Unha alumna de 1º Bach. do noso centro recibiu un premio ESO ao esforzo e á superación persoal correspondente ao curso 2014-2015, que foi publicado na ORDE do 17 de novembro pola Consellería de Educación e Ordenación Universitaria. Noraboa!!! |
|||
O alumnado de 2º de Bacharelato participará no “Taller Lila de Prevención da Violencia de Xénero” organizado polo CIM do Concello de Ames e o Centro Vagalume, en dúas horas de atención educativa a partir desta semana.
Enlaces de interese: http://igualdade.xunta.es/es/recursos/centros-de-informacion-las-mujeres http://www.concellodeames.gal/nova.php?noticia=10703&idioma=es&sec=32 |
|||
O xoves 26 de novembro os alumnos de 1º Bacharelato asistiron na Biblioteca a unha charla sobre a relación dos estereotipos e roles de xénero co inicio da violencia de xénero. A charla estivo a cargo de Mabel Pérez Simal, Técnica educativa e Secretaria da Muller e Políticas de Igualdade de Comisións Obreiras en Galicia. Encabeza tamén na Comunidade a Fundación Paz e Solidariedade. |
|||
Xa temos gañadoras/es do Desata a Lingua 2015: Premio ao mellor guión orixinal (200 euros) Por unanimidade, o xurado acordou outorgarlle o premio ao mellor guión orixinal á peza Somos o que comemos, de Daniel Iglesias Duro, Rafael Tato Penas, Daniel Expósito Patiño e Jorge Expósito Patiño, de 1º de Bacharelato do IES do Milladoiro. Premio á mellor interpretación (200 euros) Por unanimidade, o xurado acordou outorgarlle o premio á mellor interpretación á peza titulada Teleoperadora de Eva López González e Alex Vázquez Senín de 2º de Bacharelato do IES do Milladoiro. A entrega de premios é este venres ás 20.30 h na Casa da Cultura de Bertamiráns. Noraboa a todo o alumnado e profesorado participante!! |
|||
Con motivo do Día Internacional contra a Violencia de Xénero, que se celebra o 25 de novembro de 2015, A nosa Biblioteca organiza o I Concurso de Carteis contra a Violencia de Xénero, dirixido a alumnos de ESO e BACHARELATO. CONSULTA AS BASES DO CONCURSO NESTE ENLACE
|
|||
|
|||
|
|||
"Unha das liñas de traballo fundamentais do IES do Milladoiro é a convivencia. Entendemos que unha boa convivencia escolar mellora os resultados académicos e produce unha maior satisfacción da comunidade educativa ao mesmo tempo que, a pequena escala, contribúe a mellorar a convivencia na localidade na que o centro desenvolve a súa actividade: O Milladoiro.
|
|||
|
|||
|
|||
|
|||
|
|||
O IES do Milladoiro foi o lugar elixido para a celebración do Primeiro Encontro Transnacional Workshop, no que participaron expertos de centros das Azores (Portugal) e da Universitat Illas Balears. Organizado polo Instituto Galego de Xestión para o Terceiro Sector (Igaxes3), o encontro celebrouse este xoves e tiña como obxectivo intercambiar experiencias en materia de convivencia escolar. |
|||
|
|||
Como inicio da actividade da Biblioteca do centro, o pasado 9 de outubro o alumando de 1º de E.S.O. participou na lectura da obra de literatura infantil "The Gruffalo", libro escrito pola autora británica, Julia Donaldson. A historia do rato e o seu paseo polo bosque foi contada por Laura Calvo e Carmen Lago, contacontos de GOLA "The Toy Library".
|
|||
O Departamento de Orientación en colaboración con AGARESO (Asociación Galega de Reporteros Solidarios) está a desenvolver os seguintes proxectos: Laboratorio de Educación (Epdlab) (actividade complementaria)
Comunicación para o Desenvolvemento. Obradoiro de TV (ACPP) (actividade extraescolar)
|
|||
O departamento de Normalización e Dinamización Lingüística participará no V Concurso radiofónico de teatro lido de Ames, Desata a Lingua!!! co seguinte programa:
|
|||
O venres 9 de outubro os alumnos de 1º ESO asistirán na biblioteca ao CONTACONTOS EN INGLÉS “THE GRUFFALO”
|
|||
Cubre o modelo de autorización que se xunta neste enlace se queres participar nas actividades de PANKOUR e habilidades ximnásticas.
