Mensaxe dirixida ao IES do Milladoiro dende o Ministerio de Educación e Formación Profesional, Subdirección Xeral de Cooperación Territorial, Programas de Centros Docentes:

Por Orden ECD/2475/2015, de 19 de noviembre, se crea el distintivo de calidad de centros docentes Sello Vida Saludable (BOE del 24). Esta Orden en su artículo 7.2 establece que “periódicamente, y al menos cada dos años, podrán realizarse revisiones por parte del Ministerio de Educación, Cultura y Deporte, con el fin de comprobar si se continúan cumpliendo los requisitos que justificaron la concesión”.

Mediante Resolución de 8 de junio de 2017, de la Secretaría de Estado de Educación, Formación Profesional y Universidades, se concedió a su centro el distintivo de calidad “Sello Vida Saludable” para el 2017 (BOE del 23).

En cumplimiento de lo previsto en el artículo 7.2 de la Orden ECD/2475/2015, una vez revisados todos los centros adjudicatarios de 2016, y de acuerdo con la propuesta formulada por la comisión evaluadora, se ha resuelto mantener el derecho al uso del distintivo «SELLO VIDA SALUDABLE» a su centro.

¡Enhorabuena!

O luns, 20 de marzo, en "espazos para a reflexión", a escola de nais e pais da ANPA do IES do Milladoiro, ANPA Milla, en colaboración co Concello de Ames, se desenvolverá un dos temas de mís actualidade e preocupación no relativo á sitaución da adolescencia: ciberseguridade. Da man do inxeñeiro de telecomunicacións, Carlos Outes Durán, se intentará orientar as familais sobre os riscos relacionados co emprego das TIC e as redes sociais, así como proporcionar instrumentos e recursos en materia de ciberseguridade. Como sinalamos antes. a actividades de desenvolverá no IES do Milladoiro, o luns, 20 de marzo, ás 19:00 h 

Novamente en "espazos para a reflexión", a escola de nais e pais da Anpa do IES do Milladoiro, ANPA Milla, realizada en colaboración co Concello de Ames, volve a centrarse no tema da atención á diversidade e nesta ocasión, cun carácter xeral e da man de Inés María Quero Petit, desenvolvendo unha xornada informativa sobre alumnado con necesidades educativas especiais e as medidas de atención e intervención que requiren.. A actividade desenvolverase no IES do Milladoiro, o luns, 6 de marzo ás 19:00 h.

DESCARGA DO DOCUMENTO

Estase a desenvolver nesta semana a viaxe escolar a Andorra, organizada por vicedirección e dirixida ao alumnado de 4º da ESO. As actividades deportivas de esquí desenvolvéronse en Grandvalira, un dos principais complexos dedicados a este deporte nos Pirineos, con máis de 300 km esquiables. O alumnado aproveitou tamén a viaxe para visitar e desfrutar do centro termolúdico de Caldea, considerado na actualidade un dos balnearios de maiores dimensións de Andorra.

"Espazos para a reflexión", a escola de nais e pais de ANPA Milla, en colaboración co Concello de Ames, continua a súa actividade no mes de febreiro de 2023 co desenvolvemento de dous interesantísmos temas: a xestión de conflitos (luns, 14 de febreiro, a partir das 17:00 h) e os camiños da sexualidade (luns, 27 de febreiro, a partir das 17:00 h) a cargo da educadora social, Rebeca González.  Non os perdades estas actividades que se desenvolverán no IES do Milladoiro.

