O  centro  acolle  desde hoxe  e  ata  o  día  21  de  xaneiro  a  exposición Os  obxectivos  do Desenvolvemento  Sostible. Un  camiño para  acabar  coa pobreza  e  as  desigualdades  alá  e  acolá.  A  exposición    está  organizada  polo  Fondo  Galego  de  Cooperación e Solidariedade;  chega  ao noso  centro   grazas  aos  Servizos  Sociais  do  Concello.

Como todos os anos as bibliotecas públicas de Ames reuníronse para intercambiar experiencias sobre  proxectos, promover a lectura e programar actividades conxuntas como lecturas compartidas, elaboración das Guías de Nadal e Verán, así como o  Boletín anual da contorna.

No   seguinte  enlace  pódese  acceder  á  Guía  de  lecturas  recomendadas para este  Nadal.

Na Gala de entrega de premios do Concurso Radiofónico de Teatro Lido, Desata a Lingua 2019, que vén de celebrarse este xoves 19 de decembro, concedéronlle o Premio á mellor interpretación ao grupo Sacarina, formado por tres alumnas de 1º ESO do noso IES: Martina Bretaña, Carla Gato e Sara Iglesias.

Os outros dous premios que outorgaba o Concello, mellor guión e mais o premio do público, recaeron en dous grupos do IES de Bertamiráns.

A gala celebrouse este ano na Casa de Cultura de Bertamiráns e estivo dirixida por Isabel Risco e Marián Bañobre, que lle fixeron pasar a todo o público un momento moi divertido. Os premios entregáronos a Concelleira de Mocidade e Normalización Lingüística e mais o Concelleiro de Educación.

Parabéns a todo o alumnado participante polo traballo feito e o esforzo realizado e, en especial, ás premiadas!

Entre o 25 e o  29  de  outubro  celebramos  no  instituto  o  Samaín  coa  posta  en práctica  de  23 xogos populares.  Recibimos  ao longo  dos  tres  días,  e  en  varias  quendas,  ao  alumnado  da  EEI Milladoiro, ao que  a nosa rapazada lle  explicou   a  mecánica  dos xogos  en lingua  galega, posto  que  a  actividade partiu  dunha  iniciativa do Equipo de dinamización da lingua galega (EDLG) do Instituto, en colaboración co EDLG da escola infantil e mais co departamento de Educación física do IES. En  agradadecemento pola  acollida  chéganos  unha  carta que  facemos  pública  a  través  do  seguinte  enlace.

Desde hoxe luns, 2 de decembro, xa se poden escoitar as pezas do alumnado do IES que participou no Concurso Radifofónico de Teatro lido na edición Desata a lingua, 2019. A partir de mañá, martes 3, e ata o domingo 8, pódese votar pola peza que máis vos guste enviando un correo a radioteatro@concellodeames.gal. As persoas que queiran votar deberán identificarse e só se computa un voto por persoa que se sumarán para outorgar un dos tres premios: o premio do público. Ademais deste, haberá dous premios escollidos polo xurado designado polo Concello de Ames: premio ao mellor guión orixinal e á mellor interpretación.

O alumnado do IES do Milladoiro que participou neste concurso é o que aparece no vídeo. Abaixo deixamos os enlaces ás súas pezas para que vos sexa doado escoitalas:

Entre  os  días 4  e  12 de  novembro  o  alumnado  de  2º e  4º  de  ESO  participou  nun  obradoiro  sobre  prevención  de  condutas  aditivas a  cargo  de  Belén  Montesa e o  seu  equipo, obradoiro  organizado  en  colaboración  co  Concello. Para poder  dar  conta  dos  resultados e  de  como  se pode  tratar o  tema  desde  a  casa terá  lugar  un  encontro coas  familias  o  día  3  de  decembro  entre  as 17.50 e as 18. 50  na  sala  de  Usos  múltiples  do  instituto. No seguinte  enlace pode  accederse  directamente   a  unha  carta de  invitación  realizada  por  Belén.

