IES Isidro Parga Pondal

Os gañadores do concurso de disfraces de entroido deste ano son os seguintes:

•  1º Ciclo de ESO (1º e 2º)
  • 1º Premio: 1º ESO D (Clube de fútbol)
  • 2º Premio (Individual): Ezequiel García Vila (Ninja) - 1º ESO A
• 2º Ciclo de ESO (3º e 4º)
  • 1º Premio: 4º ESO A e B (Peaky Blinders)
  • 2º Premio (Compartido): 3º ESO A (Mendigos de notas) e 4º ESO D (Animais e domadora)
• Bac. e Ciclo:
  • 1º Premio: 2º Bac. B (Bufete de avogados)
  • 2º Premio (Individual): Lidia Noelia Esmorís Rodríguez (Mimo)

Os gañadores do concurso de cantigas de entroido son os seguintes:

• 1º Premio: Sergio González Gutiérrez (1º Bac. B)
• 2º Premio: Sara Gende Longueira (3º ESO A)
• 3º Premio: Saúl Porteiro Muíño (1º Bac. A)

Noraboa aos gañadores.

Segundo a ORDE do 26 de xaneiro de 2021 pola que se establecen medidas de prevención específicas como consecuencia da evolución da situación epidemiolóxica derivada do COVID-19 na Comunidade Autónoma de Galicia, no seu punto 1.5, as medidas específicas para casos e contactos estreitos de COVID-19 son as seguintes:

As persoas que:

• Sexan consideradas caso sospeitoso ou probable de infección polo virus SARS-CoV-2
• Estean pendentes dos resultados de probas diagnósticas por este motivo
• Sexan consideradas como caso confirmado con infección activa
• Sexan consideradas contacto estreito dun caso sospeitoso, probable ou confirmado

deberán seguir as condicións de illamento ou corentena que lles indiquen os servizos sanitarios.

O grupo ecoloxista Toxos formado por alumnado do centro fixo un vídeo sobre o consumo responsable de papel e de como desbotar de xeito correcto a máscara.

O xoves desta semana, é 11 de febreiro e conmemórase o Día Internacional da Muller e a Nena na Ciencia. Por iso, desde a biblioteca quixemos levar a cabo durante a semana varias iniciativas. 

Panel con toda a exposición

Nas vitrinas montamos unha exposición con libros de temática STEM para fomentar o estudo e ensino das ciencias e as matemáticas desde os primeiros anos da Educación Secundaria ata o Bacharelato
 

Vitrinas con libros

Vitrinas con libros

 No panel verde da entrada, colocáronse tres exposicións simultáneas.

• A primeira delas sobre diferentes mulleres contemporáneas divulgadoras de ámbito STEM (Ciencia, Tecnoloxía Enxeñería e matemáticas) que empregan redes sociais para levar a cabo este labor, e que vos aconsellamos seguir.
• A segunda sobre persoas LGTBI de ámbito científico que tamén realizan divulgación en ciencia dunha forma amena. 
• E unha terceira sobre mulleres inventoras e mulleres científicas xa falecidas que foron referentes en diferentes campos de ámbito STEM ou ben que desenvolveron grandes inventos relevantes para a sociedade. As fichas desta exposición foron levadas a cabo polo alumnado da optativa de TICS de 2º de bacharelato A dentro da súa participación no concurso internacional Wisibilízalas organizado pola Universidade Pompeu Fabra de Barcelona cuxos obxectivos precisamente son romper estereotipos de xénero asociados a carreiras STEM e potenciar referentes femininos actuais que sirvan de inspiración ás máis novas.

Mulleres divulgadoras

Mulleres divulgadoras

Persoas LGTBI de ámbito científico

Mulleres inventoras e científicas

O propio xoves 11 temos unha charla organizada pola Iniciativa 11 de febreiro (https://11defebrero.org/) lanzada en setembro de 2016 por un grupo de persoas do ámbito científico, de forma completamente voluntaria e sen ánimo de lucro co obxectivo de encher as axendas de actividades que conmemoren o Día Internacional da Muller e a Nena na Ciencia promovendo prácticas que favorezan a igualdade de xénero no ámbito científico-tecnolóxico.

