Complementarias
Campionato de Fútbol Sala
Enviado por Vicedirec. o 8 Xullo, 2016 - 12:30O mércores 22 de xuño disputáronse as dúas finais do Campionato de Fútbol Sala. Os resultados por categorías foron os seguintes:
- Categoría 1º-3º de ESO: Gañador o equipo "Los leones del Atlas".
- Categoría 4º-Bacharelato: Gañador o equipo "Bazaliños".
Parabéns!
Campionato de pimpón
Enviado por Vicedirec. o 8 Xullo, 2016 - 12:25Na final do Campionato de Pimpón disputada o mércores 22 de xuño resultou gañador Carlos Delgado Tejedor e en 2º lugar Pablo Diéguez Rebolo, alumnos de 2º de ESO. Parabéns!
Fotos do Acto de despedida de 2º de Bacharelato
Enviado por Vicedirec. o 16 Xuño, 2016 - 12:08Xa están dispoñibles as fotografías da Graduación de 2º de Bacharelato. Pódense consultar na nosa galería Flickr.
.
Visita do alumnado do CEIP Pérez Viondi
Enviado por Vicedirec. o 15 Xuño, 2016 - 12:26O vindeiro luns 20 de xuño ás 10:30 recibiremos a visita do alumnado do CEIP Pérez Viondi. Serán recibidos na Sala de Usos Múltiples do centro e, a continuación, realizarán un percorrido polas instalacións.
Fotos do obradoiro de música electrónica con obxectos cotiáns
Enviado por Anónimo o 13 Xuño, 2016 - 19:00O pasado martes 24 de maio o alumnado que cursa Tecnoloxía Industrial I e II participou na actividade "Obradoiro de música electrónica con obxectos cotiáns", organizada polo Departamento de Tecnoloxía e financiada pola ANPA do centro. Dito Obradoiro foi impartido polo enxeñeiro electrónico e músico Mateo Mena Calavia.
O obxectivo da actividade foi a construción de diversos dispositivos sonoros a través de cadanseu proxecto concreto. Para isto empregáronse materiais cotiáns xa que o obxectivo primordial foi o de estimular a creatividade, a concienciación ambiental e a aprendizaxe cooperativa, poñendo en xogo coñecementos concretos de tecnoloxía (electrónica, electricidade) e xerais de física, química e música.
Velaquí unha reportaxe gráfica de dito obradoiro:
"Mesa de traballo informativa"
Enviado por Vicedirec. o 27 Maio, 2016 - 10:21Hoxe venres 27 de maio, de 13:35 a 14:25, terá lugar na Sala de Usos Múltiples do centro unha "Mesa de traballo informativa" para o alumnado de 1º de Bacharelato. Falarase fundamentalmente das diversas perspectivas profesionais en diversas áreas de traballo.
Acto de Despedida de 2º de Bacharelato
Enviado por Vicedirec. o 24 Maio, 2016 - 12:45Mañá mércores 25 de maio ás 19:00 horas terá lugar no Teatro Principal da Estrada o Acto de Despedida do alumnado de 2º de Bacharelato. Moitas felicidades a tod@s!
Catalibros T1-Ep.1
Enviado por admin o 6 Maio, 2016 - 10:12Presentamos hoxe o primeiro episodio de Catalibros, unha serie orixinal elaborada polo equipo da MeGaBiblioteca.
Se estás interesado en participar, envía un correo-e a megabiblioteca@iesgarciabarros.org, indicando o teu nome, título do libro, cómic ou pelícua da túa elección, materia relacionada e profesor que a imparte.
Podes ler as instrucións detalladas neste documento.
Premiados do concurso "Coida a túa lingua"
Enviado por Secret. o 22 Abril, 2016 - 08:56Os gañadores do concurso "Coida a túa lingua", organizado polo Equipo de Normalización do noso centro foron: Ángel Louzao Neira (3º A ESO) na categoría A, Nerea Agrelo Turnes (4º C ESO) e Raquel Fonseca Pontes (4º C ESO) na categoría B e Suso Iglesias Torres (Departamento de Matemáticas) na categoría C.
Parabéns a todos eles!
Cervantes e de Shakespeare
Enviado por admin o 19 Abril, 2016 - 12:44Para celebrar o Día do Libro, a MeGaBiblioteca preparou unha selección de textos e outra de viñetas sobre a obra de Cervantes e de Shakespeare.
Ademais o venres 22 no segundo recreo teremos o Gran concurso d'O rosco de Miguel e William.
Apúntate na biblioteca para participàr. Xógase por equipos de catro persoas. Haberá premio para o equipo gañador.
Os xoves fóra da aula
Enviado por admin o 19 Abril, 2016 - 12:38O xoves 21 de abril comeza "Os xoves fóra da aula". Nos segundos recreos dos xoves poderemos presenciar algunhas actividades desenvolvidas nas aulas. Este xoves o alumnado de Literatura Universal de 1º de Bacharelato mostrará minirrepresentacións (unhas en vídeo e outras en directo) sobre escritoras anteriores ao século XVIII, realizadas por eles na aula baixo a coordinación de Chelo Vázquez.
Talleres de igualdade e prevención da violencia de xénero
Enviado por Vicedirec. o 5 Abril, 2016 - 11:20Hoxe martes 5 de abril comezan as sesións dos talleres de prevención de violencia de xénero para o alumnado de 2º de ESO. Terán lugar ao longo de seis martes, en horario de titorías. É unha actividade organizada polo departamento de Orientación en colaboración co Centro de Información á Muller (CIM) do concello da Estrada e a asociación Acrofam. Máis información neste enlace.
Charla da escritora Elena Martínez
Enviado por Vicedirec. o 4 Abril, 2016 - 11:07O vindeiro mércores 6 de abril ás 10:45 horas a escritora Elena Martínez virá ao noso centro a falar da súa obra aos rapaces de 3º de ESO. Trátase dunha actividade organizada polo departamento de Orientación.
Contido da charla da Selectividade 2016
Enviado por Vicedirec. o 3 Abril, 2016 - 21:37Logo da charla organizada polo Departamento de Orientación e impartida polo profesor Augusto Otero (1 de abril) para o alumnado de 2º Bacharelato sobre a normativa vixente e aspectos prácticos da Selectividade adxuntamos fichero do contido da mesma que pode ser consultado neste documento.
Roteiro d'A Esmorga
Enviado por Secret. o 1 Abril, 2016 - 10:09Este xoves 31 o alumnado deste Centro fixo un percorrido polo roteiro dos protagonistas d'A Esmorga pola cidade de Ourense para máis tarde desprazarse ao Pazo Museo de Trasalba de Otero Pedrayo.
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »
![RSS - Complementarias Distribuir contido](/centros/iesmanuelgarciabarros/misc/feed.png)