No  centro  vén  de  ter  lugar  un  obradoiro  sobre  educación  afectivo-sexual a  cargo  de  Belén  Montesa (psicóloga, sexóloga  e  terapeuta  familiar)   subvencionado  pola  Secretaría  Xeral da  Igualdade e  organizado  en  colaboración  coa  ANPA.  Entre  o  4  e  o  6  de  novembro  o  alumnado  asistente  foi  o  de  1º  de  ESO  e  entre 11  e  o 13 o  de  3º  de  ESO. Para  poder  abordar  o  tema  coas  familias  terá  lugar  un  encontro  o  día  3  de  decembro  entre  as 16.45 e as 17.45 na  sala  de  Usos  múltiples  do  instituto. No seguinte  enlace pode  accederse  directamente   a  unha  carta de  invitación  realizada  por  Belén.

A ANPA do IES do Milladoiro bota a andar a Escola  de  nais e pais deste curso cun taller de introdución ao  Mindfulness que terá lugar o vindeiro mércores de 17.00 a 19.00 no Salón de actos do noso centro.

Un curso máis, a Asociación Galega de Reporteiros Solidarios (Agareso) desenvolve no noso centro o proxecto EpD_Lab (Laboratorio de Educación para o Desenvolvemento), que chega á súa quinta  edición. O proxecto  está organizado en oito obradoiros que se realizan cada mes en dúas sesións de 50 minutos e que, neste curso, está dirixido ao grupo de 2º PMAR. O alumnado constrúe as súas propias narrativas dixitais, usando diferentes aplicacións en cada sesión, coa finalidade de fomentar a súa conciencia crítica e a sensibilización social. Para  ter acceso  á  información relacionada  co  noso  centro pica  aquí.

Correspondentes  3.0 é  un  proxecto  de  innovación educativa dependente  do  Instituto  da  Xuventude  que  integra  nos  centros  de  secundaria  a información  xuvenil  a  través  do  voluntariado  dos propios  alumnos  e  alumnas.

Este  curso   contamos  con  nove  rapazas  e  rapaces  de 3º  e 4º  de  ESO  que  se  encargarán  de  difundir  entre  os  seus  iguais  a información  que  se  achegue  desde  o  Instituto  de  Xuventude.

Co  obxectivo  de  que  as  familias do  alumnado  voluntario  teñan  máis  información  e  coñezan  a  mecánica  do programa, celebrarase  unha  reunión  co coordinador, Vicente  Fornés, o  día 26 de  novembro, ás 18.30 horas  na  aula 231 do  instituto.

Un curso máis, a Área de Didáctica da Matemática da Facultade de Ciencias da Educación da Universidade de Santiago de Compostela, en colaboración co programa Conecta-Aleida, vai realizar no noso centro a actividade Anaquiños matemáticos co alumnado de 1º ESO seleccionado polo departamento de Matemáticas do IES do Milladoiro. Terá lugar en sesións quincenais dunha hora de duración,  os mércores de 16:30 a 17:30   a partir  do  20  de novembro  e  ata  o 27 de maio.   As sesións terán lugar no IES do Milladoiro e  no  seguinte  enlace pode  consultarse  a programación  das mesmas.      

Os obxectivos xerais desta actividade son:

1- Traballar contidos matemáticos en contextos interdisciplinares.

2- Potenciar unha actitude positiva do alumnado cara ás matemáticas.

3- Caracterizar a aprendizaxe do alumnado coa realización de propostas motivadoras.

O IES do Milladoiro participa un  curso  máis no "Plan de consumo de froita" promovido e subvencionado polo FOGGA (Fondo Galego de Garantía Agraria) e a Unión Europea. Grazas a el, repartiremos froita fresca de xeito gratuíto en diversos períodos ao longo do curso, o primeiro deles do 4 ao 15 de novembro. O obxectivo preferente deste plan no noso centro é o alumnado de 1º e 2º  ESO, que poderá recoller a froita no primeiro recreo. No segundo, o resto do alumnado poderá recoller a froita sobrante.

