EDLG

MEDIO MINUTO DE CIENCIA EN GALEGO: EDLG DO IES DO MILLADOIRO

"Medio minuto de ciencia en galego" é o novo concurso que presenta este curso escolar o Equipo de Dinamización da Lingua Galega do IES do Milladoiro. Os primeiros vídeos pertencen a catro alumnas de 3º da ESO: Irene Vázquez e Antía Somoza, que nos falan de Isabel Zendal, e Lucía Romar e Alba Sueiro, que o fan sobre as cores de outono.  

Equipo de Dinamización da Lingua galega

Profesorado 21/22   Alumnado 21/22   Persoal non docente
    PROGRAMACIÓN 21/22    

Valentina Formoso Gosende (coord.)

REPRESENTANTES

PROFESORADO

Raquel Baños Iglesias

 

Milagros Diéguez Taboada

 

Manuel  Maseda  Deán

 

PROFESORADO COLABORADOR 

María Xosé Fernández Rivas

 

Beatriz Otero Enjo

 

 

 

1º ESO

Nicolás Puga Martínez. 1º B

Yago Núñez Otero. 1ºB

Noa Mesías Santos. 1º B

 

2º ESO

Sainza Ruiz Sánchez. 2ºA

Uxía Reyes Penas. 2ºA

Erik Cadavid Rusenov. 2ºD

Sara Martínez Vázquez. 2ºD

Paula Lourido Rodríguez. 2ºD

Paula Mosquera Mariño.2ºD

Marta Mayo Sobradelo. 2º D

 

3ºESO

Sara Rey Lestido. 3ºA

Uxía Riveiro Fernández. 3ºA

Antía Somoza Bóveda.3ºA

Breogán Fajundes Cerviño.3ºC

Diego Madarnás Iglesias.3ºC

Lucía romar Ríos. 3ºD

Alba Sueiro Soto. 3ºD

Irene Vázquez Calviño.3ºD

 

1º BACHARELATO

Eloi Zabala González. 1ºB

 

2º BACHARELATO

Yomara Ferreiro Lesta.2ºA

Paula García Martínez.2ºA

Enia Villaverde López.2ºA

Carlota Vicente Lorenzo.2ºB

 

 

  Jesús Dono Quintela

O noso alumnado faise con dous "regueipremios"

Nós  queremos  igualdade, composta  e interpretada  polos  Pitifláuticos (Lorena,  Noelia,  Ana, Nacho, Matías,  Aldán,  Alberto, Álex, Iria  e  Uxía, alumnas  e  alumnos de  2º  ESO D  e  2º  ESO E)  vén  de  gañar  o premio á  regueifa  máis  diversa  na  categoría  escolar.

Por  outra  banda, o  dúo Rimas  coma  balas, formado por  Inés  e  Adrián (2º  ESO F),  resultaron  agraciados  co premio á  reguifa máis  reivindicativa por  Exprésate  rimando.

Moitos  parabéns  aos  afortunados! Neste  enlace podedes  acceder  a  toda  a  información sobre  a  convocatoria  e, como  non, a  todas  as   demais regueifas  premiadas. 

"Vida infinita" gañadora no XLII Certame Terra Chá de creación infantil e xuvenil

Vida  infinita, creada  e  interpretada por  Mary  Iglesias  Bermúdez, resultou  gañadora  no XLII Certame  "Terra  Chá"  de  creación  infantil  e  xuvenil  organizado pola  asociación  Xermolos  de  Guitiriz. Os premios  entregaranse  na XLII edición  do  Festival  de  Pardiñas, que se  celebrará  o 28  de  agosto ás 19h no  Campo  da Feira  de  Guitiriz. Parabéns!

Eloi Zabala González gaña o IV Concurso de Videopoemas

Hoxe, 15  de maio, en  Outeiro  de  Rei, lugar onde  está  a  Casa-Museo  Manuel  María, déronse  os premios  de  videopoemas da  IV Edición  do  Concurso de  videopoemas  sobre  composicións poéticas  de  Rosalía  e  Manuel  María. Eloi  Zabala  González, alumno  de  4º ESO A, conseguiu  un  dos premios  outorgados  cun vídeo realizado  a partir  do poema "Cando non  haxa"  de  Manuel  María.

                                  

Lusofonia

Hoxe, 5 de maio, é o Día da Lingua portuguesa, segundo instaurou no ano 2009 a CPLP (Comunidade de Países de Lingua Portuguesa). O galego, como lingua irmá, permite comunicarnos con falantes da CPLP, con todo o mundo lusófono. Pero, ademais, hai alumnado que estuda portugués no instituto e que fixo un par de programas aproveitando o que aprendeu nas aulas.

