Música

Profesorado do departamento e programacións 2023-24

Profesorado

Paredes Durán, Xoana Maria (XD)
Maseda Deán, Manuel

Programacións

  • Música  (2º ESO)
  • Música  (3º ESO)
  • Música (4º ESO)
  • Educación en Valores Cívicos e Éticos (3ºESO)
  • Proxecto competencial
  • Artes Escénicas I

A-PORTAS OU A-PARTAS

curtametraxe escrita, realizada e producida polas alumnas de Artes Escénicas e Danza de 4º da ESO do noso instituto.

Euterpe, terceiro posto na Gala Final Quero Cantar 2023

Noraboa a Euterpe polo seu sensacional éxito na Gala Final "Quero Cantar" que se desenvolveu hoxe, 23 de abril de 2023, no Teatro Colón da Coruña. ontendo o terceiro posto no certame.

 

Faladoiro con Juan Manuel Montilla (El Langui)

Hoxe o alumnado de valores de terceiro da ESO do noso IES tivo a sorte de escoitar, sentir e interiorizar toda a enerxía que desprendeu Juan Manuel Montilla (Langui). Un faladoiro emotivo e directo para achegarnos á convivencia positiva desde unha perspectiva moi persoal.
 
 
 
 
As vivencias narradas por este artista multidisciplinar fixeron que o noso alumnado ficara moi feliz e reflexivo ao rematar a súa exposición. Que non nos digan que non podemos
Obrigado mestre
 
 
 

Preparación do grupo Euterpe para a Gala "Quero Cantar"

Hoxe fixemos sesión  promocional do grupo Euterpe. O video realizado será empregado para a presentación da súa actuación na Gala Final deo certame "Quero Cantar". Será  o próximo domingo, 23 de abril, ás 17:30 h no Teatro Colón da Coruña

Parabens para toda a rapazada pola seu esforzo e creatividade. E elmbrade que coma di a canción: "Con zocos córrese máis"

 

 

Unha música no insti

"Unha música no insti" é o último proxecto da artista multidisciplinar Laura Romero Pereira
 
Temos a sorte de contar no IES do Milladoiro coa súa primeira proposta de murais interactivos con información sobre referentes na música galega. É un proxecto artístico presencial e virtual pensado para xente moza, que consiste na creación de diferentes murais de pequeno formato espallados en diferentes IES e CPIs da provincia da Coruña. O obxectivo é familiarizar ás novas xeracións coas mulleres referentes da nosa música. 
 
No noso caso, o mural conta con artistas como Guadi Galego, Ameixeiras e Caamaño, Elba Souto e Aida Tarrío (Tanxugueiras). 

 

Obrigado compañeiras por tanto talento e creatividade!!!

30 de xaneiro: Día Escolar da Non Violencia e a Paz

PAZ LINGÜÍSTICA

"Lela" de Castelao. Interpretación: María Iglesias (piano) e Dora Iglesias (frauta)

Actividades do Día da Non Violencia e a Paz

 

Actividades do Día Internacional da Non Violencia e a PAZ. Equipo de Dinamización da Lingua Galega. Biblioteca. Departamento de Música

1º recreo
Proxección e lectura de viñetas en homenaxe a Castelao.
Lectura dun manifesto pola paz.
Exposición de recortables realizados polos axudantes de biblioteca.

2º recreo
Interpretación de Lela de Castelao  a cargo de María Iglesias (voz e piano) e Dora Iglesias (frauta)
Cancións pola paz.

Sede na Nova Galiza (O poeta que baila, Florencio Delgado Gurriarán)

Regueifesta e o IES do Milladoiro na illa de Sardeña

Dentro do Proxecto Regueifesta, no que participa o noso centro xunto  ao CFR de Vimianzo, o IES Marco do Camballón de Vila de Cruces  e o CEIP Labarta Pose da Coruña, da man dun proxecto de Erasmus +, e que se centra na recuperación e impulso da Regueifa, desenvolveuse unha visita á illa de Sardeña, para contactar con distintas asociacións culturais da zona ou intérpretes como Bernardo Zizi, unha das grandes figuras da improvisación oral en verso de Europa.

