Novas

Visita a colexios da zona

"Os días 12 e 13 de marzo o alumnado de 1º de Educación Infantil participou durante toda a mañán nas aulas de infantil de 3 a 6 anos dos colexios: CEIP Frián-Teis, CEIP Alexandre Bóveda, CEIP Laredo e CEIP Igrexa.
A experiencia foi magnífica e queremos agradecer a todo o profesorado, equipos directivos e nenos e nenas dos centros a gran acollida que nos brindaron. No seguinte trimestre voltaremos coas mans cheas de xogos e actividades para facer disfrutar ás crianzas!!!"
 
 Visita a coles 3  Visita a coles 2
 Visita a coles 1  Visita a coles 4
   

Ven á FP!

Durante os recreos desta semana o alumnado e profesorado dos distintos ciclos formativos que se imparten no IES Chapela realizaron unhas sesións informativas nas que explicaron aos compañeiros e compañeiras as diversas opcións a cursar no instituto: CS Dietética, CM Farmacia e parafarmacia, CS Documentación e administración sanitarias, CS Educación infantil, CM Atención a persoas en Situación de dependencia ou CS Integración social.

 

Sesións informativas 1 Sesións informativas 2

 

Xogos populares

XORNADA DE CONVIVENCIA ENTRE OS CEIP E O IES DE CHAPELA CON XOGOS POPULARES!!!

O venres 15 de marzo, co obxectivo de promover a convivencia entre o alumnado dos cursos de 6º de primaria dos CEIPs Alexandre Bóveda, Igrexa e Laredo, e o alumnado dos primeiros cursos da ESO do IES, celebráronse as xornadas de xogos populares. Así cando cheguen ao instituto xa terán referentes.

Organizados e dirixidos por alumnado do ciclo de Formación Profesional de Educación Infantil, mesturados en doce grupos realizaron diferentes xogos ao longo da mañá. Este curso cada xogo simula unha estación do “Camiño de Chapela”, e ao remate cada grupo obtén a “Chapeliña” que é unha acreditación das probas superadas: O pano, zancos, o aforcado, paracaídas, sogatira, relevos, sangue, gato-rato…. Estiveron acompañados/as por profesorado dos CEIP e do IES.

   
Xogos 2 xogos3
xogos4 xogos5
xogos6 xogos 7
xogos 8 xogos  10
xogos 11 xogos 12
xogos 13 xogos 17
xogos 18 xogos 19

Charla "Internet Segura" - Multiusos de Chapela - 15 de marzo ás 20:00

No camiño do vento - Sesé Mateo / Marzo 2019

O IES de Chapela e a familia Mateo presentaron o xoves 7 de marzo o libro No camino do vento de Sesé Mateo. Nun acto emocionante no que se lembrou a nosa veciña, muller loitadora e comprometida, o noso alumnado deu vida aos textos de Sesé. Con forza, sentimento e orgullo, Anxo, Katia, Xela, Icíar, Claudia, Gorka, Miriam, Paula, Ilenia, Noelia e Sofía, representaron ao noso centro e fixeron bo aquilo de que a poesía é unha arma cargada de futuro. Aquí os tedes na foto na compaña de Joshua, fillo de Sesé, e de Olga, a vicedirectora, que abriu o acto. Moitas grazas a todas e a todos por ser como sodes. Nova en Faro de Vigo.

8 de Marzo de 2019 - Día Internacional da Muller

  

 

Entroido 2019

 

Entroido 2019

ANÍMATE E PARTICIPA!

 

PREMIOS PARA OS MELLORES DISFRACES NA MODALIDADE INDIVIDUAL E DE GRUPO!

 

TEMÁTICA: O MEDIOAMBIENTE

POLA MAÑÁ: A PARTIR DAS 12:45

POLA TARDE: A PARTIR DAS 19:30

DESCARGAR AS BASES DO CONCURSO

Xornada de Portas Abertas

Martes 26 de febreiro, ás 18:30

O 26 de febreiro abrimos as nosas portas a todas aquelas e aqueles que desexen achegarse a nós e coñecernos. Estaremos encantados de recibirvos. Falaremos da oferta educativa do noso centro, do noso proxecto educativo e dos nosos principios metodolóxicos, dos servizos e actividades que ofertamos, faremos un percorrido polas instalacións do instituto, charlaremos con vós e resolveremos as cuestións e preguntas que xurdan. Agardámosvos ás 18:30.

Probas de acceso

Charla de VIgalicia

      O pasado luns 4 de febreiro o alumnado do ciclo de Atención a Persoas en Situación de Dependencia do réxime ordinario e do réxime modular recibiu unha charla sobre o servizo de Asistencia Persoal por parte dun representante de VIgalicia (Oficina de Vida Independente de Galicia). Esperamos que o dereito á Asistencia Persoal se faga efectivo no noso futuro inmediato para facer posible a vida independente das persoas con diversidade funcional.
Distribuir contido