IES do Milladoiro

AS BOLSAS XERAIS PARA O CURSO 2023/2024 PÓDENSE SOLICITAR DO 27 DE MARZO AO 17 DE MAIO DE 2023

ESTUDOS NON UNIVERSITARIOS (FP, BACHARELATO E OUTROS ESTUDOS)

ESTUDOS UNIVERSITARIOS (GRADO, MÁSTER)

SEDE ELECTRÓNICA

INFORMACIÓN ABAU 2023: CALENDARIO, HORARIO, PROTOCOLO, EXAMES DE ANOS ANTERIORES, ALUMNADO CON NECESIDADE ESPECÍFICA DE APOIO EDUCATIVO

"Temos que facer unha escola transformadora!"

Bernardo Penabade foi entrevistado por Diego Madarnás para falar dos proxectos que este profesor e dinamizador deseñou e puxo en marcha, desde hai anos, con moito éxito.

Se alguén quere saber sobre o Modelo Burela, o proxecto Neo e moitas máis cuestións de interese, porque "Burela e O Milladoiro teñen moitísimos puntos en común", segundo Penabade, este é o episodio que non debedes perder. 

Escoitade a entrevista completa para saber das propostas de intervención educativa que nos recomenda e do reto que lle lanza a Diego.

O luns, 20 de marzo, en "espazos para a reflexión", a escola de nais e pais da ANPA do IES do Milladoiro, ANPA Milla, en colaboración co Concello de Ames, se desenvolverá un dos temas de mís actualidade e preocupación no relativo á sitaución da adolescencia: ciberseguridade. Da man do inxeñeiro de telecomunicacións, Carlos Outes Durán, se intentará orientar as familais sobre os riscos relacionados co emprego das TIC e as redes sociais, así como proporcionar instrumentos e recursos en materia de ciberseguridade. Como sinalamos antes. a actividades de desenvolverá no IES do Milladoiro, o luns, 20 de marzo, ás 19:00 h 

 Héctor Pin, Miguel Franco e Mateo Campos, alumnos de 1º ESO, estreáronse na radio facendo teatro lido. Escolleron, para comezar, a obra "O merlo branco", de Cándido Pazó. Aquí vos deixan a dramatización da primeira parte.

Na parte técnica tiveron a Gael Rodríguez (1º ESO) e Hugo Mateos (4º ESO), coa colaboración de  Erik Cadavid (3º ESO).

Novamente en "espazos para a reflexión", a escola de nais e pais da Anpa do IES do Milladoiro, ANPA Milla, realizada en colaboración co Concello de Ames, volve a centrarse no tema da atención á diversidade e nesta ocasión, cun carácter xeral e da man de Inés María Quero Petit, desenvolvendo unha xornada informativa sobre alumnado con necesidades educativas especiais e as medidas de atención e intervención que requiren.. A actividade desenvolverase no IES do Milladoiro, o luns, 6 de marzo ás 19:00 h.

O pasado martes 28 de marzo tivo lugar o concurso de recitado para 1º e 2º ESO.

Entregáronse os premios ás galardoadas este venres.

O noso IES participou, o pasado sábado 25 de febreiro,  na Gala de Rosalía que organizou o concello, coas seguintes actuacións:

Saínza Ruíz recitou "Eu ben vin estar o moucho" Claudia, Sara, Lena e Antía interpretaron as coplas que elas mesmas compuxeron: María Iglesias e mais Dora Iglesias interpetaron "Negra sombra"

A poeta e profesora do IES, Lara Rozados, recitou "Tecín soia a miña tea"

O pasado 16 de febreiro viñeron dúas persoas de Radio Voz darnos unha breve charla e mais gravarnos un programa, que nós deseñamos e organizamos, para emitiren na súa radio.

Diego Madarnás conduciu o programa entrevistando a case todos os compañeiros e compañeiras que están a participar no MillaFalaDoiro.

Emítese mañá xoves 2 de marzo ás 16 horas en Radio Voz.

