Orientación

Departamento de Orientación

Profesorado 2022/23  

Plan de

orientación

                   
         

Raquel Fernández Formoso (P. T.)

M.ª Carmen Garabal Gómez (xef. dep.)  

       

Bolsas. Alumnado con necesidades específicas de apoio educativo

Convocatoria de bolsas para alumnado con necesidades específicas de apoio educativo.

Dirixidas a alumnado que presenta unha necesidade específica de recibir apoio educativo derivado de algunha das seguintes situacións:

  • Discapacidade.
  • Altas capacidades 
  • Trastornos de espectro autista
  • Trastornos da conduta ou da comunicación e a linguaxe.

Pódense pedir para os seguintes niveis non universitarios:

 

Máis información

 

Acceso ao Servizo Online

 

Descarga da Resolución de 13 de maio de 2022 pola que se convocan axudas para alumnado con necesidades específicas de apoio educativo

 

INFORMACIÓN NO DEPARTAMENTO DE ORIENTACIÓN

 

 

Talleres de Orientación e identidade vocacional

Día Internacional do Pobo Xitano no IES do Milladoiro

No IES do Milladoiro celebramos o venres, 8 de abril, o Día Internacional do Pobo Xitano cunha celebración musical que veu precedida pola exposición de carteis conmemorativos e a lectura dun manifesto, que podedes escoitar e ver no seguinte vídeo:

Día Internacional do Pobo xitano

O 8 de abril celébrase o día internacional do Pobo Xitano. É unha data importante para nós porque o 8 de abril de 1971 recoñeceuse por primeira vez a nosa identidade como pobo. Si, hai tan só 50 anos que a nosa lingua, historia e cultura xitanas se respectan oficialmente. Desde entón temos bandeira e mesmo himno. 

Os xitanos españois somos de etnia romaní, procedente do Noroeste da India, desde onde os nosos antepasados emigraron ata establecerse en España hai máis de 600 anos. O que nos mantén unidos é en primeiro lugar o noso peculiar idioma romaní, que se transmitiu oralmente de xeración en xeración xunto cun conxunto de tradicións e costumes presididas pola alegría de vivir que nos caracteriza e diferenza. Adoitamos estar sempre xuntos, formando unha gran familia na que compartimos case todo. Non perdemos a oportunidade de gozar da vida bailando e cantando.

Sabías que somos a minoría étnica máis numerosa e discriminada de Europa e a máis antiga de España?, e a máis rexeitada polo resto da poboación por mor dos estereotipos que tenden a asociarnos con actividades delituosas. O 90% somos xente normal, igual que vós. Só se coñecen determinados aspectos superficiais da nosa vida cotiá esaxerados que xeran rexeitamento e discriminación. Pero, moito máis alá dos tópicos, tamén hai xitanos avogados ou políticos.

Queremos que coñezades a situación para que nos axudedes a cambiala. Non nos incluades nese 10% de delincuentes porque non todos somos iguais, nós somos xitanos de ben. Pénsao, a ninguén se lle ocorrería xulgarte por algún delincuente que poida haber na túa familia ou que viva no teu barrio. Pois isto mesmo pedimos nós.

O noso pobo leva séculos sendo vítima de racismo, discriminado e marxinado ata o punto de que a palabra “xitano” utilízase para descualificar a alguén pola súa orixe ou pola cor da súa pel. Incluso o dicionario da Real Academia Española define o termo xitano como "trapacero". Vivímolo na nosa pel a diario e en todos os ámbitos. Van sendo horas de desterrar estas ideas e terminoloxía que tanto nos fai sufrir. Imaxínaste como nos sentimos cando nos dixeron “ti acabarás de delincuente ou como moito vendendo no mercadiño".

Pedimos a vosa colaboración para que isto comece a cambiar. E, finalmente, para acabar con alegría queremos que nos acompañedes cantando e bailando.

 

 

SINATURA DE CONVENIO DE COLABORACIÓN CON SECRETARIADO XITANO

No marco do programa Quéda-t, tivo lugar a sinatura do convenio de colaboración ca Fundación Secretariado Xitano, que leva tempo vinculada con nós, a través da súa presenza na rede do IES do Milladoiro. 

Co convenio entre o noso centro e esta asociación, preténdese desenvolver o "programa Promociona", que intenta obter taxas máis altas de éxito escolar na ESO, promover a continuidade de estudos postobrigatorios e reducir o abandono escolar temperán. Para iso desenvolveranse actuacións co alumnado, familias, centro escolar  e outros axentes, a través do traballo do orientador educativo do programa, Pablo Méndez Trigo.  Dende o centro esperamos que esta iniciativa supoña un paso máis no desenvolvemento de iniciativas e actividades  da Asociación Secretariado Xitano no Milladoiro.

