blogue deadmin

Do 27 ao 31 de marzo imos celebrar no instituto unha Semana cultural con actividades de distinto tipo para todos os grupos en horario lectivo. Tamén se inclúe unha proposta aberta a toda a comunidade educativa fóra do horario lectivo: será o mércores 29 ás 20:00h no salón de actos do instituto, onde poderemos asistir á representación da obra "A parábola do angazo" a cargo de Talía Teatro.

A semana pasada estiveron en Gondomar vinte e dous alumnos e alumnas e dúas profesoras procedentes de Nagold (Alemaña), dentro dun intercambio con alumnado de 1º de Bacharelato do noso instituto. Ademais de convivir coas familias do alumnado de Gondomar, participaron nun programa de actividades moi diverso.

Este próximo luns día 27, ás 15.30 horas, temos sesión do Club da Igualdade. E esta é das que non se poden perder. Van estar con nós educadores, rapazas e rapaces da Fundación IgualArte. E que é IgualArte? Pois un espazo creativo marabilloso para persoas con diversidade funcional.

Este próximo xoves 23 de febreiro o IES Auga da Laxe celebrará o Día de Rosalía 2023 cun acto que se desenvolverá de 11:30h a 12:00h, aproximadamente, na Praza Rosalía de Castro e que conta coa colaboración do Concello de Gondomar.

Desde a comunidade educativa do IES Auga da Laxe queremos manifestar a nosa repulsa e a nosa firme condena polo asasinato machista de Beatriz Lijó Gesteira, exalumna do noso centro.