María López Sández estivo no noso centro o pasado martes 28 de febreiro para pechar os actos que o EDLG desenvolveu en homenaxe a Rosalía. A profesora da USC desenvolveu un relatorio baixo o título "Rosalía ao son da paisaxe",  conectado co proxecto do mesmo nome ("Ao son da paisaxe") que estamos a desenvolver no Equipo de dinamización desde o curso pasado. A autora do Herbario de Rosalía fixo un percorrido pola intención de Rosalía en relación á paisaxe galega e presentoulle ao alumnado de 3º ESO o herbario elaborado a raíz da súa obra.

 Foi presentada aos seus compañeiros por Erik Cadavid, quen deu a coñecer tanto as súas obras ensaísticas como as súas novelas, das que temos exemplares na biblioteca. María L. Sández vai ler o seu discurso de ingreso na Real Academia Galega o próximo 11 de marzo baixo o título: Onde abrolla o manancial: a paisaxe na raíz do ensaísmo galego.

Pechamos as xornadas dedicadas a Rosalía co enlace ao proxecto Ao son do paisaxe, plantando unhas roseiras cedidas pola Aula da natureza, xa que estas plantas, igual ca os pensamentos cos que decoramos o espazo Rosalía,  eran as preferidas da autora.

O día 23 de febreiro celébrase o Día de Rosalía, unha das nosas autoras máis significativas. Tal e como anunciamos, desde o EDLG estivemos a organizar actividades para esa comemoración.

Entre o 23 e o 28 de febreiro durante os recreos, realizáronse as lecturas da obra de Rosalía no espazo que lle dedicamos á autora no corredor do 1º andar. O seguinte vídeo recolle a participación de gran parte da comunidade educativa.

Este xoves 2 de marzo o alumnado de Bioloxía e Xeoloxía de 1º de Bacharelato asisitiu a varias das actividades ofertadas na IX Feira de Minerais de Santiago de Compostela en Área Central. Comezamos escoitando unha charla sobre "Minería espacial" impartida por María Araújo Fernández, profesora da Escola de Enxeñería de Minas e Enerxía de Vigo. A continuación, realizamos un obradoiro de Identificación de minerais, impartido tamén pola Escola de Minas, e para rematar, outro obradoiro sobre Mineraloxía impartido polo Grupo Mineralóxico e Xeolóxico Galego. Tamén tivemos tempo para observar os espectaculares exemplares de minerais e fósiles expostos nos postos de mercado da feira."

O martes, 28 de febreiro, desenvolveuse no noso centro o primeiro encontro dos Equipos de Axuda do IES Xelmírez I e os do noso centro.. Da man de Brais e as súas dinámicas, o alumnado e os docentes do centro compostelán nos ensinaron a súa experinecia de este modelo de axuda entre iguais, que acaba de iniciar a súa andaina no noso centro e que xa leva varios anos no Xelmírez I, onde o modelo de alumnado disposto a axudar ao seu grupo deu paso a presenza de alumnos cibermentores e medidadores. 

Grazas ao alumnado e profesorado do Xelmírez I por acudir ao noso centro e ensinarnos todo o que levan feito nun proxecto no que nos iniciamos os primeiros pasos

REUNIÓN INFORMATIVA COAS FAMILIAS DO ALUMNADO DE 3º ESO SOBRE O PROXECTO DE IMPLANTACIÓN DE SECCIÓN BILINGÜE DE INGLÉS NO IES DO MILLADOIRO PARA O CURSO 2023/2024

MARTES, 7 DE MARZO, 18:10 H

MARÍA LÓPEZ SÁNDEZ NO IES DO MILLADOIRO

Volvemos do Entroido xusto o xoves 23 de febreiro, Día de Rosalía, momento en que comezan as actividades de homenaxe dunha escritora que tivo relación co noso concello. Así, durante os recreos desde o xoves 23 ao martes 28 vanse realizar lecturas da súa obra por parte de toda a comunidade educativa. Se non tes elixido un poema, desde o EDLG temos á disposición.

