Novas pais/nais |
O 4 de xuño publicouse no DOG a ORDE do 25 de maio de 2021 pola que se convocan os premios extraordinarios de educación secundaria obrigatoria ao rendemento académico correspondentes ao curso 2020-2021. Pode presentarse o alumnado que cursase no ano 2020-2021 cuarto curso e teña unha nota media mínima na ESO de 9 puntos. O prazo de presentación rematará o 6 de xullo de 2021. |
|||
INICIO DO CURSO 2021/2022INFORMACIÓN SOBRE O COMEZO DO CURSO 2021/2022
SETEMBRO: DATAS DE EXAMES, ENTREGA DE NOTAS, REVISIÓNS E CALIFICACIÓNS E MATRÍCULA EXTRAORDINARIA DOCUMENTOS PARA A MATRÍCULA CURSO 21/22 RECLAMACIÓNS CONTRA AS CUALIFICACIÓNS FINAIS
2º DE BACHARELATO INFORMACIÓN XERAL. PRAZOS E PROCEDEMENTOS (ACTUALIZADO) NERTA: INSTRUCIÓNS DO ALUMNADO PARA A ABAU CALENDARIO PARA OS EXAMES DA CONVOCATORIA EXTRAORDINARIA DE XUÑO
ESO E 1º DE BACHARELATO |
|||
Está publicada no DOG de 20 de maio de 2021 a Orde pola que se regula a participación no fondo solidario de libros de texto e se convocan axudas para adquirir libros e material escolar dirixidas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/22. O prazo único para a presentación das solicitudes e da documentación complementaria comeza o 21 de maio e remata o 22 de xuño. Enlace á aplicación informática Extracto da Orde da convocatoria Para a presentación presencial: Anexos I e II da Orde da convocatoria |
|||
As listaxes poden consultarse presencialmente no taboleiro de anuncios situado no interior do instituto. Non obstante, de forma non presencial, pódense consultar a través da aplicación admisionalumnado empregando a Chave 365 ou o certificado dixital da Fábrica Nacional de Moeda e Timbre. |
|||
|
|||
No marco do Decreto 8/2015, de 8 de xaneiro, e da Lei 4/2011, de 30 de xuño, que desenvolve, prevese a redacción e execución en cada centro escolar da nosa comunidade, dun Plan de Convivencia Escolar. Unha vez realizadas as dúas primeiras diagnoses, vaise proceder a unha actualización dos datos que permita dar resposta ás distintas necesidades educativas. A recollida de datos realizarase empregando cuestionarios en liña e que son específicos para un dos colectivos que conforman a comunidade educativa: alumnado, familias e persoal docente e non docente. Contan con arredor de 15 preguntas e cun tempo estimado de 10 minutos para a súa realización. Poderán cubrirse ata o 29 de abril incluído. Ás enquisas accederase a través dunha clave que permitirá o acceso ás persoas dun determinado colectivo e centro, pero sen identificalas de forma individual. No caso das familias, cada unha cubrirá un único cuestionario, independentemente do número de fillos/as ou titorandos/as que estean matriculados no centro. A continuación aparecen os enlaces de acceso ás distintas enquisas e tamén unha sinxela guía para a súa elaboración: |
|||
As listaxes poden consultarse presencialmente no taboleiro de anuncios situado no interior do instituto. Non obstante, de forma non presencial, pódense consultar a través da aplicación admisionalumnado empregando a Chave 365 ou o certificado dixital da Fábrica Nacional de Moeda e Timbre. |
|||
No DOG do 9 de febreiro publícase a orde do 21 de xaneiro do 2021 pola que se convocan as probas de acceso aos ciclos formativos de grao medio e de grao superior de formación profesional para o ano 2021. Neste enlace pode accederse á convocatoria.
