O CURSO 2018/2019:
Despois da publicación en setembro das listas da Xunta nas que conste que libros do seu FONDO LIBROS corresponden a cada alumno ou alumna, ANPA Milla realizará a entrega dos seus libros.
|
|||
A iniciativa da Anpa do IES do Milladoiro, AnpaMilla, "Construíndo o meu camiño" acadou un grande éxito ao poñer en contacto o noso alumnado con profesionais de moi diferentes áreas. Agardamos continuar colaborando para darlle continuidade nos vindeiros cursos! Na prensa: La Voz de Galicia (1), La Voz de Galicia (2), El Correo Gallego (1) , El Correo Gallego (2)
|
|||
A Anpa do IES do Milladoiro Anpamilla, en colaboración co Departamento de Orientación do centro, organiza o 1º encontro "CONSTRUÍNDO O MEU CAMIÑO", que terá lugar o próximo 8 de febreiro. O obxectivo desta actividade é poñer en contacto o alumnado de bacharelato con profesionais que lles poidan falar da súa vocación, dos seus estudos e do camiño da súa profesión. |
|||
Presidenta: Beatriz Martínez Domínguez Vicepresidenta: M.ª Ángeles Domínguez Diéguez Secretaria: Carmen Calviño Miramontes Tesoureiro: Vicente Pose Souto Vogais: María Caldelas Valdés Marina Castro Cerceda Begoña Chico Pallas Natalia Gómez Bayón Ana M.ª Guisamonde Suárez Fco. Javier Gómez Suárez Ana González Couto |
|||
