Física e Química |
ProfesoradoSobrado Taboada, Cristina (XD) Programacións |
|||
O club de ciencias presentou o traballo realizado no curso escolar 2021-2022, no que participou alumnado de 1º e 2º de bacharelato. No seguinte vídeo pódense ver as distintas experiencias que levaron a cabo. Os experimentos realizados no presente curso foron:
“A ciencia é unha forma de pensar, moito máis que un corpo de coñecementos”, Carl Sagan |
|||
Os alumnos Manuel Caamaño Mayo e Juan Calvo Iglesias, de 2º A de bacherelato, acudiron (acompañados do seu profesor/preparador Carlos Varela) á facultade de química da USC para representar o noso centro na XXXIX OLIMPÍADA GALEGA DE QUÍMICA. Dende aquí queremos transmitirlles todo o noso ánimo e o orgulloso que está o centro de contar con eles. Ánimo e boa sorte! |
|||
O pasado venres, 11 de febreiro, o Departamento de Física e Química do noso centro organizou uns obradoiros dirixidos ao alumnado de 3º da ESO, co gallo do Día Internacional da muller e a nena na Ciencia
Foi unha actividade moi interesante, na que o alumnado puido desfrutar dunha serie de experimentos, realizados pola Sociedade Xuvenil Galega de Química (SXGQ)
|
|||
Dende o Instituto Galego de Física de Altas Enerxías (IGFAE), en colaboración co Grupo Internacional de Divulgación de Física e o CERN (Organización Europea para a Investigación Nuclear) organizouse unha xornada para conmemorar o Día Internacional da muller e a nena na Ciencia, dirixida a alumnas de 1º de bacherelato científico.
En representación das nosas alumnas acudiu Alba Diez Mariño, que desfrutou das conferencias impartidas e participou activamente dun experimento realizado con datos reais, obtidos no CERN, e a posterior discusión dos seus resultados mediante vídeo-conferencia con científicos do CERN e membros de centros de investigación de Roma e São Paulo.
Agradecemos ás investigadoras do IGFAE, que fixeron posible esta xornada, o seu traballo: Sibylle Driezen, Martina Feijoo Fontán, Ana Garbayo Peón, Beatriz García Plana, Alessandra Gioventù, Alicia Muñoz Ramos, Sara Sellam e Verónica Villa Ortega. |
|||
As encargadas de desenvolver o faladoiro científico que se levou a cabo no noso centro o venres, 11 de febreiro, por parte do Comité de Igualdade, co gallo do Día Internacional da muller e a nena na Ciencia, recomendan que visitemos os recursos da SXGQ (Sociedade Xuvenil Galega de Química). Trástase dun grupo de persoas, moitas delas universitarias, interesadas no campo da Química e no uso da nosa lingua, a través da realización de diferentes proxectos e actividades. Ademais da súa páxina web, podes saber máis sobre este grupo e este campo científico tan interesante e cheo de perspectivas de futuro como é a Química, visitando os seus perfís en instagram, twitter ou facebook. |
|||
Deixamos aquí o vídeo que reflicte a homenaxe que as alumnas do noso IES lle quixeron render a algunhas das científicas máis importantes do panorama internacional con motivo da conmemoración do Día Internacional da Muller e da Nena na Ciencia. A través de diálogos de gran viveza e orixinalidade o público asistente puido achegarse de xeito lúdico aos logros dunha serie de mulleres que dedicaron a súa vida á ciencia. A actividade foi organizada polo departamento de Física e Química e o Comité de Igualdade e serviu para pór en valor o papel fundamental das mulleres no eido científico, pero tamén reivindicar a igualdade de xénero e lograr unha maior participación e inclusión das mulleres e das nenas no mundo da ciencia e da tecnoloxía. |
|||
Nas tardes dos días 4 e 11 de novembro un grupo de alumnos e alumnas de 1º de bacharelato iniciou un estudo que permitirá determinar a taxa de renovación do aire nos distintos espazos do centro. |
|||
O venres, 6 de marzo, o alumnado da materia de Cultura científica rematou a ecoaditoría iniciada a semana pasada. Logo da análise do tratamento do lixo levado a cabo no centro e tamén das enquisas realizadas, os alumnos e alumnas realizaron un esquema no que quedaro reflectidas as súas propostas de mellora. |
|||
O Día Internacional da Muller e da Nena na Ciencia foi celebrado hoxe, 11 de febreiro, no noso IES coa realización dun cartel por parte da rapazada do EDLG e que foi colocado na parede central do corredor do Andar 0 xunto con algunhas sinopses biográficas de importantes científicas.