A actividade non pasou inadvertida para os diferentes medios de comunicación do país. Velaquí tedes algúns exemplos da súa recpercusión nas seguintes ligazóns:

LA VOZ DE GALICIA

EL CORREO GALLEGO

FARO DE VIGO

NH DIARIO

Gravación en estudio, co alumnado do Colectivo Euterpe, do tema "Hai sede na nova Galiza"

Esta semana tivemos a grande oportunidade de poder gravar na "Ponte Estudos" con Tomás e Alén como técnicos. Aprendemos moito e coñecemos a xente moi interesante, como Xurxo Souto, Antía Ameixeiras, Lola de Ribeira, Richi, Ricardo Gurriarán...

 

 

 

Foi un día cheo de emocións, no que o noso alumnado gravou voces, trompeta, percusións, baixo eléctrico, bailou...

 

 

En breve poderemos estrear o vídeo-clip para que todas e todos vexades o froito de tanto traballo, esforzo e compromiso polo labor en grupo.

Eco-percusión

O noso alumnado de 2º da ESO gozou o venres, 18 de novembro, dunha sesión de percusión con tambores reciclados: ecoloxía e música con ritmo, achegándonos ao mundo da batukada con Sara.

Moitas grazas pola enerxía que nos cargaches para a fin de semana.

N.E.V.E.R.M.O.R.E

Na canle de youtube do EDLG do IES do Milladoiro podedes acceder a dous videos relacionados ca actividade que fixo o alumnado da materira de Artes Escénicas e Daza, trala visión da obra teatral "N.E.V.E.R.M.O.R.E" no Auditorio de Galicia o 10 de novembro, representada por Xacobe Martínez Antelo, Patricia de Lorenzo, Mónica García e Xurxo Pinheiro.

O primeiro vídeo é unha explicación sobre a técnica Foley e o segundo, unha entrevista a Xacobe Martínez Abtelo. A entrevista forma parte do proxecto educativo "ao son da dobraxe". 

 

 

Recoñecemento como excelente do proxecto "O poeta que baila"

 

O proxecto, "O poeta que baila" no que participaron, conxuntamente, o IES do Milladoiro e o IES Marco do Camballón de Vila de Cruces, obtivo a consideración de "excelente", no marco da Resolución dos proxectos de innovación educativa en dinamización lingüística 2021-2022 O proxecto trata do vínculo existente entre a obra literaria de Florencio Delgado Gurriarán e a música galega e latina, encargándose o alumnado do noso centro de analizar a vinculación das obras de Delgado Gurriarán con sons americanos como o da rumba, o veracruzano ou o tango.

Noraboa a todos os participantes do noso centro neste proxecto que con este recoñecemento, ven a culminar o gran traballo feito polo Equipo de Dinamización da Lingua Galega, coordinado con outros departamentos como o de Música

Día europeo da Música no IES do Milladoiro

Hoxe celebramos no IES do Milladoiro o Día europeo da Música do mellor xeito que se podía facer: coas actuacións do noso alumnado, que converteron o acto nunha xornada festiva e orixinal grazas ás actuacións de María (piano), Simón (guitarra), Dora e Elena (frauta), Anxo (violín) e Breogán e Martiño Fajundes (pandeireta e gaita).

O IES do Milladoiro, gañador no "Olloboi 2022"

O IES do Milladoiro foi gañador no Olloboi 2022, un festival de curtametraxes educativas, que se celebra en Boiro e que serve para visibilizar a creación galega nas aulas. O premio foi outorgado pola curta Terra da fraternidade, O Milladoiro que queremos.

O centro non puido estar presente na recollida do premio, aínda que a súa ausencia intentou ser suplida cunha regueifa enviada dende as Terras de Compostela ao Barbanza. Parabéns e grazas ao alumnado de 3º de ESO do IES do Milladoiro do curso 2020/2021  polo seu traballo.

Xiana, Simón e Erik

Baile tradi

Colectivo Tradi "Euterpe"

Recitado. Florencio Delgado Gurriarán

Día das letras galegas 2022

Homenaxe a Florencio Delgado Gurriarán do Colectivo Euterpe

Regueibertso 2022

Corenta alumnas e alumnos dos institutos do Milladoiro e de Vila de Cruces están participaron no encontro"Regueibertso"en Igorre, Biscaia, de improvisación oral en verso.

Regueifeiros/as da Galiza, glosadors dos Países Cataláns e bertsolaris vascos adolescentes reúnense neste encontro de dúas xornadas educativas.