|
|||
O IES do Milladoiro participa un ano máis no Plan de consumo de froita promovido e subvencionado polo FOGGA (Fondo Galego de Garantía Agraria) e a Unión Europea. Grazas a el repartiremos froita fresca (plátanos e mandarinas tendo en conta a necesidade de adaptación ao contexto da covid-19) a partir do vindeiro luns, día 1, e ata o día 12 de febreiro. O obxectivo preferente deste plan no noso centro é o alumnado de 1º e 2º de ESO, que poderá recoller froita no primeiro recreo. No segundo, o resto poderá tomar a froita sobrante. Esta acción responde á preocupación pola saúde do alumnado que fixo ao noso IES merecedor do distintivo "SELO DE VIDA SAUDABLE". |
|||
Entre o luns 21 e o martes 22 de decembro vaise proceder á distribución de máscaras entre aquel alumnado de ESO ao que lle corresponden. Os datos relativos ás máscaras poden consultarse nos seguintes documentos:
|
|||
Desde principios do mes de novembro estivemos a traballar para determinar o ACH (taxa de renovación de aire) dos distintos espazos do centro e así poder dar cun sistema de ventilación que permitira certo grao de confort. Neste documento dáse conta de como foi todo o proceso, así como das súas conclusións. |
|||
Publicadas no dia de hoxe, 4 de decembro, as listaxes definitivas de admitidos/as e excluídos/as no procedemento de distribución de máscaras entre o alumnado de ESO. As listaxes poden consultarse no taboleiro de secretaría, no interior do centro. A distribución das máscaras producirase tan pronto sexa posible. |
|||
Publicadas no día de hoxe as listaxes provisionais de admitidos e excluídos no procedemento de distribución de máscaras entre o alumnado de ESO. As listaxes poden consultarse no taboleiro de secretaría, situado no interior do instituto. En caso de exclusión na listaxe provisional, as persoas afectadas poderán formular reclamación ante o centro durante os días 1 e 2 de decembro exclusivamente. A reclamación entenderase resolta coa publicación da listaxe definitiva. |
|||
Grazas á ANPA os nosos alumnos e alumnas están a recibir estes días un lote de 10 máscaras cada un. O reparto estase levando a cabo coa colaboración das persoas titoras de cada un dos grupos. |
|||
No DOG de hoxe, 13 de novembro vén de publicarse a Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21. Alumnado destinatario: 1. Alumnado beneficiario da axuda para adquirir material escolar. 2. Alumnado que pertenza a unha familia cunha renda per cápita igual ou inferior a 6.000 € no exercicio fiscal do 2018. 3. Alumnado que estea matriculado en educación especial, ou suxeito a tutela ou garda da Xunta de Galicia ou teña unha discapacidade igual ou superior ao 65%, con independencia da renda da unidade familiar. Alumnado exento de presentar solicitude Non terá que presentar solicitude o alumnado que fose beneficiario da axuda para adquirir material escolar no curso 2020/21. Prazo de presentación das solicitudes O prazo para presentar as solicitudes será de dez días hábiles contados a partir do día seguinte ao da publicación desta orde no DOG. |
|||
Este curso, polas especiais circunstancias nas que nos atopamos, o inicio de curso será escalonado segundo a táboa que aparece máis abaixo. O primeiro día só haberá unha presentación cunha duración aproximada de 90 minutos a cargo do profesorado titor, que explicará as normas para o alumnado adaptadas ao contexto da covid-19. Os horarios de cada un dos grupos publicaranse ao longo do día 22 na web co centro, no apartado "Alumnado". Os responsables dos nosos alumnos/as tamén recibirán unha mensaxe a través de abalarMóbil na que se indicará o grupo no que está o alumno/a ao seu cargo. As familias non poderán acompañar ao alumnado dentro do recinto escolar. O mesmo día da presentación procederase á entrega de libros pertencentes ao fondo solidario da Xunta ao alumnado de ESO. As clases comezarán en horario completo o día 28; ata ese día non haberá transporte escolar. O luns 28 o alumnado debe entregar ao seu titor/a a Declaración responsable covid-19. Lémbrase que a máscara é de uso obrigado. |
|||
As listaxes están expostas no interior do centro. Os datos tamén poden consultarse na aplicación Fondolibros accedendo coa Chave 365 ou con certificado dixital. A recollida dos vales de axuda para material realizarase na secretaría do centro desde o día 15 ata o 30 de setembro. O vale será entregado á persoa solicitante, quen deberá identificarse debidamente (tamén poderá ser recollido por unha persoa maior de idade que conte cunha autorización por parte do solicitante). A entrega ao alumnado dos libros dos que xa dispoñemos farase unha vez comezadas as clases. |
|||