BOLSAS. ALUMNADO CON NECESIDADES ESPECÍFICAS APOIO EDUCATIVO. FP, BACHARELATO E OUTROS ESTUDOS NON UNIVERSITARIOS

BOLSAS E AXUDAS: ALUMNADO CON NECESIDADES ESPECÍFICAS DE APOIO EDUCATIVO

ENLACE Á INFORMACIÓN DO MINISTERIO DE EDUCACIÓN E FORMACIÓN PROFESIONAL

 

BOLSAS E AXUDAS: FP, BACHARELATO E OUTROS ESTUDOS NON UNIVERSITARIOS

ENLACE Á INFORMACIÓN DO MINISTERIO DE EDUCACIÓN E FORMACIÓN PROFESIONAL

Oferta de graos universitarios en Galicia curso 2020-2021

No Anexo podedes consultar a oferta actualizada de graos nas tres universidades de Galicia: UVIGO, USC, UDC.

Anexo: oferta de graos universitarios en Galicia curso 2020-2021

 

 

Oferta FP Dual

Dende a Rede Galega de Dinamización da FP Dual queren chegar ao alumnado que aínda quedan prazas libres para os novos ciclos que se ofertan na modalidade de FP Dual o próximo curso. Por isto, achégase no Anexo o resumo da oferta prevista na provincia de A Coruña. No mes de Setembro, volvería abrirse un novo proceso de selección se quedasen prazas dispoñibles.

Anexo:Oferta FP DUAL prevista 2020 provincia A Coruña

Calendario de admisión a ciclos. Curso 2020/21

Para todos aqueles que esteades interesados en facer un ciclo formativo para o seguinte curso, no Anexo atoparedes  o calendario de admisión a ciclos formativos para o curso 2020/21.

Ademais na seguinte ligazón tedes toda a información xeral de admisión a ciclos http://www.edu.xunta.gal/fp/informacion-xeral .

Guía de estudos superiores 2020 de La Voz de Galicia

 
La Voz de Galicia publicou a guía de estudos superiores "Que quero estudar?".
 
Trátase dunha guía moi completa na que se informa de toda a oferta de estudos universitarios, estudos de FP e outras ensinanzas, organizados nas catro ramas de coñecemento: Artes, Humanidades, Ciencias Sociais e Ciencias.
 
Na guía (que está no anexo) podedes atopar unha descrición básica de cada un dos estudos superiores, os centros donde se ofertan, as condicicóns de acceso, as notas de corte e as saídas profesionais. Tamén inclúe información sobre becas e residencias.
 
Tamén podedes atopar a información empregando este buscador https://estudiarengalicia.lavozdegalicia.es/, a través do que navegarás empregando diferentes criterios de búsqueda.
 

Novas datas para a celebración das probas de acceso de grao medio e de grao superior. Convocatoria 2020

Publicada a Resolución do 24 de maio de 2020, da Dirección Xeral de Educación, Formación Profesional e Innovación Educativa, pola que se adoptan medidas para o desenvolvemento das probas de acceso a ciclos formativos de grao medio e de grao superior de Formación Profesional do sistema educativo.

A resolución establece novas datas para a celebración das probas de acceso de grao medio e de grao superior.

Nos anexos atópanse tanto a resolución como o novo calendario das probas de acceso.

Do confinamento á exclusión

IGAXES (ONG para o futuro da infancia e a xuventude en risco) elaborou un documento, que se atopa no anexo, donde se analiza o impacto que a crise sanitaria ten na infancia e a xuventude máis vulnerables en Galicia e que pode ser de interese e reflexión para todos/as.

Benestar Emocional

O Equipo de Orientación Específico da Coruña proporciona, no documento anexo, unha serie de enlaces de interese xeral para o coidado do Benestar Emocional do alumnado.

Ademais, tamén ofrece unha serie de recomendacións con ligazóns a algunhas asociacións que atenden a alumnado con necesidades específicas de apoio educativo.

Orientación 1º, 2º e 3º da ESO

O alumnado de 1º, 2º e 3º da ESO tedes nos anexos varios documentos con información que vos pode resultar de interese de cara ao curso que ven:

- Orientación 1º (2º e 3º da ESO respectivamente) 2019-20: con información sobre a promoción de curso, estructura do sistema educativo, elección de materias, etc.

- Caderno de orientación académica para cada curso (1º,2º e 3º da ESO) moi completo de Mónica Diz.

 

Espero que esteades todos ben e moito ánimo.

Orientación 4º da ESO

O alumnado de 4º da ESO tendes á vosa disposición nos anexos varios documentos que seguro pos poden resultar de interese de cara ao voso futuro académico-profesional:

- Orientación 4º ESO 19-20: con información sobre a titulación, estructura do sistema educativo, o bacharelato, webs de interese, etc.

- Un caderno de orientación académica para alumnado de 4º da ESO moi completo, de Mónica Diz.

- Táboa de ponderacións para ABAU.

- Modalidades preferentes de bacharelato para o acceso a ciclos superiores.

- Recursos abertos para o autocoñecemento e a autorientación.