Esta acción responde á preocupación pola saúde do alumnado que fixo ao IES do Milladoiro merecedor do distintivo  "SELO DE VIDA SAUDABLE".

Hoxe, martes 29 de outubro, tivemos a última xornada de convivio co alumnado de infantil a través dos xogos populares. O alumnado das dúas quendas que viñeron hoxe, ademais de aprender a xogar da man do noso alumnado, recibiu -igual ca os anteriores- as intrucións e a comunicación en lingua galega. O profesorado da Escola infantil, ao final da actividade, agasallou á nosa rapazada con galletas.

Todo o alumnado de 3º da ESO en diante (3º da ESO, 4º da ESO e Bacharelato) conta con Seguro Escolar por accidentes durante a súa estancia no centro (ou actividade extraescolar).

Por tanto, é moi importantante que en caso de accidente (ou outros supostos cubertos), á hora de acudir a un centro médico se consulte primeiro na secretaría do centro e se solicite nela a documentación que é necesario achegar: parte de accidentes, xustificante do pago do seguro...

Non facelo dese xeito pode carrexar problemas futuros (e irresolubles) para as familias, dado que a Seguridade Social pode requirirlles o pago das facturas correspondentes pola asistencia recibida.

En caso de dúbida é importante que se consulte na secretaría do centro.

INFORMACIÓN COMPLETA SOBRE O SEGURO ESCOLAR

Todo o alumnado de 3º da ESO en diante (3º e 4º ESO e bacharelato) conta con Seguro Escolar por accidentes durante a súa estancia no centro.

Por tanto, é moi importantante que en caso de accidente (ou outros supostos cubertos), á hora de acudir a un centro médico se solicite na secretaría do centro a documentación que é necesario achegar: parte de accidentes, xustificante do pago do seguro...

Non facelo pode carrexar problemas futuros para as familias, dado que a Seguridade Social pode requirirlles o pago das facturas correspondentes pola asistencia recibida.

En caso de dúbida é importante que se consulte na secretaría do centro.

INFORMACIÓN COMPLETA SOBRE O SEGURO ESCOLAR

Hoxe, luns 28,  continuamos coa actividade "Xogamos no Samaín", organizada polo EDLG, en colaboración co Dpto. de  E.Física. Visitáronnos dous grupos de alumnos e alumnas da EEI Milladoiro: entre as 8.50 e as 10.30 recibimos  un grupo de 50 alumnos e alumnas de 5 anos, que compartiron  xogos co alumnado de 4º ESO A e o alumnado de Portugués de 3º de ESO e de 1º de Bacharelato; entre as 10.50 e as 12.30  o  alumnado  de  3º ESO A e 4º ESO B  recibiu  a un grupo formado por 50 alumnos e alumnas de 4 anos. Toda a  rapazada  puxo  en práctica   os  distintos  xogos  populares  mentres  conversaban  en  galego.

Este venres, 25 de outubro, comezou a actividade dos Xogos populares polo Samaín, que este ano se vai realizar durante tres días para así poder atender a todo o alumnado de infantil de catro e cinco anos.

Vanse realizar un total de cinco sesións para que todo o alumnado da EEI desa idade poida vir ata o instituto aprender a xogar da man do alumnado de 3º e 4º da ESO. Este, organizado por parellas, acolle a cadansúa parella de infantil para lle ir ensinando cada un dos xogos, ata un total de 23. O alumnado do instituto ten ademais o reto de explicarlles a actividade en galego e de manterse falando en galego coa rapazada xa que é unha iniciativa do Equipo de dinamización da lingua galega (EDLG) do Instituto, en colaboración co EDLG da escola infantil e mais co departamento de Educación física do IES.

