Instituto de ensinanza secundaria, bacharelato, ciclos formativos e adultos

Blogues

Grazas a todos os que participachedes na iniciativa "E ti como les?" coa teima de celebrar o Día do Libro. Non nos cansaremos de dicilo: GRAZAS a todos os que fixechedes desa iniciativa algo especial e vivo.

Tivemos que retirala para deixar espazo ás compañeiras e compañeiros de matemáticas, que tamén saben facer fotos. Animádevos a participar nas súas actividades. Non hai nada como medrar facendo cousas, se acaso, facer cousas distintas.

Por iso, trasladamos a exposición á biblioteca e imos deixala de forma permanente para que poidades seguir buscando a vosa foto ou invitando aos vosos compañeiros a esta actividade. A cousa non qedou moi mal, como podedes comprobar nas fotos.

Se queredes ver máis, xa sabedes... non hai máis que visitar BibliotecaRebolo (desta vez hai unha montaxe moi bonita e intensa) ou entrar no enlace de Instagram do mesmo blog.

Vémonos na próxima.

 

Os alumnos de 3º e 4º da ESO e de 1º de Bacharelato tiveron a oportunidade de presenciar onte unha gran obra de teatro. Esta iniciativa organizada polo Equipo de Dinamización lingüística e polo Departamento de Galego achegou á maioría dos nosos alumnos unha reflexión sobre un dos persoeiros da nosa literatura máis achegados a nós, aínda que sexa por razóns xeográficas, Eduardo Pondal.

No transcurso da obra puidemos presenciar a reconstrución do labor literario cotiá deste autor e das súas relacións co entorno no que viviu. A paixón que puxeron os actortes deixou de manifesto o querido que debeu ser este autor no seu momento. Tamén quedou de relevo a importancia que ten o feito de ler en personaxes que daquelas tiñan que perdirlles a outros que o fixeran por eles.

A satisfacción foi a nota predominante, como deixaron clara a abundancia de aplausos ao remate da obra e a gran cantidade de comentarios sobre a mesma. 

Hoxe no IES Isidro Parga Pondal ás 17.30h e ás 19.00h, na aula multimedia.

CONTIDO DO KEYNOTE:

 

  1. ¿Qué es la Inteligencia artificial?
    1. Definición
    2. Tipos de Inteligencia artificial.
      1. En Hardware
      2. En Software
  2. La inteligencia artificial en nuestro día a día
  3. La inteligencia Artificial de Los Asistentes de voz
    1. Hablando de Google Assistant
    2. ¿Qué información personal utilizan?
  4. Los bot con Inteligencia Artificial.
  5. Crear un bot con Inteligencia Artificial es más sencillo de lo que parece.
    1. Hablando del factor de los desarrolladores.
    2. Cualquier usuario puede crear un bot
      1. introducción a API.AI
  6. Preguntas

O Equipo de Dinamización Lingüística, xunto co Departamento de Galego, e coa colaboración da biblioteca do centro, BibliotecaRebolo, propoñen, organizan e xestionan a convocatoria non de UN concurso (literario), senón de DOUS concursos (de debuxos) para celebrar o Día das letras galegas 2018.

A que estás esperando. Demostra a túa capacidade para escribir unhas liñas ou para facer unha ilustración segundo as bases do concurso. Onde podes botarlles un ollo? En case todas as clases (e non sei quen dixo case...), nas corcheiras do centro e, se non tes ganas de pararte a ler, xa sabes... como sempre... no blog da biblioteca, pincha aquí.

Hai premios, hai poucos requisitos que cumprir... Participa e demostra que somos un centro que facemos cousas e que estamos vivos. Celebremos as nosas festas co que sexamos capaces de aportar.

O día 7 de maio de 2018 celebrouse o sorteo dunha Tarxeta-Agasallo valorada en 200 euros, coa presenza do director do centro e de parte do alumnado de 3º de ESO.

Como resultado deste sorteo, o número gañador do sorteo resultou ser o

1240

vendido por Lucía Torres González.

A persoa agrazada co boleto gañador deberá presentarse na dirección do IES Isidro Parga Pondal, en Carballo nun prazo de 15 días, rematando este prazo o 22 de maio de 2018.

En caso de non aparecer o boleto agrazado, o premio irá para a alumna que vendeu esta rifa e entregaráselle o día 23 de maio de 2018.

 

Como xa aunciaramos, os días 4 e 5 de Maio vai ten lugar en Mérida a final nacional da Olimpíada filosófica de España. E nós temos tres finalistas con dous traballos:  Ana e Chelsy coa súa curtametraxe Serendipia e María coa súa imaxe persoal sobre a integración. 

As representantes  xa están de camiño. A primeira proba terá lugar en Cáceres capital, no IES Brocense. E a segunda cita, xa en Mérida, temola no IES Santa Eulalia.

Dende aquí todos/as sabemos que xa son gañadoras e desexamoslles que disfruten moito da experiencia.

O noso centro participou no día de hoxe e por segundo ano consecutivo no II Torneo de Xadrez Intercentros, celebrado no IES "Urbano Lugrís" de A Coruña. Esta actividade segue a realizarse por iniciativa do departamento de Filosofía en colaboración co departamento de Grego e a biblioteca do centro, BibliotecaRebolo.

A actividade este ano tivo no seu inicio a presentación de Jacobo Caselas Cabanas, mestre internacional de xadrez, MI (tamén adestrador na Escola Técnica de xadrez e ten varios libros publicados sobre este deporte), que deu paso a un vídeo sobre este deporte realizado polo profesorado do IES "Urbano Lugrís" e a pequena charla que nos ofreceu Moira Rodríguez Costa, unha das mellores xogadoras da nosa Comunidade Autónoma e que podedes seguir en perfiles como este.

A continuación, o mestre Jacobo Caselas deu inicio a unha serie de partidas simultáneas, nas que demostra na práctica o que puidemos ver nas actividades previas. Todo un espectáculo e un reto para os nosos alumnos.

Después dun descanso e almorzo, mentres se celebaraba a competición de debates, chegaron as finais (podedes ver unha foto na parte superior) e a entrega de premios. De todo elo podedes consultar máis información no blog de Filolandra.

 

A celebración do Día do libro no noso centro iniciouse coa reprodución por megafonía de frases de eses señores tan raros que non só se atreven a escribir libros, senón que ousan opinar sobre o feito de ler. Moitas grazas a todo o alumnado que participou na súa gravación e a todos aqueles que lles prestachedes atención.

A continuación pasamos a exhibir as fotografías de todo aquel que quixo sumarse a exposición que podedes ver máis arriba: alumnos, persoal non docente, profesores... Moitísimas grazas a todos. E ti? Aínda estás a tempo de sumarte a esta iniciativa. Só tes que mostrarnos como les. Pero non te deixes ver ben porque aí está o reto. A diviñar quen e quen.

Podedes seguir a evolución da exposición no vestíbulo do instituto e na biblioteca, no caso de que nos quedemos sen espazo. Pero, se queres acceder a toda a colección, visita cada día o noso blog (enlace), na parte inferior tendes o enlace para acceder a Instagram, e alí aparecerán a cotío todas as pezas da mostra. Non deixes de buscar a túa, se é que participaches, e anímate a ler. Vaiche cambiar a vida.