Instituto de ensinanza secundaria, bacharelato, ciclos formativos e adultos
Informática
Un alumno do ciclo formativo de ASIR está a representar ó centro na competición de Galicia Skills 2016.
Ánimo Eloy!!!
Desde principios deste mes de abril 4 alumnos do ciclo de Administración de Sistemas Informáticos en Rede do noso centro atópanse realizando as súas prácticas de FCT en Dublín dentro do programa Erasmus+.
O Departamento de Informática do IES Isidro Parga Pondal acorda aprobar os seguintes criterios mínimos para a avaliación do Proxecto de Administración de Sistemas Informáticos en Rede. O alumnado deberá cumprir con ditos criterios para acadar unha cualificación igual ou superior ao 5:
Ábrese o prazo para presentar solicitudes para realizar as prácticas da FCT no estranxeiro a través do programa Erasmus+.
Para facer a preinscripción que nos permita realizar a petición de prazas dende o noso centro deberás cubrir o formulario que aparece nesta ligazón.
Durante o mes de xuño celebraránse no noso centro as probas libres para os distintos módulos do Ciclo Superior de Administración de Sistemas Informáticos en Rede.
A xornada de acollemento será o día 2 de xuño ás 10h., e será obligatorio para os participantes nas probas acudir a dita xornada para poder presentarse aos exames nos que estean matriculados. As datas e horas de celebración do resto de exames poden consultarse no documento adxunto.
No noso centro impartese o ciclo de Administración de Sistemas Informáticos en Rede.
O curso consta de 2000 horas de formación, das que 384 son de Formación en Centros de Traballo, na que os alumnos realizan prácticas en empresas colaboradoras do centro.
O primeiro curso abrangue de mediados de setembro ata mediados de xuño, onde os alumnos realizan prácticas e asisten a clases teóricas no propio centro. No segundo curso de mediados de setembro ata finais de marzo aproximadamente a mecánica é a mesma, mentres que dende o mes de abril ata mediados de xuño os alumnos realizan as súas prácticas nunha empresa. Ao tempo que se realizan as prácticas o alumnado realiza un proxecto fin de ciclo que debe presentar ao profesorado de departamento para finalizar a súa aprendizaxe.
A distribución das materias é a seguinte:
| Materia | Horas | Curso | ECTS | Sesións Semanais |
| Implantación de Sistemas Operativos | 213 | 1º | 15 | 8 |
| Planificación e Administración de Redes | 213 | 1º | 12 | 8 |
| Fundamentos de Hardware | 107 | 1º | 6 | 4 |
| Xestión de Bases de Datos | 183 | 1º | 11 | 7 |
| Linguaxes de Marcas e Sistemas de Xestión de Información | 133 | 1º | 7 | 5 |
| Administración de Sistemas Operativos | 140 | 2º | 8 | 8 |
| Servizos de Rede e Internet | 140 | 2º | 8 | 8 |
| Implantación de Aplicacións Web | 122 | 2º | 6 | 7 |
| Administración de Sistemas Xestores de Bases de Datos | 70 | 2º | 5 | 4 |
| Seguridade e Alta Disponibilidade | 105 | 2º | 6 | 5 |
| Proxecto de Administración de Sistemas Informáticos en Rede | 26 | 2º | 5 | - |
| Formación en Orientación Laboral | 107 | 1º | 5 | 4 |
| Empresa e Iniciativa Emprendedora | 53 | 2º | 4 | 3 |
| Formación en Centros de Traballo | 384 | 2º | 22 | - |
Nesta páxina podes consultar o documento co currículo completo do ciclo
