blogue deadmin

Publicouse no BOE a convocatoria de bolsas do Ministerio de Educación para alumnado con necesidade específica de apoio educativo. O prazo para presentar as solicitudes abrangue desde o 30 de abril ao 13 de setembro de 2024. Tedes máis información na seguinte ligazón: https://www.becaseducacion.gob.es/becas-y-ayudas/ayudas-apoyo-educativo/tipos-de-becas.html

En cumprimento da nova lei educativa estatal, este curso está prevista en todas as comunidades autónomas a realización das probas da avaliación de diagnóstico para o alumnado de 4º curso de Educación Primaria e 2º curso de Educación Secundaria Obrigatoria.

Convócanse as bolsas do Ministerio de Educación, dirixidas aos alumnos e alumnas que vaian cursar estudos postobrigatorios: Bacharelato, Formación Profesional (incluída FP Básica), ensinos artísticos, deportivos, de idiomas ou estudos universitarios.

Do 18 ao 22 de marzo, xa rematados os exames da 2ª avaliación e coincidindo coa viaxe a Andorra do alumnado de 4ºESO, celebraremos no instituto a Semana cultural 2024, cun programa de actividades que organizan conxuntamente a vicedirección, o EDLG, a Biblioteca e os dieferentes departamentos didácticos. O luns 18 haberá unha charla do poeta madrileño Mario Obrero para o alumnado de 1º e 2º de Bacharelato, unha proposta que se organiza ao abeiro do programa “Encuentros literarios” do Ministerio de Cultura.

O pasado 8 de marzo participamos nos actos institucionais do Concello de Gondomar con motivo do Día Internacional da Muller. Alumnado de 1º, 2º e 3º ESO e alumnas de 2º Bacharelato deron lectura ao Manifesto, xunto co Alcalde e a Concelleira de Igualdade; logo varios grupos de alumnos/as escenificaron algúns dos micromachismos aínda vixentes na nosa sociedade e Nerea Gándara, de 2º Bach, cantou, como remate, "La puerta violeta", de Rozalén, acompañada por un coro numeroso de alumnado e profesorado. As actividades estiveron organizadas desde o EDLG,