"Espazos para a reflexión", a escola de nais e pais da Anpa do IES do Milladoiro, Anpa Milla, en colaboración co Concello de Ames, inicia a súa andaina no 2023 cunha primeira actividade adicada ao TDAH, un dos temas de máis trascendencia na atención a diversidade no ámbito educativo. Para contarase ca presenza dunha das institucións de máis prestixio e recoñecemento no país no relativo a este tema. Trátase da Fundación Ingada (Instituto Galego do TDAH e trastornos asociados) que desenvolverá o mércores, 8 de febreiro, a partir das 19:00 h unha xornada informativa no IES do Milladoiro

Colaboración que o IES do Milladoiro ca FUNDACIÓN BARRIÉ que está a promover un estudio sobre “Redes Sociais, Videoxogos e Apostas entre os adolescentes galegos”, coordinado polo profesor da Universidade de Santiago de Compostela, Antonio Rial Boubeta. 

LIGAZÓN AO CUESTIONARIO

Segundo o informe que presentou este martes 8 de febreiro UNICEF Comité Galicia, coa colaboración da Universidade de Santiago de Compostela e do Consello Xeral de Colexios de Enxeñaría en Informática, baixo o título ‘Impacto da tecnoloxía na adolescencia en Galicia. Relacións, riscos e oportunidades’, un de cada catro adolescentes en Galicia usa de forma intensiva e sen supervisión internet e as redes sociais; ademais, un de cada cinco podería “ter un certo enganche” aos videoxogos. Un 97'9% dos adolescentes galegos está rexistrado nalgunha rede social e o 80'5%, de feito, está rexistrado en tres ou máis redes sociais. Cinco de cada dez adolescentes, un 53'6%, contactaron con descoñecidos a través de internet, chats ou redes, e un 54'1% aceptou a descoñecidos en redes sociais. Por outra banda, as prácticas do sexting e o ciberacoso son cada vez máis habituais: catro de cada dez adolescentes asegura recibir algunha vez mensaxes de contido erótico/sexual, un de cada dez recibiu –a través de redes, chats, internet ou videoxogos– unha proposición sexual por parte dun adulto, e dous de cada dez poderían estar a sufrir ciberacoso. No relativo aos videoxogos, para o 60% dos adolescentes é a súa principal canle de lecer e entretemento, pero o 50% recoñecen xogar a xogos non recomendados para a súa idade.

Trátase dun tema cada vez máis preocupante e que precisa de máis coñecemento e datos. Por iso, o IES do Milladoiro desexa colaborar coa Fundación Barrié, que está a promover un estudo sobre redes sociais, videoxogos e apostas entre os adolescentes galegos,  coordinado polo profesor da Universidade de Santiago de Compostela Antonio Rial Boubeta.

Este estudo supera xa os 5.000 participantes (arredor de 30 centros educativos das catro provincias) e ten como obxectivo acadar unha mostra de 10.000 escolares para poder contar cun alto grao de representatividade nos resultados.

Trátase dunha actividade que permitirá que o centro poida ter un informe sobre esta temática, que permitirá coñecer en profundidade que está a pasar no noso contorno en relación a estes aspectos. É unha información que se podería utilizar no vindeiro curso para desenvolver actividades coas que se podería contar coa colaboración dos organizadores deste estudo.

A actividade consistirá en que cada grupo, nunha hora previamente establecida, entre os días 19 e 30 de abril, cubra un cuestionario en rede nunha das aulas de informática, previamente reservada. Estímase que a duración da actividade situaríase entre os 20-25 minutos.

Achégase un Manual de procedemento no que se explica esta enquisa.

Temos un novo episodio do podcast de Deportes. Esta vez está centrado no programa "Recreos activos", que se desenvolve no noso IES. Para coñecer todo sobre el, dous reporteiros entrevistaron o profesor de Educación Física e coordinador da actividade, Antonio Aguín.

Inauguramos unha sección dedicada aos deportes no MillaFalaDoiro. Este primeiro programa está centrado na patinaxe artística e as realizadoras do podcast foron Saínza Ruíz, Noa Mesías e Alicia Lariño. Ofrecen información básica sobre este deporte que elas practican e entrevistan a Álex, adestrador do Club Compostela.

