Publicamos os documentos ca información sobre as datas e lugares de realización das probas libres de acceso a cliclos, correspondentes a este ano 2024. Prema nos textos correspondentes para ver o documento.

    INSTALACIÓN E MANTEMENTO

Xornada de Acollemento das probas libres deste ano no CIFP Coroso.

Información importante: A xornada de acollemento, de asistencia obrigatoria, desenvolverase o día 3 de xuño ás 10:30 horas na sala de reunións do centro novo (Aula C008).

A non asistencia inxustificada a esta xornada de acollemento ou a calquera outra das partes en que se organiza a proba será causa de baixa de oficio da matrícula.

Con motivo do Día 2 de Maio  " Día Mundial contra o acoso e ciberacoso escolar" celebramos con 1º FPB e alumnado de 1º ESO do IES N.1 un obradoiro para previr e detectar o acoso nos centros.

No CIFP Coroso queremos celebrar o Día Internacional do Libro coa exposición  "Libros ao clareo" que se montou na entrada do centro novo. Ali poderanse ver as  recomendacións literarias do noso alumnado e membros da comunidade educativa. Animávosvos a visitala.

O día 4 de abril o CIFP Coroso acudiu cun stand a Feira das Profesións que organizou o IES de Ames. Ali estaban represantadas as 5 familias profesionais que se ofertan no centro.

Alumnado e familias acudiron a visitar a feira en horario de mañá e de tarde para coñecer a oferta educativa que ali se exhibía.

O alumnado do IES N.1 de Ribeira visita os laboratorios da familia de Industrias Alimentarias.
O día 3 e 8 de abril recibimos ao alumnado de 1º ESO e o 5 de abril ao de 2º de bacharelato.

O pasado xoves 21 de marzo desenvolveuse un Obradoiro sobre Sexualidade e Auto Estima co alumnado de 2º FPB impartido por Laura Veiga, sexóloga e xornalista.  Un total de 20 alumnos/as recibiron esta formación durante 2 horas.

Se queres solicitar unha bolsa de axuda ao estudo para o curso 2024-25 lembra que o prazo de solicitude será do 19 de marzo ao 10 de maio incluído. Atoparás toda a información de como se fai o procedemento, neste documento.

Celebramos o 8 de marzo, Día internacional da Muller traballadora, e este ano no centro quixemos visibilizar a mulleres creativas, científicas, inventoras.. e montamos unha exposición co legado desas mulleres. Dita exposición atópase repartida entre os dous edificios do centro.