blogue deadmin

Xa está publicada no taboleiro interior do centro a listaxe definitiva de Fondo libros, na que se indican os libros das materias concedidas, que se entregarán ao comezo do próximo curso. Tamén están dispoñibles os vales de material, que se poden recoller na secretaría de 9:30 a 14:00h os días 29, 30 e 31 de xullo ou a partir do 1 de setembro.

Pódese consultar a listaxe provisional do Fondo solidario de libros no taboleiro interior do centro. Ábrese o prazo de 2 días hábiles para a presentación de reclamacións. A próxima semana publicarase a listaxe definitiva.

Pódese consultar no arquivo adxunto a listaxe de libros de texto para o curso 2024-2025.

O venes 21 de xuño é o último día lectivo do curso 2023-2024. A comunicación das cualificacións da avaliación extraordinaria de 1ºBach e da avaliación final da ESO farase nas seguintes datas:

- Entrega dos boletíns: mércores 26 de xuño ás 11:00 horas nas aulas nas que cada grupo ten as súas sesións de titoría. Lembramos que ese día non hai transporte escolar.

- 24-28 de xuño: matrícula preferente para 4ºESO, 1º de Bacharelato e 2º de Bacharelato. O alumnado que participa no intercambio con Nagold ou na viaxe a Francia pode matricularse na semana seguinte.