Con data de 25 de xuño de 2021 recíbese comunicación escrita de que  queda ratificada a continuidade do "Selo de Vida  Saudable", dado que o xurado considera que se seguen a cumprir no IES do Milladoiro as condicións e requisitos que deron lugar á súa concesión.

"No día a dia reproducimos estereotipos machistas sen nos decatar porque vivimos nunha sociedade patriarcal; as familias, os medios de comunicación e tamén o sistema educativo contribúen a perpetualos. A incoherencia entre o que pensamos e o que facemos (curriculum oculto) delata o peso da socialización do que non somos conscientes, unha influencia tan sutil que resulta moi eficaz. Polo tanto hai que estar alerta, e para desvelar a desigualdade teremos que por os lentes violeta". Con estas palabras de Chis Oliveira e Amada Traba arrancan Paula García e Carlota Vicente o terceiro podcast do seu programa "Igualdade e Saúde", centrado na coeducación.

A entrevista fixéronlla a Carme Moure, profesora no IES Xelmírez I de Santiago, das materias de Igualdade de xénero (2º ESO) e Coeducación para o século XXI (1º BAC).

O  IES  do  Milladoiro  participa  un  ano máis  no  Plan  de consumo  de  froita  promovido  e  subvencionado  polo  FOGGA (Fondo  Galego de  Garantía  Agraria)  e  a  Unión Europea. Grazas  a  el  repartiremos  froita  fresca (plátanos  e mandarinas tendo  en  conta  a  necesidade  de  adaptación  ao  contexto  da  covid-19)  a partir  do  vindeiro  luns, día 1,  e  ata  o día  12  de  febreiro. O  obxectivo  preferente deste  plan  no   noso  centro  é  o  alumnado de  1º  e  2º de  ESO, que poderá  recoller  froita  no primeiro  recreo. No  segundo,   o  resto  poderá  tomar  a  froita  sobrante.

Esta  acción  responde  á preocupación  pola  saúde  do  alumnado  que  fixo  ao  noso  IES  merecedor  do  distintivo "SELO  DE  VIDA  SAUDABLE".

Xa temos a segunda entrega do programa Igualdade e Saúde.

Dirixido por Carlota Vicente e Paula García. Nesta ocasión trataron o tema das mulleres na física. A entrevista fixéronlla a Encina Calvo, profesora no grao de Enxeñaría química da USC.

Estade atentas e atentos que xa vai saír en breve o podcast seguinte deste programa.

Hoxe, 25 de novembro, Paula García e Carlota Vicente estrean programa na Radio MillaFalaDoiro, a radio do IES do Milladoiro. Chámanlle Igualdade e Saúde e van tratar de todos os temas arredor da Igualdade de Xénero.

Neste primeiro programa entrevistaron a Luisa Feijoo, Concelleira de Benestar Social de Ames.

O doutor en Ciencias Biolóxicas e especialista en neurofisioloxía, Xurxo Mariño,  estivo este venres no IES con motivo do Día da Ciencia en galego, organizado polo EDLG. Debido ás restricións impostas pola COVID, só un grupo de 1º de  bacharelato puido escoitar en persoa a súa charla sobre móbiles, radiación electromagnética e cerebro.

Presentárono  Paula García e Yomara Ferreiro, alumnas desa clase e membros do Equipo de dinamización. A exposición de Xurxo ocupou dúas sesións de clase e o alumnado tivo oportunidade de facerlle preguntas.

Nas  tardes  dos días  4  e  11  de novembro  un  grupo  de  alumnos  e  alumnas  de  1º  de  bacharelato iniciou  un  estudo   que  permitirá   determinar  a  taxa  de  renovación do  aire nos  distintos  espazos  do centro. 

O  centro  acolle  desde hoxe  e  ata  o  día  21  de  xaneiro  a  exposición Os  obxectivos  do Desenvolvemento  Sostible. Un  camiño para  acabar  coa pobreza  e  as  desigualdades  alá  e  acolá.  A  exposición    está  organizada  polo  Fondo  Galego  de  Cooperación e Solidariedade;  chega  ao noso  centro   grazas  aos  Servizos  Sociais  do  Concello.

