#RosaliaTe no IES Laxeiro     #24defebreiro     #sempreRosalía

Un ano máis, dende a biblioteca do IES Laxeiro quixemos colaborar coa iniciativa da AELG conmemorando o Día de Rosalía; propuñan realizar un "Manequin Challenge" que representase un dos seus poemas. Nós escollemos "A xustiza pola man" e este é o resultado:

Aquí temos ao noso alumnado Diplomados para o Programa TEI (Titoría Entre Iguais).

Do 14 ao 19 de outubro, dezaoito rapaces e rapazas finesas visitaron o IES Laxeiro. A visita corresponde á realizada polos alumnos e alumnas do IES Laxeiro á Jynkänlahden koulu, a súa escola, no mes de abril, dentro dun programa de intercambio coa cidade finesa de Kuopio.  Estes alumnos, acompañados por dúas profesoras, foron acollidos por familias lalinenses e participaron na vida escolar do centro así como da convivencia familiar e vida social da nosa vila.

O programa incluíu unha visita institucional ao concello así como a lugares emblemáticos da vila e da comarca como o museo Ramón Mª Aller, o Pazo de Liñares e museo da Marioneta, o mosteiro de Carboeiro ou a fervenza do Toxa.  Igualmente,  Santiago de Compostela  e o pazo de Oca foron outras das visitas realizadas dentro do programa deste primeiro intercambio con Finlandia.

Altamente satisfactoria e enriquecedora foi esta experiencia, que terá a súa continuación no presente curso escolar cando, no segundo trimestre, un grupo de estudantes do IES Laxeiro viaxe ata Kuopio para visitar a Jynkänlahden koulu.

 La Voz de Galicia, Faro de Vigo

Pois sí! Como xa informaramos, 2º ESO C fora seleccionado para os premios do programa CLASES SEN FUME polo vídeo “Des-Marca-Te do tabaco” e o martes 14 o grupo acompañado do titor Manuel Busto e da coordinadora Ana Gulías, foi a Santiago.

Alí tivemos a sorte de compartir un bo rato cos compañeiros/as doutros centros (IES de Teis, IES Xulián Magariños de Negreira, IES Castroverde, Mercedarios de Verín, IES Otero Pedrayo de Ourense…. entre outros) e despois de moitos nervios descubrimos que ganaramos o 1º premio da categoría de actividade creativa, así como o premio de actividade innovadora para o titor.

Así que a finais de xuño desfrutaremos de 5 días no albergue xuvenil As Mariñas en Gandarío, nun campamento multiaventura.

Gracias aos docentes que colaboraron con nós, (Quiroga, Xosé Manuel…), felicitar a 1º B e 1º C que tamén concursaran e animarvos a todo o alumnado de 1º e 2º ESO do curso 2016-17 para que participedes.

Consultar na seguinte dirección:

https://www.edu.xunta.es/axudasle/

A nosa semana das Letras comezou en realidade moito antes, cando algúns libros de galego comezaron a formar un ceo de Letras no vestíbulo de acceso á biblioteca; asemade, a face da Manuel María presidiu este mesmo espazo nunha escultura con libros que se fixo realidade grazas ao Dpto. de Plástica e ao seu alumnado. Logo, o luns 16 de maio, o que parecía algo bastante improbable materializouse nunha cadea humana que percorreu toda a vila unindo os dous centros de ensino secundario nun desexo común, a defensa da nosa Lingua e da nosa LIteratura, simbolizada nun intercambio de agasallo de dous libros para cada centro: cómic, investigación, música e poesía, e divulgación científica. O martes, propio Día das Letras galegas, o noso Club de Lectura foi quen lle deu vida á obra de Manuel María no Museo de Lalín.

As actividades non remataron aquí; o xoves 19 acudimos á Praza de Abastos para pór en valor os produtos galegos na nosa Lingua aportando 3 grandes cartaces deseñados polo alumnado para que permanezan alí todo o ano, e para escoitar a Miro Casabella, cantautor defensor da nosa Cultura.

O martes pasado, 31 de maio, os nosos alumnos participaron nos obradoiros de Programación e de Robótica na Cidade da Cultura.

Puideron coñecer a R2D2!

Coñeceron ademais, a un grupo de persoas que se esforzan en traballar coas novas tecnoloxías, e fomentar unha cidadanía con coñecemento dixital.

Os obradoiros estaban adicados a programar en Scratch (proxectos de programación nunha contorna de fácil aprendizaxe). Tamén traballaron programando uns Robots LEGO NXT e experimentaron con proxectos divertidos e asombrosos de ciencias e tecnoloxía... Ata tocaron un piano feito de froitas!

Participaron nunha charla sobre os riscos de navegar por Internet. Sacaron en claro, que é fundamental o apoio dos pais (control parental) e tamén o de crear contrasinais súper-seguras... ("un para todos e todos para un!" = "1xaTo2eTo2xa1!"). 

Ollaron a Cidade da Cultura dende o Monte Gaias en Santiago de Compostela, un espazo aberto e cheo de posibilidades...

Portáronse xenial e pasárono fenomenal!

Graciñas por todo!

Do 14 ao 20 de abril nove estudantes de 4º de ESO, alumnos e alumnas das seccións bilingües (inglés) do IES Laxeiro, participaron nunha estadía con familias e estudantes de Finlandia. A escola acolledora, Jynkänlahden koulu, atópase na cidade de Kuopio; alí os alumnos e alumnas viviron o día a día dos seus "hosts", tanto na escola como nas casas. Ademais da inmersión nas actividades lectivas, puideron coñecer de primeira man diversos aspectos da vida e cultura finesas, así como poñer a proba o seu inglés de maneira altamente satisfactoria. A hospitalidade e acollida por parte dos amigos fineses foi exquisita e entrañable, tanto do persoal da escola como das familias. Toda unha enriquecedora experiencia que terá a segunda parte no mes de outubro cando o IES Laxeiro e as familias dezás recibirán aos alumnos-as e profesores de Kuopio.

 Fotogalería

O noso Instituto participa no Plan de Consumo de Froita promovido e subvencionado polo FOGGA (Fondo galego  de Garantía Agraria) e a Unión Europea.

Ao longo deste curso temos concedidos 4 períodos de reparto de froita durante os recreos para o noso alumnado.   O primeiro período de reparto comezou o 30 de novembro e desenvolveuse ao longo de 10 días.

Os seguintes períodos terán lugar a partir do:

    -   15 de Febreiro

     -    4 de Abril

    -   6 de Xuño

Comendo froita e facendo exercicio físico a nosa saúde agradecerao.

O/A Posuidora/a da papeleta premiada xa pasou a recoller a fantástica Cesta de Nadal con excelentes produtos que sorteaban os alumnos de 4º ESO.

O número Premiado foi o:        3787

A rifa foi vendida pola alumna de 4º ESO Ángela Barrio e xa atopamos ao gañador.

NORABOA!!

Recordamos que o obxetivo das rifas era e é en PRO-VIAXE de Fin de Curso do alumnado de 4ºESO do IES Laxeiro.