1º E.S.O.

Os nosos alumnos de 1º ESO participan nos obradoiros de Robótica na Cidade da Cultura.

Obradoiro de RobóticaO martes pasado, 31 de maio, os nosos alumnos participaron nos obradoiros de Programación e de Robótica na Cidade da Cultura.

Puideron coñecer a R2D2!

Coñeceron ademais, a un grupo de persoas que se esforzan en traballar coas novas tecnoloxías, e fomentar unha cidadanía con coñecemento dixital.

Os obradoiros estaban adicados a programar en Scratch (proxectos de programación nunha contorna de fácil aprendizaxe). Tamén traballaron programando uns Robots LEGO NXT e experimentaron con proxectos divertidos e asombrosos de ciencias e tecnoloxía... Ata tocaron un piano feito de froitas!

Participaron nunha charla sobre os riscos de navegar por Internet. Sacaron en claro, que é fundamental o apoio dos pais (control parental) e tamén o de crear contrasinais súper-seguras... ("un para todos e todos para un!" = "1xaTo2eTo2xa1!"). 

Ollaron a Cidade da Cultura dende o Monte Gaias en Santiago de Compostela, un espazo aberto e cheo de posibilidades...

Portáronse xenial e pasárono fenomenal!

Graciñas por todo!

 

 

Xornada de Convivencia na Devesa de Moa


     O pasado 1 de outubro, os 75 alumnos de 1º da ESO acompañados por sete dos seus profesores participaron nunha Xornada de Convivencia, que contempla o Plan de Convivencia do Centro co fin de facilitar o coñecemento e cohesión do alumnado, que provén de diferentes centros de Primaria e tamén establecer relacións de proximidade cos distintos profesores. Para este fin, deseñouse unha ruta de sendeirismo pola Devesa de Moa, onde ademais de compartir conversa e camiñata, deu pé para coñecer as excelencias naturais desta paraxe, da que cabe destacar a súa ampla biodiversidade botánica e zoolóxica. Igualmente serviu para coñecer os cursos dos ríos Deza e Zobra e valorar a importancia que a apicultura tivo no Candán, coa visita e explicación da función das alvarizas.

    A xornada foi un éxito de alegría e alumnos e profesores regresamos satisfeitos da experiencia. 

    Neste enlace pódense ver algunhas fotos da xornada.

 

BENVIDOS PRIMEIROS!!

 

 

A nosa biblioteca está xa a pleno rendemento. O venres 18 recibimos entre globos e festa aos cursos de 1º da ESO. Foi un primeiro encontro dos 75 rapaces co entorno da biblio.

 

Ensinámoslles as nosas 3 xoias do século XIX: os tres libros máis antigos dos fondos bibliográficos. Tamén viron fotos de hai 40 anos das instalacións que había entón no instituto para ler e estudar.

Todos  quedaron abraiados cando descubriron que o noso centro conta con máis de 14600 volumes rexistrados…¡¡¡¡¡¡¡¡¡¡

 

…e é que a Biblioteca do Laxeiro é pequeniña , pero xeitosa.  Aquí tes máis imaxes.

 

Premio "Clases sen fume"

Felicitamos ao grupo de 1º de ESO A, gañadores no Programa Clases sen fume co seu xogo "Tabacopoly". Como premios, unha fantástica viaxe ao Aquapark de Cerceda, e un premio de Innovación educativa á profesora Sara Castro. Felicidades!. Neste enlace podedes ver máis fotos.

Xornada de convivencia en 1º de ESO

O pasado luns, 20 de outubro, 85 alumnos e alumnas de 1º da ESO e seis profesores participamos nunha andaina pola fraga de Quiroga e arredores, en Catasós. Unha soleada mañá na que descubrimos algo máis acerca dos compañeiros, da fraga e do pazo de Quintela.Con ela perseguíase un mellor coñecemento e achegamento entre alumnos e docentes de 1º da ESO. A actividade, promovida desde a Comisión da Convivencia, ocupou un recreo e as catro últimas sesións de clase.

