Para gustos, cores, amores. Luns.

Hoxe no recreo lemos o manifesto "Para gustos, cores, amores", no que se recollen os principios desta semana de actividades que imos dedicar ao amor, sen prexuízos e sen etiquetas, desde o respecto á diversidade. Ademais, nas paredes e corredores do instituto pódese atopar unha selección de versos e poemas breves de amor de diferentes autores e autoras, tanto en galego coma en castelán.

Semana da Muller e a nena na ciencia

Comezamos a semana da Muller e a nena na ciencia na que teremos tres charlas doutras tres científicas. O mércores 12 visitaranos Alba Aguión, bióloga, gañadora do FameLab e compoñente da expedición antártica Homeward Bound. O venres 14 de febreiro dobre sesión.

Amor sen prexuízos nin etiquetas

A semana do 10 ao 14 de febreiro imos celebrar o amor, o amor sen prexuízos nin etiquetas, desde o respecto á diversidade. Será unha semana de actividades que pecharemos o venres 14 a partir das 20:00h cun acto no que contaremos coa compañía de teatro A Panadaría, que poñerá en escena a obra "Elisa e Marcela".

Charla informativa dos estudos universitarios da USC

Arestora, no salón de actos, para o alumnado de 2º de bacharelato, sesión informativa dos estudos universitarios da

Charlas do departamento de Economía

O departamento de Economía organizou no mes de xaneiro dúas novas charlas. O día 22 contamos coa presenza de Isabel Iglesias Arce, asesora financeira europea, quen lle explicou ao alumnado o funcionamento do mercado da bolsa e como investir de xeito seguro e sen riscos. O día 30 Xabier Roibas, xerente de Áncora Dixital, empresa dedicada ao márketing dixital, explicou a actividade que desenvolve a súa empresa e como conseguir posicionamento na internet.

Imos de voda

O 14 de febreiro non fagades plans que a partir das 20:00 temos voda no instituto e estades todos e todas convidados e convidadas!

Distribuir contido