Achegamos información relativa a todo o proceso de fin de curso e de matrícula e inicio do seguinte (maio/xuño e setembro). No relativo a fin de curso está 2º de bach., por unha banda, e ESO/1º bach. pola outra: é fundamental aterse totalmente ás datas (e mesmo horas) aquí indicadas polo xusto dos prazos legais.

2º de BACHARELATO

           CIRCULAR DA CONSELLERÍA (2º de BACH.)

EXAMES EXTRAORDINARIOS 2º BACH. (xuño)

ESO e 1º de BACHARELATO

            CIRCULAR DO CENTRO (todo o proceso de fin de curso e setembro)

CALENDARIOS DE MATRÍCULA (días e horas, xuño e setembro)

            ENLACE A DOCUMENTOS para o proceso de matrícula

LIBROS DE TEXTO 2019/2020

EXAMES DE SETEMBRO

O departamento de Francés do IES do Milladoiro celebrou o 30 de abril  a VI Xornada Gastronómica Francesa e de Cociñas do Mundo.

Para conmemorar o Día Mundial da Poesía (21 de marzo) o departamento de lingua castelá traballou co alumnado de 3º ESO o micropoema.

O IES do Milladoiro foi un dos centros seleccionados pola Secretaría  Xeral de Igualdade para desenvolver a súa campaña "Nin + nin -", destinada a dar a coñecer a mulleres senlleiras e presentalas como un referente para o alumnado.

O mércores 24 de abril a conselleira acudiu ao noso centro para interesarse polo funcionamento da biblioteca e dos clubs de lectura, que gabou moito. Participou nos actos organizados con motivo da semana do libro e agasallounos cun lote de libros xuvenís para a biblioteca.

O profesorado acompañante na saída a Barcelona comunica que o grupo mantivo un comportamento excelente, polo que queremos felicitalo publicamente. Tamén desexamos agradecerlles aos profesores Javier e Rebeca a súa implicación e dedicación.

O Departamento de francés organiza, un curso máis, a súa Xornada Gastronómica e invita a participar a todo o centro. Este ano terá lugar o día 30 de abril no segundo recreo. Normas: AQUÍ

O 12 de abril celebrouse no noso centro o segundo encontro "Construíndo o meu camiño", unha iniciativa da ANPAMilla en colaboración co IES do Milladoiro.

Un hackatón é un evento colaborativo, de intercambio de ideas, realizado nun curto espazo de tempo. O pasado 10 de abril, o alumnado de 2º D da ESO, participante no proxecto EpD_LAB de AGARESO, xuntouse en Silleda co dos outros centros que forman parte deste proxecto, para celebrar un "Hackatón" en contra das noticias falsas sobre as migracións.

O departamento de Bioloxía organizou unha visita do alumnado de 1º de ESO para coñecer as coleccións do Museo de Historia Natural da USC.

O alumnado de 1º de ESO tivo a oportunidade de coñecer o magnífico castro de San Cibrao de Las (Ourense) visitando o Parque Arqueolóxico da Cultura Castrexa.  Ademais, participou nun obradoiro de arqueoloxía, no que tiveron que clasificar, explicar e expoñer os seus achados.

Recordamos ás familias do alumnado de 4º de ESO participante na saída de fin de etapa a Barcelona que o autobús sairá ás 6:00 na madrugada do domingo ao luns 8 de abril. O alumnado participante deberá levar o seu DNI e a súa tarxeta sanitaria (orixinais, non copias), ademais da posible medicación persoal necesaria indicada na ficha entregada no seu día (sempre comunicando esa situación ó profesorado responsable). O bus sairá do aparcadoiro fronte ao instituto.

Recórdase tamén que deberán levar o xantar (bocadillo) para ese primeiro día (o luns).

Achegamos aquí planificación completa da viaxe.

O escritor Fernando Lalana mantivo o 26 de marzo unha charla co alumnado de 4º de ESO, que previamente lera a súa obra Escartín en Lima.

