Relixión católica

O alumnado de 4º ESO e 1º Bacharelato que cursa as materias de Xeografía e Historia e Relixión Católica está de visita cultural do 19 ao 21 de febreiro. En Mérida, Patrimonio da Humanidade desde 1993, visitaron a igrexa de Santa Eulalia, patroa da cidade, o foro, o teatro e o anfiteatro. O xoves estarán en Cáceres pola mañá e en Trujillo pola tarde, ambas as dúas tamén Patrimonio da Humanidade desde 1986 e 2018 respectivamente. O venres de regreso visitarán Ciudad Rodrigo.

O próximo luns 19 de novembro o alumnado de Relixión de 1º e 2º ESO vai visitar o Santuario de San Campio, en Tomiño, para realizar un traballo guiado, previamente preparado na aula. Esta actividade ten como obxectivos descubrir a arte cristiá como expresión de fe e recoñecer a planta e a orientación dun templo, así como os diferentes elementos litúrxicos e decorativos.

O departamento de Relixión do centro organizou unha visita a Asturias, na que o alumnado de Bacharelato matriculado na materia de Relixión poderá coñecer Oviedo e Xixón. Estarán fóra dende o mércores 13  ata o venres 15 de xaneiro. No arquivo adxunto pódese ver o programa da actividade.

O departamento de Relixión católica do centro organizou unha visita ao Mosteiro de Poio para o alumnado matriculado na materia no curso de 1º de ESO. Esta saída terá lugar o vindeiro luns 25 de maio.

Os alumnos de relixión de 2º de ESO terán a oportunidade de visitar a cidade de Ourense nunha actividade preparada polo Departamento de Relixión do centro o vindeiro luns 11 de maio.