Aberta a convocatoria de bolsas e axudas para alumnado con nescesidade específica de apoio educativo para o curso académico 2020-2021. O prazo de solicitude rematará o 30 de setembro. A través deste enlace pode accederse a toda a información ao respecto. Para calquera aclaración ou consulta non dubide en contactar co centro educativo. |
|||
O prazo para a matrícula ordinaria vai do 3 ao 8 de setembro. Os exames terán lugar os días 15,16 e 17 de setembro. |
|||
No BOE do 8 de agosto de 2020 vén de publicarse a convocatoria de bolsas para os estudantes que no curso académico 2020-2021 cursen ensinanzas postobrigatorias, entre elas 1º e 2º de bacharelato, Formación Profesional de grao medio ou superior e Formación Profesional básica. A solicitude deberase realizar mediante o formulario accesible por vía telemática a través da sede electrónica do Departamento na dirección https://sede.educacion.gob.es ou en www.educacionyfp.gob.es. O prazo de presentación de solicitudes vai do 9 de agosto ata o 1 de outubro de 2020 no caso das ensinanzas especificadas anteriormente. Neste enlace atópase toda a información relativa a como facer a solicitude. |
|||
|
|||
Día 10 de xullo: publicación das listaxes provisionais de solicitudes admitidas e excluídas e exposición das mesmas no interior do centro. As persoas solicitantes poderán acceder por vía electrónica ao seu expediente a través da aplicación Fondolibros. Período de alegacións: 13 e 14 de xullo exclusivamente. Publicación de listaxes definitivas: 14 de setembro. Lémbrase que o alumnado con libros do fondo que deba acudir á convocatoria extraordinaria de setembro ten que entregar os libros prestados o venres 4 de setembro ao seu titor ou titora (de 10 a 12 horas). A non devolucion de todos os libros prestados no prazo indicado (sexan do curso actual ou anterior) será causa de exclusión da participación no fondo solidario de libros de texto e material escolar no curso 2020/21.
|
|||
As probas da convocatoria extraordinaria de setembro do curso 2019/20 celebraranse seguindo o calendario que aparece a continuación. No caso de que as circunstancias non permitan a realización presencial das probas, realizaranse a través da aula virtual do centro. |
|||
As bibliotecas dos centros públicos de Ames retomaron o contacto ao longo do mes de maio para preparar a Guía de lecturas recomendadas para o verán 2020, guía que agora pon á disposición das familias a través deste enlace. |
|||
Axúntase listaxe de libros de texto para o curso 2020-2021. |
|||
|
|||
A matrícula presencial deberá facela tanto o alumnado novo como o alumnado do centro que xa fixo a prematrícula. Documento de proxenitores, OBRIGATORIO para TODO o alumnado Instrucións sobre recollida do alumnado/información sobre o alumnado DOCUMENTACIÓN DE MATRÍCULA 1º ESO DOCUMENTACIÓN DE MATRÍCULA 2º ESO DOCUMENTACIÓN DE MATRÍCULA 2º ESO PMAR DOCUMENTACIÓN DE MATRÍCULA 3º ESO DOCUMENTACIÓN DE MATRÍCULA 3º ESO PMAR DOCUMENTACIÓN DE MATRÍCULA 4º ESO DOCUMENTACIÓN DE MATRÍCULA 1º BACHARELATO DOCUMENTACIÓN DE MATRÍCULA 2º BACHARELATO
Enlace a información sobre o transporte escolar |
|||
|
|||
Os libros prestados do fondo solidario de libros de texto serán recollidos polos titores/as entre os días 16 e 19 de xuño, agás aqueles necesarios para preparar os exames de setembro se o alumno/a xa ten esta información. A devolución realizarase seguindo o calendario que aparece máis abaixo e durante o proceso respectaranse as normas de seguridade (distancia física, máscara,etc.). As familias ou o propio alumnado que non poida vir no horario que lle corresponde poderá devolver os libros en vicedirección o xoves 25 ou o venres 26 entre as 10 e as 13 horas. Se, tras a recepción de notas a través de abalarMóbil, algún alumno/a necesitase para setembro algún libro xa devolto ao Fondo de Libros, debe pedilo en vicedirección o xoves 25 ou o venres 26 entre as 10 e as 13 horas. Recordamos que a falta de devolución de todos os libros prestados no prazo indicado (sexan do curso actual ou de calquera outro), será causa de exclusión da participación no fondo solidario e das axudas para adquirir libros de texto e material escolar no curso 2020/21.
O alumnado con libros do fondo que deba acudir á convocatoria extraordinaria de setembro terá que entregar os libros prestados das materias suspensas o venres 4 de setembro ao seu titor/a entre as 10 e as 12 horas. |
|||||||||||||||||||||||||||||||||
Neste enlace poden consultarse as instrucións do 28 de maio de 2020 para o desenvolvemento do terceiro trimestre do curso académido 2019/20. No documento faise referencia aos criterios de promoción en ESO e en bacharelato, e tamén aos criterios de titulación en bacharelato. |
|||
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