 

Espero que esteades todos ben e moito ánimo!

Orientación 1º de Bacharelato

O alumnado de 1º de bacharelato ten a súa disposición nos anexos varios documentos que lle poden ser de interese:

- Orientación 1º bac: con información sobre a promoción de curso, estructura do sistema educativo, elección de materias, páxinas web de interese.

- Modalidades de bacharelato preferentes e materias vinculadas para o acceso a ciclos de grao superior.

- Táboa de ponderación para ABAU.

- Recursos abertos para o autocoñecemento e autoorietnación.

 

Espero que esteades todos ben e moito ánimo.

Orientación Bacharelato

O alumnado de Bacharelato (especialmente o de 2º), ten a súa disposión nos anexos, dous documentos que lle poden ser de gran utilidade:

- Opcións_bacharelato_2º: donde se recollen diferentes páxinas webs sobre estudos universitarios, a FP e sobre outras ensinanzas non universitarias.

- Recursos abertos autoorientación: donde se recollen diversos recursos abertos para desarrollar o autocoñecemento.

Espero que esteades a pasar estas semanas o mellor posible.

Blogue de orientación para "autoorientarse"

Recoméndase ó alumnado aproveitar estes días para "autoorientarse" con recursos de interese dispoñibles no seguinte blogue de orientación de Mónica Diz:

https://monicadizorienta.blogspot.com/2020/03/recopilacion-de-recursos-para.html

 

Aquí tamén atoparedes moitas cousas que vos poden ser de interese (diferentes tipos de estudos, acceso á universidade, técnicas de estudo, etc.).

Exención de francés de 2º da ESO e reforzo de 3º PMAR

O alumnado de Exención de Francés de 2º da ESO ten a súa disposición nos anexos os seguintes caderniños de actividades:

- 2ºESO.exención-2ºid_matemáticas_repaso_reforzo

2ºESO.exención-2ºid_lengua-castellana_repaso_reforzo

 

Así mesmo, o alumnado de 3º PMAR que ten clases de reforzo, ten a súa disposición nos anexos o seguinte caderniño de actividades:

- 3ºPMAR.matemáticas_cálculo-básico

Calquera dúbida ou consulta poderedes facela no seguinte correo: orientacion.milladoiro@gmail.com

Exención de francés de 1º da ESO

O alumnado de Exención de Francés de 1º ESO (A+B+C+D+E) ten as súa disposición as seguintes webs que poden ser de utilidade:

Ademais, neste enlace de Google Drive, tedes unha carpeta, na que se irán colgando diversos materiais e  que  será  actualizada continuamente.

Recordade facer as fichas que tedes sen rematar nas vosas casas.Tódalas dúbidas no correo electrónico orientacion.milladoiro@gmail.com.

Información importante do Departamento de Orientación

O Departamento de Orientación irá subindo á páxina web do centro no seguinte enlace: https://www.edu.xunta.gal/centros/iesmilladoiro/taxonomy/term/86 os recursos que pensamos que poden ser útiles para o alumnado e familias neste período de corentena.

 As dúbidas e consultas serán atendidas no correo electrónico que vos facilitamos a continuación: orientacion.milladoiro@gmail.com. No corpo do correo debe ir a seguinte información: Nome e Apelidos do alumno/a+Curso + Nome do profesor/a ao que vai destinado (Ana/Vanesa/Anxo).

Este mesmo correo está a disposición de todas as familias e alumnado para que nos poidan consultar o que precisen.

  • Aquel alumnado, que estando matriculado no centro, ten concedida outro tipo de escolarización, seguirá o mesmo proceso de comunicación que ata agora.
  • O alumnado que ten concedida a Exención de Francés en 1º e 2º da ESO pode utilizar os recursos que deixaremos aquí colgados. Por suposto, teñen prioridade todas as actividades das vosas materias, todo o material que vos deixan os/as profesores/as tanto na aula virtual como na web.
  • O alumnado de Adquisición de Linguas (Inmersión) ten a súa disposición:

 

Materiais para todos/as estes días

Como xa sabemos, todos/as debemos gardar estrictamente o período de corentena ao longo dos vindeiros días e permanecer nas nosas casas, aquí van algunhas propostas que poden servir para facer esta situación un pouco máis levadeira.

Orientación no IES do Milladoiro durante a cuarentena por coronavirus

Todo o alumnado e os seus pais/nais/titores legais do IES do Milladoiro poderán manter a comunicación continuada para calquer tipo de consulta co Departamento de Orientación a través do seguinte mail:

 

orientacion.milladoiro@gmail.com

Enquisas para 1º ESO curso 2018/2019

Enquisas para 2º ESO curso 2018/2019

Enquisas para 3º ESO curso 2018/2019

Enquisas para 4º ESO curso 2018/2019

Enquisas para 1º ESO curso 2017/2018

Enquisas para 2º ESO curso 2017/2018

Distribuir contido