Primeiro Trimestre

Xa estamos de volta!

Xa estamos de volta nas aulas. Retomamos así a actividade académica neste novo ano 2019, logo das vacacións de nadal.

Visita de 4ºESO a dúas exposicións en Santiago

Este pasado mércores 19 de decembro o alumnado de 4ºESO participou nunha visita didáctica a dúas exposicións sobre Castelao en Santiago, unha actividade organizada polo departamento de Lingua Galega e Literatura e o Equipo de Dinamización da Lingua Galega do instituto. Pola mañá realizaron no Museo do Pobo Galego unha actividade sobre Antón Fraguas, autor homenaxeado no Día das Letras Galegas 2019.

Charla sobre ludopatía


Hoxe, xoves 20 de decembro, o alumnado de 3º e 4º de ESO e 1º de bacharelato asistiu a unha charla de Juan Lamas, director terapéutico de AGAJA e director técnico de FEJAR, sobre a crecente vaga de ludopatía, en especial sobre a prevención dos xogos de azar na idade do noso alumnado.

Palabra de bruxa

A voltas con “Palabra de bruxa” de Andrea Barreira... O mesmo que a protagonista, o alumnado de 3º ESO recolleu bruxerías sandables das súas devanceiras, remedios caseiros a base de plantas que medran pola nosa terra.  

Libros para a igualdade

Libros para a igualdade é unha iniciativa da biblioteca do noso centro e mais do EDLG. Do 12 de decembro ao 25 de xaneiro expoñemos no patio central do instituto dúas ducias de libros de temática relacionada coa muller e o feminismo, que forman parte da maleta da igualdade, un préstamo do Centro de Formación do Profesorado de Vigo. Son obras diversas de varios xéneros: narrativa, poesía, ensaio, teatro e cómic.

Poemas de inverno. Homenaxe a Laura Luelmo.


Este martes 18 degustamos poemas de inverno cun acompañamento doce de pastas e música no salón de recitado que acolleu a dinamización poética de decembro que organiza o departamento de LCL.

Distribuir contido