A Escola de Educación Infantil do Milladoiro envíanos unha carta de recoñecemento e gratitude ao alumnado de 1º ESO C. Parabéns polo voso traballo ben feito!

O alumnado participante nunha saída do noso centro o día 21 de febreiro deixou o autobús manchado e moi sucio. Tras as lóxicas queixas da empresa, queremos facer públicas as desculpas do alumnado involucrado e as de todo o centro.

O IES do Milladoiro participa no "Plan de consumo de froita" promovido e subvencionado polo FOGGA (Fondo Galego de Garantía Agraria) e a Unión Europea. Grazas a el, repartiremos froita fresca de xeito gratuíto, por segunda vez no curso, entre o 1 e o 12 de abril.

Os regueifeiros Josinho Porto e Sara Marchena iniciaron na arte da regueifa o alumnado de 1º de ESO nunhas divertidas sesións celebradas o 25 de marzo grazas á colaboración do concello de Ames. Información sobre o concurso Enreguéifate: AQUÍ

O venres 22 de marzo tiveron lugar na Facultade de Química da USC as probas da XXXVI edición das Olimpíadas Galegas de Química.

O venres 22 de marzo celebrouse en Santiago o concurso de redacción "Xoves talentos".

O vindeiro 8 de abril celébrase o “Día mundial do pobo Xitano”. A Fundación Secretariado Xitano, que forma parte da Rede do  IES do Milladoiro, invita a toda a comunidade escolar a coñecer a súa campaña Lección xitana, que nos aproxima a un mellor coñecemento da historia e da actualidade do pobo xitano

O IES de Milladoiro colabora co Concello de Ames e a Universidade de Santiago de Compostela na realización dun estudo sobre as inquedanzas, intereses, hábitos de lecer e consumo das nosas alumnas e alumnos, así como tamén do seu o uso da Internet e as redes sociais. Ese estudo estará baseado, entre outras, na análise dunhas enquisas que nos gustaría realizase todo o alumnado do centro o vindeiro luns 25 de marzo.

Aproveitamos o plan do MEC de fomento da lectura para invitar á nosa biblioteca a Cándido Pazó, actor, guionista, director teatral, narrador oral e autor, entre outras obras,  d'A piragua, obra que está a ler o alumnado de 2º de Bacharelato.

Do 19 de marzo ao 1 de abril pode presentar a súa solicitude o alumnado de 4º ESO e 1º BACH. interesado en participar nos Campus científicos de verán do MEC. Máis información AQUÍ.

O luns 17 de marzo o alumnado de 3º ESO seleccionado polo EDLG tivo unha charla para coñecer o concurso Youtubeir@s e para animalo a participar.  Os premios Youtubeir@s teñen como finalidade ser acicate da creación e difusión de vídeos de opinión e videotitoriais en galego.

O proxecto interdepartamental "Mulleres traballadoras" empeza a dar os seus froitos. Na semana do 8 de marzo empezouse coa exposición de traballos realizados en diferentes cursos en distintas materias e linguas.

O martes 12 de marzo o noso centro recibiu a visita de 54 alumnos e alumnas acompañados de catro profesores do Lycée Thépot de Quimper, na Bretaña francesa.

 Recordamos ás familias que o 22 de marzo é a data límite para o abono do último pago, de 290 euros. Antes desa data cada alumno/a deberá ter entregado á vicedirectora do centro:

 - Fotocopia do DNI

 - Fotocopia da tarxeta sanitaria

 - Autorización debidamente cuberta e asinada (dispoñible AQUÍ)

Os alumnos de 2º Bacharelato da materia Ciencias da Terra e Medioambiente visitaron o pasado xoves, 28 de febreiro, a depuradora de augas residuais de Sisalde. Estiveron acompañados de dous técnicos da empresa Espina&Delfín, que lles explicaron o funcionamento das instalacións.