O grupo de 3º ESO C gravou un programa específico sobre o Día da Lingua portuguesa, e o grupo de 4º ESO fixo, para o 25 de abril, día da Revolución dos Cravos, un programa especial. Este contou coa colaboración de alumnado que non estuda portugués pero que se implicou aprendendo a canción da revolución, Grándola, vila morena. Co agradecemento a Eloi Zabala e a María Iglesias, deixámosvos os podcast para que escoitedes e mais tamén a gravación que se fixo da actuación en directo destes dous artistas, acompañados polo profesor de música Manolo Maseda, o pasado luns 26 de abril.

 

Enreguéifate 2021

O proxecto Enreguéifate foi adiante tamén este curso. Con máscaras, con distancia e con grupos reducidos, o alumnado de 2º ESO aprendeu a regueifar da man de Lupe Blanco, mais tamén  aprendeu moitas cousas sobre improvisación oral. Nos seguintes vídeos podedes ver a potencialidade dalgún alumno do IES, e mais unha "lección" en verso sobre a improvisación oral no mundo.

 

 

Contos para Pi

 O número Pi é o protagonista de dous contos realizados no marco das actividades organizadas para o 14 de marzo (Día de Pi). Xa vistes que se fixeron bastantes actividades para esta conmemoración, demostrando ademais que se pode usar o galego para tratar de cuestións matemáticas, neste caso, do número Pi.

Paula Mosquera e Elena Núñez conxugaron literatura e matemáticas con cadanseu conto: Pi, o doutor inesperado é o título de Paula, Crimes detrás de Pi o de Elena. Non deixedes de escoitalos!

 

"Vida infinita": a canción para conmemorar o Día do número Pi

O pasado 14 de marzo celebrouse o Día do número Pi e no noso IES a rapazada de diferentes niveis fixo bastantes actividades arredor do famoso 3,14...

Mary Iglesias Bermúdez, alumna de 2º ESO A, compuxo unha peza musical titulada Vida infinita, que ademais interpretou cantándoa acompañada do ukelele. Desde o Equipo de Dinamización da Lingua Galega gravouse o vídeoclip coa canción, nunha actividade na que participaron os departamentos de Matemáticas e de  Música e na que colaborou todo o alumnado de 2º ESO A.

 

O MillaFalaDoiro estrea novo programa: "Sinag" de Yomara Ferreiro

Arranca un novo programa dirixido por Yomara Ferreiro. Chámase Sinag, que quere dicir "raio de luz", un nome aberto para un programa que non está enfocado a un tema concreto.

O primeiro podcast recollía unha reflexión a propósito da situación que levamos vivindo este ano e o segundo centrouse nos conceptos que se manexan para atender a diversidade sexual.

 

 
 

Día de Rosalía 2021: Photocall no centro e participación no acto do concello

Neste vídeo recóllense as imaxes do Photocall feito o pasado mércores para conmemorar o Día de Rosalía. A actividade, organizada polo EDLG en colaboración co Comité de Igualdade, titulouse "Rosalía tamén tivo teito de cristal" e estivo centrada no papel da autora como defensora dos dereitos da muller.

 

Pola tarde, Aroha Brandón, Ana Caamaño, Uxía Reyes e Alba Vidal foron as encargadas de ler parte do manifesto que escribiu Anne Figueirido para a AELG e que se leu nun acto sinxelo diante da casa de Barbazán en Bertamiráns, onde Joseba Muruzabal pintou "as Rosalías"

 

Día de Rosalía 2021: Rosalía internacional

 A primeira actividade que deseñou o Equipo de Dinamización da Lingua Galega para conmemorar o Día de Rosalía, que se celebra o 24 de febreiro, deu como resultado este vídeo, titulado "Rosalía internacional". Aproveitando a riqueza que supón a multiculturalidade do noso centro, vinte alumnas e alumnos de nacionalidades diferentes, leron un dos poemas máis coñecidos da autora. A rapazada que se está a integrar no Milladoiro do século XXI ponlle voz á internacional poeta galega que lle cantou á emigración.

 

O último programa de "Igualdade e Saúde" centrouse na coeducación

"No día a dia reproducimos estereotipos machistas sen nos decatar porque vivimos nunha sociedade patriarcal; as familias, os medios de comunicación e tamén o sistema educativo contribúen a perpetualos. A incoherencia entre o que pensamos e o que facemos (curriculum oculto) delata o peso da socialización do que non somos conscientes, unha influencia tan sutil que resulta moi eficaz. Polo tanto hai que estar alerta, e para desvelar a desigualdade teremos que por os lentes violeta". Con estas palabras de Chis Oliveira e Amada Traba arrancan Paula García e Carlota Vicente o terceiro podcast do seu programa "Igualdade e Saúde", centrado na coeducación.

A entrevista fixéronlla a Carme Moure, profesora no IES Xelmírez I de Santiago, das materias de Igualdade de xénero (2º ESO) e Coeducación para o século XXI (1º BAC).

 

Novo podcast no MillaFalaDoiro. Programa Igualdade e Saúde

Xa temos a segunda entrega do programa Igualdade e Saúde.

