"Onte, o Club de Ciencia, fixo entrega dos premios da actividade realizada o venres para conmemorar o Día da Muller e da Nena na Ciencia. Para esta entrega tivemos unhas invitadas moi especiais, Laura Rozas e Claudia Bretaña, exalumnas do centro que actuaron como Marie Curie e Marie Lavoisier e fixeron un experimento ante todas e todos os asistentes ao acto. Moitas grazas a todo o alumnado participante e parabéns aos gañadores: Yago Bouzas, Xoel Reinaldo e Sergio Abucide. E moitas grazas a Laura e Claudia por continuar con tanta implicación co centro, coa ciencia e reivindicando o papel da Muller en tódolos ámbitos "

CLUB DE CIENCIA

Árbore de Nadal con material de laboratorio

Mensaxes navideñas con elementos da Táboa Periódica

Fecendo un caleidociclo

Formación dunha árbore de Nadal por reacción REDOX do cobre con nitrato de prata

O vindeiro 29 de novembro (martes), o Club de Ciencia do IES do Milladoiro conmemora o mes da Ciencia en galego cuns obradoiros experimentais, nos que os seus integrantes (rapaces e rapazas de 2º ESO, 3º ESO, 4º ESO e 1º Bacharelato) explicarán aos máis pequenos do instituto (alumnado de 1º ESO e 2º ESO) curiosidades da ciencia da mellor maneira para entendela, EXPERIMENTANDO!!!

O club de ciencias presentou o traballo realizado no curso escolar 2021-2022, no que participou alumnado de 1º e 2º de bacharelato. No seguinte vídeo pódense ver as distintas experiencias que levaron a cabo. Os experimentos realizados no presente curso foron:

• Combustión espontánea, por Nuria Chan, Juan Calvo e Carlos Lago.
• Explosión cunha pinga de auga, por Claudia Bretaña e Laura Rozas.
• Pasta de dentes para elefantes, por Alba Diez, Xabier Nóvoa e Alejandro Tato.
• Xeo instántaneo, por Manuel Caamaño, Paula Dacunha e Nerea Suárez.
• Sodio en auga, por Aldara Gómez e Alba Mosquera.

“A ciencia é unha forma de pensar, moito máis que un corpo de coñecementos”, Carl Sagan