Este venres viñeron  50 rapaces e rapazas nunha quenda entre as 11h e as 12,30h. Para o luns haberá dúas sesións doutros 50 membros do infantil en cada unha das quendas e o martes outras dúas, unha de 50 e outra de 25.    

O alumnado do IES do Milladoiro que se anotou para participar no Concurso de teatro radiofónico, tivo hoxe, xunto co alumnado do IES de Bertamiráns, a primeira das dúas xornadas formativas que ofrece o concello.

A sesión desenvolveuse desde as 11 ata as 13,15 da mañá na Casa de cultura do Milladoiro. Desde o noso IES acudiron oito grupos e un total de 23 rapaces e rapazas que foron atendidos por dous membros do Grupo “Ibuprofeno Teatro” (Santiago Cortegoso e Marián Bañobre).

Na primeira parte da mañá todos xuntos recibiron unha formación xenérica sobre o xénero do teatro lido. Alí insistíuselle ao alumnado en que seleccionasen ben o tema a tratar e tamén o xénero (comedia ou drama). Puxéronlles uns audios con pezas que participaron no concurso de teatro radiofónico da Radio Galega para que lles servisen de exemplo.

A continuación repartíronse en dúas salas para traballar a guionización cunha explicación máis detallada, dar asesoramento aos diferentes grupos nos seus respectivos guións e atender dúbidas sobre a actividade.

 A seguinte sesión de formación vai ser o vindeiro 6 de novembro xa no IES para practicar a locución dos textos que xa teñen que estar rematados. Vaise gravar na semana do 18 de novembro nos locais de Ames Radio.

O  venres  25  presentouse  por  parte da  Asamblea  de  Cooperación  pola  Paz (ACPP) o  programa Escolas sen  racismo ante  o  alumnado  de  1º  de  ESO.   No  mesmo acto tamén se presentou  a  Axenda  escolar  feminista  elaborada  para  o  curso 2019-2020 e á  qie  se  pode  acceder  a  través  deste  enlace.  O  centro recibiu  unha placa en  recoñecemento  ó  labor  desenvolvido.

O  alumnado de  4º  de  ESO  e  de  1º  de  Bacharelato  asistiu á  montaxe  teatral  Language  Planning, baseada  na obra  Made in  Galiza de  Séchu  Sende. A  respresentación correu  a  cargo  de  Os  Quintilláns  Teatro  e  a  actividade  foi  organizada polo  EDLG  e  o  Departamento  de  Lingua  galega  en  colaboración  co  Concello. 

O  alumnado  foi  agasallado  cun  exemplar  de  Made  in  Galiza (publicado por  Galaxia) e  ao  final  da  representación  puido  manter  un  coloquio co  autor  e  tamén  cos  actores.

A  POSTA  EN  ESCENA  DA  NOSA  AUTOESTIMA

O  alumnado  do  IES  Milladoiro sumouse  hoxe  masivamente  á  Folga  Mundial  polo  Clima. O alumnado  de  4º  de  ESO  elaborou  unha  pancarta coa  que  acudirán  á  manifestación  un  grupo  de  alumnos/as  do  centro.

Hoxe, 19 de  setembro, o  alumnado de  2º  de  ESO  asistiu  a  unha  charla  organizada en colaboración co Concello de Ames.

O  vindeiro  xoves 5  terá  lugar un  encontro  coas  familias  do  alumnado  de  1º  de  ESO ás  19  horas  na  sala  de  Usos  múltiples.

O  encontro  coas  familias  co  resto do    alumnado novo  no  centro terá  lugar  o luns  9,  tamén  ás  19  horas.

Adxúntase  enlace directo  á listaxe  de libros  de  texto para o  curso 2019-2020.

Os  boletíns  de notas  serán  entregados  polos  titores/as o  xoves 5; ese  mesmo día  recolleranse os  libros  de texto pendentes  de  entrega. Aquí  atoparás  a  información  con  detalle: DOCUMENTO