Esta tertulia será guiada pola carballesa Verónica Bolón Canedo, enxeñeira informática e profesora de Ciencia da Computación e Tecnoloxías da Información na Universidade da Coruña, recentemente galardoada cun dos premios Dona TIC na categoría de revelación polo seu traballo no ámbito das tecnoloxías da información e a comunicación outorgados pola Consellería de Políticas Dixitais e Administración Pública da Generalitat de Cataluña, dentro do plan Dona TIC.

A esta charla asistirá o alumnado de 4º ESO e 1ºBacharelato que cursan a materia optativa de TICS e Introdución á programación. Ao rematar, Sara Cotelo e Sergio Amarelle (de 1º de Bacharelato) faranlle unha entrevista na radio Rebolondas do centro para a súa posterior emisión en formato podcast para que poida ser escoitado por toda a Comunidade Educativa.

Verónica Bolón Canedo

O noso agradecemento ao blogue "Social Media en Investigación" que ten como obxectivo fusionar a ciencia e as redes sociais, e dar a coñecer proxectos de divulgación científica. O material usado para a exposición de mulleres divulgadoras e ciencia Arco Iris foi obtido de dúas das súas iniciativas:

• #MujeresDivulgadoras para visibilizar as mulleres no mundo da ciencia, especificamente no ámbito da divulgación. A información que atoparedes será a súa biografía, algunha das súas opinións sobre a divulgación científica e un vídeo onde as poderedes ver en acción. Van xa pola 4º edición. Máis información en https://socialmediaeninvestigacion.com/mujeres-divulgadoras-ciencia/ 
• #CienciaArcoíris que ten como obxectivo visibilizar a persoas LGTBIQA+ do ámbito científico de distintas áreas do coñecemento (Física, Matemáticas, Bioloxía, Historia, Arqueoloxía, etc.). Máis información en https://socialmediaeninvestigacion.com/cienciaarcoiris/

Novas na prensa:
   - Que pasa na Costa

Gracias á entidade Vieiro o alumnado de 1º e 2º do noso centro recibe as  sesións sobre habilidades persois e Sociais, proporcionando ao alumnado habilidades necesarias para o desenvolvemento da súa vida diaria, ademais de dotes de coñecementos básicos para a utilización das novas tecnoloxías dun xeito saudable e responsable. Nas últimas sesións facilitará información sobre as distintas sustancias adictivas ás que o alumnado pode ter acceso.

O alumnado de 3º e 4º recibe as charlas impartidas pola pedagoga Dalila Vizcaíno que pertencen ao programa de prevención de conductas adictivas. Lleva por lema Non pasa nada,pasa algo? e ten a finalidade de ofrecer información clara, concisa, real acerca dos efectos e consecuencias do consumo de drogas. 

O departamento de Orientación do IES Isidro Parga Pondal, coa estreita colaboración do departamento de Mediación, titores e titoras da ESO e a Dirección queremos agradecer unha vez máis a Vieiro a súa labor tan necesaria para o noso alumnado e comunidade educativa, e o noso  agradecemento a Patricia Rodríguez  e a Dalila Vizcaíno pola súa profesionalidade, implicación e sensibilidade co noso alumnado.

O derradeiro día de curso antes do Nadal, os alumnos e alumnas de 2º da ESO, recibiron unha charla da nosa compañeira Mariquiña que rexenta un clube de actividades de montaña chamado AMI na Coruña. A idea era ir a facer unha actividade de escalada nas súas instalacións, pero a situación actual non o permite, polo que recibiron a información no noso Instituto.
Os rapaces mostráronse moi atentos a toda a información facilitada. Falóuselle dos tipos de actividades na montaña, dos materiais empregados, dos riscos posibles e tamén os animóu a facer unha práctica cando a situación mellore.
Agardamos que sexa pronto xa que estamos moi interesados en facelo.
Moitas grazas Mariquiña!