|
|||||||||||||||||||||||||||||||||||||||
Consulta nos enlaces a información sobre a CONVOCATORIA DE ADXUDICACIÓN DO SERVIZO DA CAFETARÍA DO IES DO MILLADOIRO PARA O CURSO 2015-2016. |
|||
|
|||
No mes de maio un grupo formado por 49 estudantes de secundaria, acompañados de catro profesores, procedentes de Quimper na Bretaña francesa visitaron o noso centro e participaron ao longo dunha mañá en diversas actividades comunicativas cos grupos de 2º, 3º e 4 de ESO. Previamente e, ao longo dos últimos meses, houbo unha correspondencia entre o noso instituto e o colexio de l`Aulne. O sábado 9 de maio un grupo de alumnas do IES do Milladoiro axudaron aos seus compañeiros bretóns á resolución de dez enigmas no casco histórico de Santiago. |
|||
|
|||||
|
|||
O pasado martes, 19 de maio, celebrouse no Instituto un debate electoral coas sete forzas que se presentaron ás eleccións locais do día 24. No debate tomaron a palabra nunha primeira rolda o BNG (David Santomil), o PsdG-PSOE (José Miñones), o PP (Alberto Piñeiro), Ames Novo (Pilar Candocia), Contigo Pódese (Genma Otero), Pacto por Ames (Ramón Argibay) e Cidadáns (Javier López). De seguido abriuse unha quenda de intervención do alumnado presente, de 1º de Bacharelato, que falou sobre as vías de participación política, dos problemas do transporte, dos equipamentos para actividades deportivas e lúdicas, do noite-bus, etc. Todas as forzas políticas reiteraron o seu compromiso de solicitar unha entrevista coa Consellería de Educación para solucionar o problema do equipamento do Instituto. Agradecemos a presenza do acto, organizado pola Biblioteca e mais o Departamento de Xeografía, Historia e Ciencias Sociais, das persoas que representan as forzas políticas do Concello, así como a participación e intervencións do alumnado presente.
|
|||
O pasado 20 de maio os/as alumnos/as de 1º de ESO realizaron unha viaxe didáctica ao Grove.
O plan foi o seguinte:
- Pola mañá visitaron o Acuario de O Grove e o Museo de Salazón.
- Ao mediodía fixeron o roteiro As Lagoas e comeron nunha praia.
- Pola tarde viaxaron pola ría a bordo dun catamarán. Nesta viaxe visitaron unha batea e viron o fondo do mar.
|
|||
A Dirección e o Departamento de Orientación informan das datas de celebración de reunións para as familias do alumnado da ESO. Os obxectivos de ditas reunións son:
|
|||||||||||||
Un grupo de 154 alumnos e alumnas de 1º e 2º de ESO, acompañados por sete profesores/as, mollámonos o día 4 de maio na defensa da nosa lingua. Desafiando a chuvia inclemente que caeu sobre Compostela, participamos no Correlingua e gañamos o concurso de animación. Regresamos empapados/as, pero contentos e cargados co noso premio: camisetas, atlas, libros, material audiovisual e entradas para o teatro. Fomos os que máis animamos e a nosa canción a que máis se oíu durante a marcha. O curso que vén pensamos repetir! Velaquí vos deixamos o noso grito de guerra, que espantou a chuvia de Compostela: |
|||
|
|||
Día: 16 de abril Hora: 11.30-12 horas Lugar: Biblioteca e corredor No marco da Semana da Francofonía o Departamento de francés do IES do Milladoiro organiza unhas Xornadas gastronómicas ás que invitamos a participar a todo o centro. Desenvolvemento da actividade: 1.- Os alumnos e alumnas deberán escoller unha receita en francés; as receitas serán facilitadas xunto coa súa correspondente tradución (para o alumnado ou profesorado que o precise) 2.- A receita será posta en práctica na casa o día anterior, é dicir, o 15 de abril, en grupos de dúas a tres persoas. Excepcionalmente os grupos poderán estar formados por máis persoas e admítese a participación individual. 3.- O día 16 de abril encargarémonos de colocar os pratos na biblioteca á primeira hora da mañá para seren expostos e valorados polo Xurado.
|
|||
- « primeira
- ‹ anterior
- …
- 25
- 26
- 27
- 28
- 29
- 30
- 31
- 32
- 33
- seguinte ›
- última »
![IES do Milladoiro RSS Distribuir contido](/centros/iesmilladoiro/misc/feed.png)
A Rede de Bibliotecas Escolares de Centros Públicos do Concello de Ames ven de preparar unha guía de lecturas para este verán. Seguro que atopas algún libro que sexa do teu interese.