|
|
|
|
|
|
|
ANÍMATE E PARTICIPA!
PREMIOS PARA OS MELLORES DISFRACES NA MODALIDADE INDIVIDUAL E DE GRUPO!
TEMÁTICA: O MEDIOAMBIENTE
POLA MAÑÁ: A PARTIR DAS 12:45
POLA TARDE: A PARTIR DAS 19:30
DESCARGAR AS BASES DO CONCURSO
|
|
|
|
|
|
|
|
|
|
Martes 26 de febreiro, ás 18:30
O 26 de febreiro abrimos as nosas portas a todas aquelas e aqueles que desexen achegarse a nós e coñecernos. Estaremos encantados de recibirvos. Falaremos da oferta educativa do noso centro, do noso proxecto educativo e dos nosos principios metodolóxicos, dos servizos e actividades que ofertamos, faremos un percorrido polas instalacións do instituto, charlaremos con vós e resolveremos as cuestións e preguntas que xurdan. Agardámosvos ás 18:30.
|
|
|
|
|
|
|
|
|
 |
|
|
|
O pasado luns 4 de febreiro o alumnado do ciclo de Atención a Persoas en Situación de Dependencia do réxime ordinario e do réxime modular recibiu unha charla sobre o servizo de Asistencia Persoal por parte dun representante de VIgalicia (Oficina de Vida Independente de Galicia). Esperamos que o dereito á Asistencia Persoal se faga efectivo no noso futuro inmediato para facer posible a vida independente das persoas con diversidade funcional. |
|
|
|
|
|
|
|
|
|
 |
|
| O pasado 22 de xaneiro a nosa alumna Ilidenys Rodríguez Ogando (4º ESO B), acompañada por varias compañeiras e compañeiros do instituto e polos profesores Manuel Villar e Dolores Tapia, participou cantando no programa Bamboleo da TVG. Este sábado 26 podes ver a súa actuación ás 22:00 na canle autonómica. Non cho perdas! |
|
|
|
|
|
|
|
|
|
|
 |
|
|
No marco do programa Cidades Amigas da Infancia tivo lugar no Concello de Redondela este 17 de xaneiro a Xuntanza de voceiros, previa á convocatoria do pleno xuvenil. Yaiza Álvarez Soto e Mikias Anxo Prieto Rivas de 1º ESO, representaron ao IES de Chapela acompañados pola profesora Isabel Alonso. |
|
|
|
|
|
|
|
|
|
 |
|
|
|
Alumnado de 2º e 3º ESO, acompañado das profesoras Nuria Redondo e Diana Barreiro, participou no Campionato Zonal de Campo a través organizado polo Servizo Provincial de Deportes da Xunta de Galicia. Na mañá do xoves 17 de xaneiro correron representando ao IES Chapela xunto a outros centros dos concellos de Mos, O Porriño e Redondela. As nosas corredoras e corredores, da categoría cadete, acadaron un excelente resultado, destacando a terceira posición de Nerea González Canabal na categoría feminina. |
|
|
|
|
|
|
|
|
|
 |
|
|
O alumnado de Física e Química de 4º ESO acompañado das profesoras Mª Carmen Domínguez e Olga rey, visitou o 16 de xaneiro a factoría de Pescanova para coñecer o funcionamento do seu laboratorio. A experiencia, que contou ademais cun pincho de despedida, resultou do máis grata e aproveitable. Moitas grazas a Pescanova polas atencións recibidas!
|
|
|
|
|
|
|
|
|
|
 |
|
|
Co gallo da conmemoración do 150 aniversario da chegada do Nautilus á Enseada de San Simón, as Bibliotecas de Redondela e a Radio Municipal, organizaron unha lectura radiofónica da obra de Jules Verne, Vinte mil leguas baixo dos mares, á que convidaron a participar a toda a cidadanía. Ademais de colexios e institutos, toda a veciñanza do concello de Redondela sumouse á iniciativa reunindo máis de 15 horas de radio que se emitiron en antena os días 24 e 31 de decembro do pasado ano. Trátase, segundo a organización do proxecto, da lectura radiofónica máis longa feita dunha obra destas características.
O alumnado, persoal non docente e profesorado do IES Chapela, sumouse a este esforzo colectivo. Agora xa podemos desfrutar do resultado. As nosas voces aparecen nos capítulos 15, 17, 18, 19, 20, 21. ... Picando na imaxe do libro accedes ao espazo onde poderás escoitar e mesmo descargar os audios. Moitos parabéns.
|
|
|
|
|
|
|
|
|
|
| O xoves 20 de decembro fans da literatura, dos comics e das películas da quenda modular atopámonos ao redor dunha mesa na que se dispuxeron os tesouros que recompilamos grazas á proposta da biblioteca. Houbo libros en galego e castelán e tamén películas, como a de: Que facemos con Maisie? Deixamos, para outra ocasión, a banda deseñada. Parolamos ao redor dos motivos polos que recomendábamos a Agatha Christie e os seus dez negriños; a Jules Verne e as súas tribulacións na China; e a Paulo Coello e o seu estilo, tan zen. Dos coñecidos versos de Don Juan Tenorio e Dona Inés; falamos de Dolores Redondo e o seu gardián invisible; asemade, achegouse por alí James Herriot, un veterinario typical english que emociona coas súas andanzas no libro Todas las criaturas grandes y pequeñas e, nun recuncho da mesa, atopamos a Mary Higgins Clark e o misterio das súas novelas. Logo de moitas dúbidas e cábalas, e algunha que outra volta ao redor da mesa para sopesar con siso todas as opcións, decidímonos, iso si, só despois de que tocase o timbre do recreo, pois aproveitamos até o último minuto, xa que a mesa estaba chea de mundos a descubrir. Cada quen escolleu ao fin e voltamos aos nosos quefaceres, imaxinando xa que novas aventuras íamos atopar ao abrir a tapa dun novo libro. |
 |
 |
|
|
|
|
|
|
|