O 30 de xaneiro, celebramos o Día da Non Violencia e da Paz con motivo do aniversario da morte de Mathama Gandhi (India, 1869-1948), avogado, político e activista do movemento da independencia da India e líder pacifista que defendeu e promoveu a non violencia e a resistencia pacífica fronte a inxustiza e que foi asesinado por defender estas ideas.

“Non hai camiño para a paz: a paz é o camiño”. Mahatma Gandhi.

Cada 30 de xaneiro lembramos a importancia de vivir nun mundo en paz, un dereito da infancia e de toda a humanidade. A educación na tolerancia, a solidariedade, a concordia e o respecto aos Dereitos Humanos, á non-violencia e a paz son motivos para recordar este día.

Dende o IES Parga Pondal sumámonos á celebración deste día con diferentes actividades para concienciar ao noso alumnado da importancia da paz e dos valores do respecto, a tolerancia e a empatía.

Así gravamos un podcast na nosa radio escolar, Rebolondas no que participaron Xosé Cameán, Lara Rabuñal e Alba Varela (4º ESO) e Lara Sestayo (2º Bacharelato). Neste audio podemos escoitar un decálogo para construír un mundo mellor e un manifesto por unha cultura da paz e da non violencia.

 

Ademais no panel verde da entrada fíxose unha exposición cunha selección de poemas e imaxes alusivas á Paz no que participou alumnado de 1º ESO: Julia García, Alberto Calleja, Xiana Barbeira, Andrea Muñiz, Julia Pose, Brais Pensado, Hugo Aldea e Nerea Bardanca. E tamén un poster feito por Lola Amigo de 2ºESO.

Agradecemos a colaboración de todo o alumnado participante nestas actividades.

E lembrade que tod@s podemos contribuír a erradicar diferentes tipos de violencia e convivir nunha cultura da paz!

Desde toda a Comunidade Educativa do IES PARGA PONDAL, queremos expresar o noso agradecemento a Rosalina Pérez, profesora de Física e Química durante 23 anos, pola súa inestimable  implicación docente.

Non puidemos darche a gran despedida que te mereces pero as circunstancias actuais non nolo permitiron así que esperamos, que o pequeno xesto que si puidemos ter contigo, demostre o gran agarimo de todo o persoal docente e non docente do centro que non puideron estar presentes.

Nalgún recuncho do centro quedará sempre a túa pegada. Todo o que vai vir a partir de agora, será un complemento máis á túa vida. Poderás dedicarte ao que che guste, sen présas. A partir de agora recibirás as recompensas por todo o tempo que dedicaches a dar o mellor de ti en cada función que desempeñaches.

Boa singradura, estimada compañeira. Esperamos verte visitando o noso centro. Simplemente, GRAZAS e moi boa sorte nesta nova etapa.

O 27 de xaneiro é o Día Internacional de Conmemoración en Memoria das Vítimas do Holocausto. O 27 de xaneiro conmemoramos a liberación en 1945 polas tropas soviéticas do campo de concentración e exterminio nazi de Auschwitz-Birkenau. Neste día lembramos o xenocidio ou asasinato en masa de case seis millóns de xudeus e doutras comunidades relixiosas, etnias e grupos minoritarios, como testemuñas de Xehová, xitanos, homosexuais ou persoas con discapacidades durante a 2ª Guerra Mundial. O Holocausto foi o maior xenocidio do século XX, un exterminio étnico levado a cabo polo estado nazi alemán, liderado por Adolf Hitler.

Lola e Xosé na radio escolar

 

 

 Nova na prensa:
   - Que pasa na Costa

O noso alumnado colabarou con diferentes centros educativos nos seus programas de radio. Aquí os deixamos información relativa as dúas colaboracións.

DIDÁCTICA EXPANSIVA EN HOMENAXE A RICARDO CARVALHO CALERO

COLABORACIÓN NA RADIO DO IES PERDOURO DE BURELA

Por outro lado, cada mércores, o alumnado do IES Perdouro de Burela, dentro do chamado Proxecto Neo realiza un programa de radio de 1 hora de duración.