O martes 28 vaise celebrar o concurso de recitado (ver bases), ao que aínda vos podedes anotar, e ese mesmo día vai achegarse ao centro María López Sández para falarlle á rapazada de 3º ESO sobre a presenza da flora na súa obra, tal e como estudou para o seu recente libro: O herbario de Rosalía.

 Ademais destas actividades de lectura e recitado abertas á comunidade educativa en xeral,  vanse realizar outras, como a plantación de máis árbores de Rosalía, acción que comezou o curso pasado, así como a colocación dunhas roseiras na entrada do IES. Mais disto xa daremos conta no seu momento.

Celebrouse o entroido intercultural no noso centro, con gran éxito e colaboración da nosa comunidade educativa e o noso entorno. O seu propósito foi mostrar o que nos define e enorgullece como centro: a nosa riqueza e diversidade cultural e o desexo de desenvolver con ela un modelo de convivencia positiva. Velaquí tedes algunhas imaxes dunha xornada que foi inolvidable

Diferentes medios de comunicación recolleron as actividades desenvolvidas no Entroido Intercultural do IES do Milladoiro. Amosamos, seguidamente, as ligazóna a eses medios:

El Correo Gallego

Cadena COPE

AMSGO!

Diego Madarnás entrevistou desta vez á súa compañeira de clase, María Iglesias Bermúdez, estudante de 4º ESO e gañadora do Canta con Ames 2022, categoría xuvenil (ver vídeo da actución).

Bota a andar o novo programa dirixido por Carlota Ageitos e Yago Bouzas. Chámase "Os cuartos de atrás" (Backrooms) e xa gravaron dous episodios.

No primeiro episodio fan a presentación do programa:

E agora non perdades o segundo episodio:

PREME PARA DESCARGAR A FICHA DE INSCRICIÓN

Estase a desenvolver nesta semana a viaxe escolar a Andorra, organizada por vicedirección e dirixida ao alumnado de 4º da ESO. As actividades deportivas de esquí desenvolvéronse en Grandvalira, un dos principais complexos dedicados a este deporte nos Pirineos, con máis de 300 km esquiables. O alumnado aproveitou tamén a viaxe para visitar e desfrutar do centro termolúdico de Caldea, considerado na actualidade un dos balnearios de maiores dimensións de Andorra.

"Onte, o Club de Ciencia, fixo entrega dos premios da actividade realizada o venres para conmemorar o Día da Muller e da Nena na Ciencia. Para esta entrega tivemos unhas invitadas moi especiais, Laura Rozas e Claudia Bretaña, exalumnas do centro que actuaron como Marie Curie e Marie Lavoisier e fixeron un experimento ante todas e todos os asistentes ao acto. Moitas grazas a todo o alumnado participante e parabéns aos gañadores: Yago Bouzas, Xoel Reinaldo e Sergio Abucide. E moitas grazas a Laura e Claudia por continuar con tanta implicación co centro, coa ciencia e reivindicando o papel da Muller en tódolos ámbitos "

Co gallo do Día mundial da radio, que se celebra hoxe, 13 de febreiro, as alumnas de 2º ESO -Noa, Julia, Antía, Alicia, Gabriela, Celia e Celtia- fixeron o programa especial para comemoralo, seguindo a proposta de Ponte... nas ondas. Nel fan un breve repaso polo que é a nosa radio, o MillaFalaDoiro.

Enlace á publicación do programa na web de Escolas... nas Ondas

Ademais tivemos unha presentación do que é a nosa radio na biblioteca do noso centro por parte de Erik Cadavid, técnico e colaborador incansable deste proxecto.

"Espazos para a reflexión", a escola de nais e pais de ANPA Milla, en colaboración co Concello de Ames, continua a súa actividade no mes de febreiro de 2023 co desenvolvemento de dous interesantísmos temas: a xestión de conflitos (luns, 14 de febreiro, a partir das 17:00 h) e os camiños da sexualidade (luns, 27 de febreiro, a partir das 17:00 h) a cargo da educadora social, Rebeca González.  Non os perdades estas actividades que se desenvolverán no IES do Milladoiro.