Este próximo xoves 30 de xaneiro terá lugar no Local de Federación Provincial de ANPAS da Coruña - Costa da Morte (na rúa Rua Alfredo brañas, 44 de Carballo) unha charla sobre o protocolo de intervención do risco suicida (ámbito educativo) e iniciación ao protocolo.
Máis información en https://www.edu.xunta.gal/portal/Educonvives.gal
Esta semana tivo lugar a representación teatral da obra "Suspéndese a función" de Fernando Lalana por parte dos alumnos do IES Isidro Parga Pondal.
Foi unha actividade extraescolar organizada pola ANPA coa colaboración de Vagalume Teatro e da que puidemos gozar esta semana no Pazo da Cultura de Carballo.
No IES Parga Pondal de Carballo, un ano mais, poñemos en marcha unha das diversas actividades enmarcadas no Proxecto de Convivencia e Mediación do noso centro.
Ademais da formación en “Alumnado Mediador” iniciada no curso 2007/08 e que fai posible contar en todos os cursos con alumnos e alumnas mediadores que actúan como intermediarios na resolución de conflictos no centro ; levamos 6 anos traballando co programa de “Alumnado Axudante”, unha figura que nas aulas serve para favorecer a integración de novos alumnos e detectar conflictos que comenzan sendo pequenos problemas e así previr a súa derivación en problemas mais graves como o acoso. No presente curso, xa contamos con este tipo de alumnado en todos os niveis da ESO.
A selección do “Alumno Axudante” comeza co alumnado de 1º da ESO e que chega ao centro por vez 1ª, despois dun traballo previo dentro da aula nas horas de titoría, sae escollido polos propios compañeiros o alumnado que vai ser axudante o cal ten sempre unha formación específica que no presente curso comenza o mañán xoves 17 de xaneiro con 12 participantes, e continuará os seguintes xoves.
No IES Parga Pondal o curso pasado eramos 75 persoas traballando en mellorar a convivencia. Neste equipo inclúense os alumnos mediadores. Os bos resultados deste traballo poden apreciarse na diminución do número das expulsións e dos apercibimentos.
Desde o departamento de Mediación, encargado da convivencia escolar no IES Parga Pondal, agradecemos a implicación de profesorado, alumnado e familias ademáis de axentes externos como Vieiro ou os Servizos Sociais do concello para construir unha convivencia na comunidade educativa baseada na tolerancia e no respeto á diversidade. Asimesmo, tamén damos as grazas aos medios de comunicación por facer visible este traballo que se desenvolve en moitos centros galegos de ensino e que está dando moi bos resultados na mellora do clima escolar.
Departamento de Mediación do IES Parga Pondal
Estimadas familias,
De novo remata o curso escolar e comezará outro tras as esperadas vacacións de verán.
Un ano máis, achegamos o Boletín de Subscrición para as familias que teñan a ben seguir con nós e para as que se incorporan de novo a esta asociación que traballa en beneficio dos nosos fillos/as.
A cota vai a ser de 12 € por familia.
Queremos agradecer a gran participación das familias no curso anterior e esperamos seguir medrando en número de socios, para ter unha maior representación no centro escolar.
Actividades da Anpa para o curso 2018/2019:
Sen máis, recibide un cordial saúdo. A Xunta Directiva.
ACHEGASE O FORMULARIO DE INSCRIPCIÓN
FORMA DE PAGO : Ingreso de 12 € na conta de ABANCA ES422080 0705 5330 4000 1705
Por favor, fagan constar no ingreso os nomes do pai/nai ou titor/a e dos alumnos/as
Rogamos, entregar o xustificante de pago do banco grampado xunto con este boletín cos datos debidamente cubertos.
Pago na man: Nos mesmos días e horario da entrega en secretaría da formalización das matriculas (Xuño e
Setembro) no centro. Haberá membros da directiva da Anpa para atender ao cobro da cota de socio/a.
No sorteo a ONCE do día 17 de maio resultou agraciado o número 13370:
A rifa gañadora do premio da ANPA é a que corresponde ás catro últimas cifras dese número, polo que será a rifa co número 3370
A ANPA "Fonte da Vella" organiza un concurso para a elección da portada da Axenda Escolar 2018-2019.
As portadas pódense presentar en papel (entregar na biblioteca, baixo pseudónimo e datos do alumno en sobre pechado) ou en formato dixital enviando un correo a bibliotecalandra@gmail.com adxuntando a portada e indicando os datos do alumno e curso no asunto do correo.
Anímate a participar!!
Podes consultar aquí as bases do concurso.
A ANPA "Fonte da Vella" organiza coa colaboración do IES Isidro Parga Pondal o III Ciclo de charlas para as familias.
O próximo mércores día 9 de maio terá lugar a última charla do ciclo: “ADOLESCENCIA E RESOLUCIÓN DE CONFLITOS. O PAPEL DA FAMILIA” (INTRODUCCIÓN A DISCIPLINA POSITIVA PARA ADOLESCENTES)
Relator: María Paredes
Pedagoga e Educadora de familia en Disciplina Positiva.
Ao remate de cada charla estades convidados a uns petiscos na cafetería do centro.
A ANPA "Fonte da Vella" organiza coa colaboración do IES Isidro Parga Pondal o III Ciclo de charlas para as familias.
As charlas impartiranse na biblioteca do centro os seguintes días:
- Mércores 11 de Abril ás 20:00 horas: Como saber se o meu fillo consome drogas
- Mércores 25 de Abril ás 20:00 horas: A xestión emocional na educación
- Mércores 9 de Maio ás 19:30 horas: Adolescencia e resolución de conflitos. O papel da familia
Ao remate de cada charla estades convidados a uns petiscos na cafetería do centro.
Para máis información pódese ver o cartel coa información das charlas.