Intrépidos periodistas

 

A semana do 19 ao 23 de maio os alumnos de 1º ESO A viviron unha curiosa experiencia.

Tres membros do equipo directivo prestáronse moi amablemente  para ser entrevistados polos alumnos do primeiro curso da Eso. Armados os rapaces coas súas mellores armas lingüísticas  e armados os membros do equipo coa súa mellor sonrisa,  viviron  todos uns momentos distintos e  moi agradables. Un xeito diferente de ver o labor que se fai no centro dende a dirección e un modo distinto de aprender a aprender. Grazas a todos pola colaboración.

Curiosea pinchando aquí.

Teatro Fórum de Igualdade

Teatro Fórum de Igualdade

 

Os días 21 e 27 de Xaneiro realizamos, coa colaboración das monitoras da Asamblea de Cooperación pola Paz (Santiago), o segundo Teatro Fórum para o alumnado de 1º de ESO.

Reflexionaron e aprenderon sobre Igualdade de Xénero, respecto e convivencia.... mediante dinámicas amenas e  lúdicas.

 

Para ver máis bótalle un ollo á galería de fotos.

Clases sen fume

Clases sen fumes

 

O luns e martes 20 e 21 de xaneiro o almunado de 2º de ESO e 1º ESO C tivo coa doutora Victoria Aldea do Sergas as sesións formativas de prevención do tabaquismo.

Ademáis de información sobre os efectos nocivos do tabaco e a súa composición detectaron, no alumnado voluntario, os niveis de monóxido de carbono.

Aquí podes ver algunhas fotos.

 

 

1º da ESO na Biblioteca

 

O luns 18 de novembro foi un día de festa na Biblioteca do centro. Os tres grupos de 1º da ESO visitaron as instalacións e participaron en varias actividades que dende o Equipo da Biblioteca se organizaron para dinamizar este espazo e conseguir que os alumnos o coñezan e fagan un bo uso del.

Aprenderon a localizar un libro nos andeis; poideron ver fotos antigas de como era fai 30 anos a nosa Biblioteca; incluso manosearon con sorpresa o libro máis antigo que forma parte dos máis de 13.500 volúmenes dos que dispoñemos: un exemplar de La Celestina que data de 1876.

Nesta galería de fotos podedes ver aos participantes na actividade.

 

 

SUPERLAXEIRO

Super LaxeiroA última semana do curso  durante seis sesión de dúas horas, alumnos e alumnas de 3º e 4º PDC do noso instituto convertéronse en expertos monitores de consumo diante dos alumnos de 1º da ESO.

Despois de todo un curso de traballo e de asistir na Escola Galega de Consumo a unas sesión formativas sobre consumo e merchandising, na aula de 3º Diversificación montouse un improvisado supermercado ben abastecido e ben diseñado.

Neste super Superlaxeiro  grupos de 15 alumnos de 1º de Eso, baixo o maxisterio dos 19 alumnos de Diversificación, foron instruidos en etiquetado de productos  e incluso tiveron que simular unha compra muy real con diñeiro de verdade para demostrar que sabían  moverse polo difícil mundo das ofertas, promocións,etiquetase tiques. Os monitores estiveron fantásticos e os inquietos alumnos de 1ª da Eso deron un exemplo de saber estar. Felicidades a todos !!! (Galería de fotos)

A experiencia foi sen dúbida un punto de encontro diferente entre os alumnos. Unha maneira de facer consumidores responsables,  de aprender xogando e ademais, un xeito de intercambiar roles profesor-alumno que  fomenta a convivencia.

Este proxecto foi unha aprendizaxe integradora que esperamos  se repita mellorada nos seguintes anos.

Nesta ligazón podedes botar unha ollada ao noso super -> ligazón


Distribuir contido