Escoitar, Aprender e Compartir

O pasado 28 de xaneiro o alumnado do ciclo de Atención a Persoas en Situación de Dependencia de modular, do IES de Chapela visitou a asociación Aspanaex (Asociación a favor das persoas con disapacidade intelectual). Convivindo, compartindo e aprendendo.

Seguimos desfrutando da Froita na escola. O mércores foi o día das clementinas, o xoves das mazás e rematamos a semana con kiwis.

E como a semana é cardiosaudable, o alumnado de 2º de Farmacia encargouse de explicarnos e medirnos a tensión arterial en repouso, despois de facer exercicio, ás ordes de Nuria, e no espazo zen que deseñaron os alumnos de Educación infantil.

A próxima semana continuamos. Apetécevos repetir?....

Hoxe, martes 22 de xaneiro, viñeron a visitarnos dúas responsables e unha voluntaria da Asociación ADA ademáis de Tango, un precioso can que traballa con elas. O alumnado de 2° Educación Infantil e 2° APSD tiveron a oportunidade de coñecer como se traballa coa "Caninoterapia" en terceira idade, infancia e familia, diversidade funcional, saúde mental, persoas en exclusión, prisión, etc.

Hoxe tivemos froita por partida dobre. Por unha banda, o alumnado de 2º de Dietética deleitou aos compañeiros e compañeiras cunha deliciosa macedonia que disputou o protagonismo da xornada coa banana do programa Froita na escola.

Continúan as actividades do Plan Proxecta no instituto e, como centro participante no programa Froita na escola, durante os próximos quince días o alumnado poderá degustar tódolos días no recreo das 12:10 amorodos, clementinas, plátanos, kiwis, mazás e peras.

Comezamos hoxe co reparto de amorodos e mañá daremos paso ao resto das degustacións e actividades desta primeira Semana cardiosaudable.

Bo proveito!

No pasado trimestre o alumnado do 2º curso do Ciclo Superior de Dietética, no módulo de Educación sanitaria, comezou a facer unha análise dos hábitos de consumo durante a mañá dos compañeiros do IES. Para iso elaboraron unha enquisa que foi analizada polos compañeiros de 2º curso do Ciclo Superior de Documentación e Administración Sanitaria, no módulo de Validación e explotación de datos, cuns resultados que publicaremos en breve e que poderedes consultar premendo no seguinte enlace.

Tras observar e analizar as enquisas, e logo da constatación da información cos compañeiros da cafetería, o alumnado de Dietética púxose mans á obra e deseñaron a primeira intervención do Plan Proxecta: Sabes o que comes?

Con esta primeira actividade, dirixida aos alumnos e alumnas de 1º e 2º da ESO, trataron de amosar o excesivo contido en azucre e graxa dos produtos que máis consumen durante o almorzo e na media mañá, aquí no instituto, e proporcionaron aos seus compañeiros información sobre outras opcións máis saudables para consumir.