III Olimpíada de convivencia: resultados de novembro

Proxección da película realizada polos nosos alumnos, DE MILLADOIRO A SEIDÓN

O sábado 16 de decembro, no marco do festival Cinema e crianza, será proxectada ás 11:00 na Casa da cultura de Bertamiráns a película De Milladoiro a Seidón, realizada polo alumnado participante no proxecto CINE EN CURSO (2016/2017). Mónica García, a coordinadora deste proxecto, asistirá á proxección para explicar como se desenvolveu esta iniciativa educativa. A entrada é libre e gratuíta.

Conmemoración da Declaración dos Dereitos Humanos

A Biblioteca do IES do Milladoiro celebrou o luns 11 de decembro o 70 aniversario da Declaración dos Dereitos Humanos cunha lectura plurilingüe deles e a exposición de Amnistía Internacional Os dereitos humanos e a pintura.

Ciencia colaborativa

   Durante o mes de novembro, o alumnado de Ciencias Aplicadas á Actividade Profesional (CAAP) participou nun proxecto de ciencia colaborativa de ámbito mundial. O proxecto leva por nome The art of crystallitation e foi deseñado pola Royal Society of Chemistry. Neste enlace pódese acceder a toda a información, ós datos obtidos polo alumnado e a algunhas imaxes da actividade.

Segundo obradoiro de traballo do EPD_Lab con AGARESO

Neste enlace podemos acceder ao resultado da segunda sesión de traballo, que versou sobre o sexismo nos medios de comunicación. O Laboratorio de Educación para o Desenvolvemento é unha iniciativa da Asociación Galega de Reporteiros Solidarios (AGARESO) na que o IES do Milladoiro participa nun traballo conxunto con outros catro centros galegos.

Charla: Redes sociais e mocidade

A Nova Escola Galega, en colaboración co Concello de Ames, organiza unha charla-debate sobre Redes sociais e mocidade, o mércores 13 de decembro ás 17:30 no IES do Milladoiro.

Concerto do Coro Son Elas

O martes 12 de decembro ás 17: 20 o coro Son Elas actuará para o alumnado de 2º de ESO no salón de actos do IES do Milladoiro.

Exposición: Á violencia de xénero dille NON!

Do 1 ao 18 de decembro poderemos ver, organizada pola Biblioteca do centro, a exposición da Secretaría Xeral da Igualdade da Xunta de Galicia Á violencia de xénero dille NON! Cun formato de banda deseñada e unhas mensaxes sinxelas e claras, amosa comportamentos discriminatorios presentes nalgunhas  relacións afectivas e sociais e que son un sinal incipiente de violencia machista.

Excursión a Andorra - Reunión informativa

Convocamos ás familias do alumnado que participará na excursión a Andorra a unha reunión informativa o martes 16 de xaneiro de 2018 ás 18:15 no salón de actos do noso centro.

Nela daremos as últimas recomendacións. Recordamos:

7 de decembro, Día do Ensino

Recordamos que a Consellería de Educación estableceu como Día do Ensino para o curso 2017/2018 o 7 de decembro, que polo tanto será día non lectivo (ORDE do 12 de xuño de 2017).

Distribuir contido