A Regueifesta é un proxecto de innovación educativa que desde 2015 impulsa a regueifa como ferramenta para a normalización lingüística, a educación musical, a educación en valores como o feminismo, a autoxestión ou a transformación social.

Esta é a cuarta vez que regueifeiras adolescentes visitan Igorre, nun proxecto que vén reunindo cada ano repentistas de Galiza, Cataluña e Euskadi nun destes tres países.

Durante estas xornadas, o alumnado improvisador participou e organizou actividades de valoración das linguas e culturas propias, desde a poesía oral e a música até o baile ou o deporte tradicional. O día 7 de abril tivo lugar o festival Regueibertso no auditorio de Igorre, onde o alumnado improvisou con artistas do País Vasco como Onintza Enbeita.

A Regueifesta comprende a improvisación oral como un recurso educativo fundamental para unha educación humanista, onde as emocións e os afectos son motor das relacións persoais e do empoderamento individual e colectivo, a autoestima e o sentido crítico. 

A prensa di:

O CORREO GALEGO



21 NOTICIAS



ÁBRETE DE ORELLAS



BERTSOA

Manifesto regueifeiro: Non ás guerras

Este 1 de abril, o alumnado do IES do Milladoiro, concentrouse para participar no manifesto-regueifeiro-expansivo "NON ÁS GUERRAS". Un berro colectivo de alegría ante tantas guerras, para que as armas disparen flores e versos libres

 

Vídeo do concerto-faladorio de flamenco

 

Velaquí tedes o vídeo do concerto-faladoiro de flamenco,que levaron a cabo  Josemi Carmona (guitarrista de Ketama), Rafita de Madrid (cantador flamenco) e Moisés Fernández (tocador de caixón) para o alumnado do noso centro.

Concerto-faladoiro de flamenco

O xoves 10 organizouse no Auditorio do Milladoiro un concerto-faladoiro, dende o Departamento de Música, coa colaboración do alumnado da Radio e do Equipo de Dinamización Lingüística.

Tivemos a gran sorte de contar coa visita de tres grandes artistas internacionais de flamenco: 
Josemi Carmona (guitarrista de Ketama), Rafita de Madrid (cantador flamenco) e Moisés Fernández (tocador de caixón). O alumnado participou activamente no evento, posto que presentou Rebeca (que tamén bailou ao final), tocou Simón a guitarra e Diego bailou e cantou. Erik foi o encargado da loxística da gravación e da entrevista para a radio. 

 
A maiores de realizar o concerto, estes músicos fixeron un faladoiro moi interesante, no que o alumnado participou cunha serie de preguntas. Tratáronse temas moi diversos e interesantes que axudan a empoderar o alumnado para que siga estudando e perseguindo os seus soños. Xenerosos artistas con grandes palabras de ánimo para o alumnado, que serven para mudar narrativas cara a camiños motivadores.

Foi un día que seguro que o alumnado non esquecerá na vida. 


 

Moitísimas grazas a Josemi, Rafita e Moisés por tanta xenerosidade e arte.

Grazas tamén a Rosa Bugallo por facilitar que viñeran os artistas ao centro, e ao Concello por ceder as instalacións e acompañarnos no evento.

O alumnado do EDLG do IES do Milladoiro nos actos do Día de Rosalía organizados polo concello de Ames

As Rosalías do Milladoiro, nos medios

Día de Rosalía de Castro 2022. Actuación musical. Colectivo Euterpe.

NO BICO UN CANTAR (MARÍA, DORA, ERIK E ELOI)

NASCÍN CANDO AS PRANTAS NASCEN (XIANA E SIMÓN)

La Voz de Galicia: Euro a de repente

O programa de erasmus +, Euro a de repente, na que participa o IES do Milladoiro, apareceu recollida nos medios de comunicación e en concreto en La  Voz de Galicia. Amosamos aquí o artigo

Concerto didáctico da Real Filharmonía de Galicia

Hoxe 27 de xaneiro, parte do alumnado de 3º ESO asistiu a un concerto didáctico da Real Filharmonía no Auditorio de Galicia. O concerto titulábase Das tebras á luz, e baixo a batuta do director ourensán Pablo Devigo, a RFG interpretou pezas de Stravinski, Mussorgski, Manuel de Falla e John Williams. A xornada rematou cun paseo polo parque de Vista Alegre e pola zona vella da cidade de Santiago.

Distribuir contido