O  pasado  19 de novembro  o  alumnado  de  2º  de  ESO dos grupos  C, D e E puideron  practicar  a  escalada  en rocódromo. A  actividade  foi  levada  a  cabo polo departamento de  Educación  Física.

O  martes  12  o  alumnado de  2º  ESO A  e  2º  ESO B puido  practicar  a  escalada  en  rocódromo. A  actividade  foi  organizada polo  departamento  de  Educación  Física. Os  restantes  grupos  de  2º  levarán  a cabo a   actividade  o  día 19  de  novembro.

O IES do Milladoiro participa un  curso  máis no "Plan de consumo de froita" promovido e subvencionado polo FOGGA (Fondo Galego de Garantía Agraria) e a Unión Europea. Grazas a el, repartiremos froita fresca de xeito gratuíto en diversos períodos ao longo do curso, o primeiro deles do 4 ao 15 de novembro. O obxectivo preferente deste plan no noso centro é o alumnado de 1º e 2º  ESO, que poderá recoller a froita no primeiro recreo. No segundo, o resto do alumnado poderá recoller a froita sobrante.

Esta acción responde á preocupación pola saúde do alumnado que fixo ao IES do Milladoiro merecedor do distintivo  "SELO DE VIDA SAUDABLE".

O IES do Milladoiro participa no "Plan de consumo de froita" promovido e subvencionado polo FOGGA (Fondo Galego de Garantía Agraria) e a Unión Europea. Grazas a el, repartiremos froita fresca de xeito gratuíto, por segunda vez no curso, entre o 1 e o 12 de abril.

O martes 18 ás 18:30, no salón de actos do IES do Milladoiro, a psicóloga Belén Montesa dará a coñecer ás familias do alumnado de 2º e 4º de ESO o informe realizado tras o "Obradoiro de prevención de condutas adictivas" levado a cabo nestes cursos coa colaboración do Concello de Ames.

Dentro das actividades organizadas arredor do 25 de novembro, Día internacional para a non violencia contra a muller, o departamento de Orientación do noso centro organizou un "Obradoiro de relacións igualitarias" para 4º ESO, realizado por membros da ACPP (Asemblea de Cooperación pola Paz). Por indisposición da ponente, o venres 30 de novembro só puido realizarse con 4º ESO A. Os restantes grupos participarán neste obradoiro en canto sexa posible.

Continúa a andaina neste curso do Laboratorio de educación para o desenvolvemento que AGARESO (Asociación Galega de Reporteiros Solidarios) leva a cabo no noso centro, este ano con 2º ESO D.

Dentro das actividades celebradas no IES do Milladoiro para conmemorar o 25 de novembro, Día internacional para a non violencia contra a muller, o venres 23 tivo lugar un Obradoiro de igualdade e convivencia positiva promovido polo CIM do Concello de Ames.

O IES do Milladoiro participa no "Plan de consumo de froita" promovido e subvencionado polo FOGGA (Fondo Galego de Garantía Agraria) e a Unión Europea. Grazas a el, repartiremos froita fresca de xeito gratuíto en diversos períodos ao longo do curso, o primeiro deles do 19 ao 30 de novembro.

O IES do Milladoiro, en colaboración co Concello de Ames, vai desenvolver neste curso un programa de prevención de condutas adictivas en 1º de Bacharelato.

Convócase as familias do alumnado de 1º de Bacharelato a dúas reunións informativas no Salón de actos do IES do Milladoiro:

• 1ª reunión, previa ao traballo co alumnado: martes, 13 de marzo, ás 18:30. 
  
• 2ª reunión, posterior ao traballo co alumnado: martes, 2 de abril, ás 18:30.
  

O alumnado de 2º de ESO tivo a oportunidade de participar nunha actividade de escalada en rocódromo organizada polo departamento de Educación Física.