Dirixido por Carlota Vicente e Paula García. Nesta ocasión trataron o tema das mulleres na física. A entrevista fixéronlla a Encina Calvo, profesora no grao de Enxeñaría química da USC.

Estade atentas e atentos que xa vai saír en breve o podcast seguinte deste programa.

Peche do ano dedicado a Ricardo Carvalho Calero

Desde o Equipo de Dinamización da Lingua Galega do IES do Milladoiro quixemos pechar o ano dedicado a Ricardo Carvalho Calero coas seguintes accións:

  • Actuación de Serafín Marcos para o alumando de 4º ESO.
  • Programa de radio coa entrevista a dúas ex-alumnas do autor, unha delas a profesora de inglés do noso centro: Rosa López Boullón.
  • Proxecto "Aos quatro ventos"- Leitura colaborativa-expansiva da obra do autor.

Imos por partes:

 Serafín Marcos achegouse ao centro o pasado 18 de decembro. No blog do ENDLG hai unha breve crónica sobre a actividade e mais a dedicatoria que nos deixou. Tamén lle concedeu unha entrevista a Diego Madarnás, que se pode escoitar na sección de podcast da radio MillaFalaDoiro.

         

 

 

 

 

 

 

 

 

 

 

 

 

 

 Sara, Alba e Lucía fixeron o último programa de radio do trimestre dedicado a Carvalho Calero e decidiron entrevistar a dúas profesoras que foran alumnas do autor homenaxeado. Unha delas, Rosa López Boullón, do departamento de inglés do noso centro; a outra, a profesora de Lingua galega e literatura, Merche Espiño, docente nos últimos anos do IES Eduardo Pondal de Santiago. Entre as dúas achegan unha panorámica, desde a propias experiencia persoal, da calidade humana e profesional do profesor Calero, tanto no instituto Rosalía de Castro, coma na universidade compostelá.

 

O proxecto "Aos quatro ventos" naceu no noso centro coma unha proposta de acción cooperativa-expansiva entre os centros de Galicia que se quixesen sumar. Lanzouse a principios de decembro e, a pesar das datas, sumáronse 30 centros desde os que se fixeron lecturas de fragmentos de obras do autor, tanto literarias como non literarias. O repositorio está colocado desde este 22 de decembro na canle de Youtube do EDLG e a partir del, desde o IES Perdouro de Burela, coa colaboración do profesor Bernardo Penabade, realizaron un espectacular programa de radio.

 

 

Desde aquí podedes acceder a todos os centros que leron: poesía, teatro, novela (con varios capítulos d'A xente da Barreira, algunha mostra de Scórpio ou todo o relato As pitas baixo a chuvia, moitos fragmentos da súa obra en prosa  ensaística, xornalística...

 

 

 

 

 

Entrevistas con Diego

Entrevistas con Diego é o programa de entrevistas que Diego Madarnás Iglesias (2º ESO) vén de botar a andar. A primeira entrevista fíxolla a unha compañeira, Lucía Sobrado, alumna de 4º ESO, que vai comezar  co seu programa Diario  dunha  estudante, dedicado aos libros e outras cuestións relacionadas e que vai soar en breve. 

RadioMillaFalaDoiro empeza a emisión co programa Remendando Música

Este curso vén de botar a andar o proxecto de radio que se desenvolve desde o Equipo de Dinamización da Lingua Galega (EDLG) e da Biblioteca do IES do Milladoiro, proxecto que comezou o curso pasado, pero que non se puido concretar en ningún programa, porque a pandemia non deixou gravar. Mais agora, coas medidas de seguridade pertinentes, arranca o primeiro dos varios programas deseñados pola rapazada do EDLG: Remendando música. Pensouse este programa para dar a coñecer a música que se fai en galego e, en especial, a música feita por mulleres.

Este primeiro programa empeza forte, cunha entrevista a Guadi Galego coa primicia do seu novo disco, Costuras. Sara Rey, Alba Sueiro e Lucía Romar, alumnas de 2º ESO e xa formantes do Equipo de Dinamización desde o curso pasado, foron as encargadas de presentar e entrevistar á artista, ao tempo que pincharon cancións do seu novo disco, que vén de presentarse este pasado venres 20, pero que Guadi lles adiantou en exclusiva.

Escoita o programa  aquí!

Xurxo Mariño falounos de teléfonos móbiles e saúde

 

O doutor en Ciencias Biolóxicas e especialista en neurofisioloxía, Xurxo Mariño,  estivo este venres no IES con motivo do Día da Ciencia en galego, organizado polo EDLG. Debido ás restricións impostas pola COVID, só un grupo de 1º de  bacharelato puido escoitar en persoa a súa charla sobre móbiles, radiación electromagnética e cerebro.

Presentárono  Paula García e Yomara Ferreiro, alumnas desa clase e membros do Equipo de dinamización. A exposición de Xurxo ocupou dúas sesións de clase e o alumnado tivo oportunidade de facerlle preguntas.