Ao mesmo tempo, o dpto. de Física e Química organizou a actividade Científicas que experimentan para o alumnado de 2º de ESO: o alumnado tivo a oportunidade de participar ao longo da mañá na realización de diversos experimentos dirixidos por catro mulleres.
|
|||
Hoxe, 19 de decembro, o alumnado de bacharelato de Ciencias e o de 4º ESO B asistiu a unha charla de divulgación científica impartida polo profesor de Física Teórica da USC e investigador do IGFAE (Instituto Galego de Física de Altas Enerxías), Javier Mas Solé. A charla levou por título O neutrón é manso e centrouse na importancia desta partícula subatómica na formación de todos os elementos da táboa periódica, conmemorando así o 150 aniversario da mesma. A actividade foi organizada polo Dpto. de Física e Química. |
|||
O pasado martes 9 de maio, catro alumnos do IES do Milladoiro, acompañados pola súa profesora de Química, tiveron o pracer de asistir a un encontro co Premio Nobel de Química 2016, Ben Feringa. |
|||
O venres 22 de marzo tiveron lugar na Facultade de Química da USC as probas da XXXVI edición das Olimpíadas Galegas de Química. |
|||
O pasado mércores 21 de novembro, os alumnos e alumnas de 2º bacharelato puideron desfrutar coa visita ás instalacións do CIQUS (Centro Singular de Investigación en Química Biolóxica e Materiais Moleculares da USC) e participar nunha actividade dirixida que trata de achegar aos estudantes unha visión actual e atractiva da investigación en Química, dar a coñecer a importancia desta ciencia no desenvolvemento científico e tecnolóxico global, e amosar a actividade cotiá nun moderno centro de investigación. |
|||
O pasado venres 4 de maio, o alumnado das materias Cultura científica e Ciencias aplicadas de 4º ESO e o de 1º BACH. A tivo a oportunidade de escoitar o profesor Jorga Mira, da Facultade de Física da USC, na charla " A que distancia está o ceo?", dentro do programa EDUMOTIVA da Consellería de Educación. Queremos agradecer a súa colaboración ás familias que axudaron a que esta charla fose posible e á profesora Irene García. |
|||
O venres 16 de marzo, o alumnado de Física de 1º e 2º de Bacharelato e 4º de ESO asistiu a unha charla de José Benito Vázquez Dorrío, da Escola de Enxeñaría de Minas e Enerxía da Universidade de Vigo, e realizou con el unha serie de actividades manipulativas. O conferenciante gabou o comportamento e a actitude do noso alumnado, que gozou moito coa actividade. Neste enlace podemos ver algunhas fotos. |
|||
O 11 de febreiro foi declarado pola ONU Día internacional da muller e da nena na ciencia. Para conmemoralo, o IES do Milladoiro acolleu o 19 de febreiro as científicas do Centro Oceanográfico de Vigo Olga Carretero e Elena Fagín, que falaron do papel das mulleres na ciencia nunha actividade organizada polo Departamento de Física e Química. |
|||
Os alumnos e alumnas de 2º PMAR convertíronse en profesores/as por un día e explicáronlles aos seus compañeiros de 1º ESO F algúns interesantes fenómenos físicos e químicos. Foi unha experiencia de traballo colaborativo na que todos desfrutaron e aprenderon moito.
|
|||
Os días 19 e 20 de decembro os alumnos de 2º de ESO tiveron a oportunidade de participar nun obradoiro de química no MUNCYT (A Coruña). |
|||
Durante o mes de novembro, o alumnado de Ciencias Aplicadas á Actividade Profesional (CAAP) participou nun proxecto de ciencia colaborativa de ámbito mundial. O proxecto leva por nome The art of crystallitation e foi deseñado pola Royal Society of Chemistry. Neste enlace pódese acceder a toda a información, ós datos obtidos polo alumnado e a algunhas imaxes da actividade. |
|||
O xoves 23 de novembro o alumnado de 4º da ESO interesado acudirá á XI edición de GALICIENCIA no Parque Tecnolóxico de Galicia (Ourense). |
|||
Neste curso escolar, todo o alumnado de 2º da ESO do IES do Milladoiro participa, desde o Departamento de Física e Química, no proxecto “AQUA” organizado pola fundación Ibercivis en colaboración co FECYT (Fundación Española da Ciencia e da Tecnoloxía). |
|||
Concurso: Sci Challenge 2017. Nombre del proyecto: Magnetic Acceleration Space Shuttle (lanzadera espacial mediante aceleración magnética) Autor: Jorge Expósito Patiño, 2ºA BAC. Descripción: Este vídeo propone un método teórico para enviar objetos a órbita baja terrestre usando aceleración magnética. Este método supondría un gran descenso en los costes y emisiones contaminantes en este tipo de procedimientos.
Para la puntuación comunitaria online, el módulo de puntuación contará el número de visitas y la evaluación positiva en forma de "Me gusta". Puedes visualizar el vídeo en el siguiente enlace: https://www.youtube.com/watch?v=Ckecuflnebw
|
|||
|
|||
Solución Exame Temas 0 e 1 Solución Exame Temas 0 e 1_Bis Solución Exame Tema 2 Solución Exame Recuperación 1T Solución Exame Recuperación 2T Solución Exame Temas 3 e 4 Solución Exame Temas 5 e 6 Solución Exame Tema 7 Solución Exame Temas 8 e 9 Ejercicios Ondas II Ejercicios Ondas III FORMULARIO Problemas ABAU - gravitación - electromagnetismo - vibraciones y ondas - luz y óptica - fisicamoderna |
|||
|
|||
|
|||
